الموضوع: حملة شارك ووسخ مدينتك .... ( ملصقات والكتابة عالحوائط )

حملة شارك ووسخ مدينتك ....
( ملصقات والكتابة عالحوائط )


يكاد يكون قلبي حزين ومنكسر .... كل ما اشوف بيت اتبنى جديد ... ولا حائط ادهن جديد ... ولا محطت اتوبيس كراسي عامة اتجلدت بالرخام او السيراميك .... والاقي الملصقات البشعة عليها. اقول لاحول ولاقوة الا بالله هيا الناس جرالها ايه .... ايه البهايم الي بيلزقوا استيكرات كده على الحوائط بالشكل ده



طبعاً الصورة متصورة في لبنان .... بس في مصر على العن وعلى امر ... في كل حته في كل مكان على كل ناصية .... وعلى كل حيطة. اعلانات ايديل زنوسي ورقه كده سودة معفنة وتلاقيه محطوط عليها رقم الصيانة .... وياعيني لمن يكون موسم انتخابات مجلس الشعب برضو نلاقي صور المرشحين توسخ كده حوائط القاهرة. ، وبشكل همجي وبعيد عن المسؤولية. .... ده حتى قسم الشرطة الي جمبنا لسه مدهون جديد وبقه ابيض كده ومنور زي الفل. تاني يوم لقينا شباب كاتبين عليه بالبخاخة بتاعت الالوان يسقط الدستوووووور .



جردل الزبالة الي جمبنا. البلدية دهنتوا ورجعتوا جديد وزي الفل جم شباب كاتبين عليه لا لحكم العسكر شباب ٦ ابريل ... ياريتني اقدر اصورلكم. الوساخة. وارفعلكم الصور بس هصور اااااايه ياربي. شوية وساخة ما انتم اكيد شايفين وعارفيين انها وساخة وقذارة والي عملوا كده لا اجد وصف. ينوصف بيهم اكتر من انهم حبت بهايم. لاعقل لهم !





وكلو كوم وشباب اليومين دول بتوع الرسم الايكتريكي مش عارف اسموا ايه
فنانين بسلامتهم. وقالك لا دي مش وساخة ده نوع من انواع الفن وحرية التعبير



ياخويا ماتروح تعبر عند بيت اهلك انتا جي تعبر لي هنا ... وجي تعبر على حيطت بيتي الي مكلفها شيء وشيات دهان ومصيص ومحارة حبكت جي تعبر على بيتي او في الشارع العام والمنظر الحضاري للبلد

هيا الوساخة في مصر والقذارة بقة. فن .... وانا بجد متغاظ جداً من الاعلانات الورقية الي بتتلزق على الحيطان ويجو اصحاب البيوت يشيلوها وطبعاً الصمغ وبقايا الورق. يبقى معلم كده على البيوت ومحطوط للزمن بمنظر بشع ومقزز وبسئل نفسي لغايت امتى هتفضل مدينتنا وسخة بهذا الشكل. ...

ولحد ايمتى هيسمحوا لبتوع الدعاية والاعلان وبالذات ايام الانتخابات يوسخوا البلد بهذا الشكل .... الا يوجد قانون رادددع لهم. الا يوجد عقوووووووبة يجرمها القانون لتشويه منظر المدينة ... ده الي بيعمل حادثة غصب عنوا ويلبس في رصيف او في عمود نور بيحجزوا العربية ويلبسوا تهمة اتلاف مال عام الله. اومال الي مش بيتلف المال عام ده زبل البلد كلهااااااا. يبقى ايه عقوبتواااااا ... طيب انا بقول لو ان الممنوع مرغوب. ماتيجي نعمل حملة. تحت شعار. زبل مدينتك او وسخ مدينتك والكل يشارك فيها ويبقى يوم في السنة للوساخة لافراغ الكبت الي عند الناس بس في المقابل. محدش يوسخ بعد كدة ومحدش يشخبط بعد كدة على الحيطان والكل يشارك في النظافة.

@@@@@@@@@@@@@@@@@

وتعميم. قرار على المدارس انو يبقى يوم كل شهر يطلعوا الاطفال. يزرعوا شجر. بايديهم يدهنوا رصيف بايديهم يطلعوا يكنسوا الشوارع بايديهم علشان يحسوا بتعب الدولة في عملية النظافة. وميوسخوش بعد كده .... حتى فكرة دهان الارصفة ماهي ممكن تكون في حصة الفنية او حصة الرسم وكل ولي امر يشارك ب ١٠ جنية تمن كيلو بووية ابيض او اسود .... ويبقى تعميم على كل المدارس والجامعات والي مش عاوز يدهن. يكنس والي مش عاوز يكنس ولا يدهن يزرع والي مش عاوز يزرع اهو يسقي زرع كدة يعني ولا ايه رايكم يا شباب !

@@@@@@@@

وتحياتي