انا ندماااااان وحزين جدا انى اشتريت لانسر شارك

**Sa3D ALEX** · 14-12-2012 02:11 AM

السلام عليكم جميعا

اود ان اوضح لكم مدى حزنى وندمى على شراء تلك السياره الجميله فعلا جميله ورائعه بس ندمان بجد وناوى ابيع باذن الله

هى شارك 2008 هاى لاين تعتبر بحاله الزيرو ومقدرش اقول لكم مدى ارتفاع معنوياتى تجاه تللك السياره لدرجه انى نويت انى اعدل فيها واغير من شكلها واجعلها مثل الايفو بجد وفجاه وجدت احتراق لمبه الزينون وبعدها كسر داخلى فى الفانوس الامامى فقررت انى اغير الفانوس واللمبه امر طبيعى وقمت بالاتصال بدايموند موتورز فى القاهره وقالى سعر اللمبه الواحده فقط من غير الجهاز 1050 جنيه قبل 10% ضريبه مبيعات وسعر الفانوس الوااااحد 7400 جنيه قبل الضريبه يعنى بعدها يبقى عامل 8140 جنيه

فانوس وااااااحد بى 8140 جنيه ليه هى بى ام ولا مرسيدس ولا المانى حتى نقول ماشى دى لانسر يابانى يعنى خليه بى 2000 او 2500 او 3000 حرام الاستفزاززز ده وطبعا اتصلت بجميع مراكز الخدمه زى المصريه والرواس وفعلا السعر ده صحيح

علما بان تركيب الفانوس مع الاكصدام غبى جدا يعنى لو حد ريح عليك على الاكصدام الفانوس يتكسر بمنتهى السهوله لانه موجود شفه تحت الاكصدام يعنى يعمل ضغط عليه مش حر بعيد عنه فاهمين ياخونا

انا هصلح الفانوس وهضطر انى اغير اللمبه ب1150جنيه على العموم حسبنا الله ونعم الوكيل ومنهم لله اللى عملوا فينا كده

**hugan** · 14-12-2012 02:14 AM

فانوس ب8000 ليييييييه
الدنيا جري فيها ايه
هي الشارك مالهاش قطع غيار في المحلات
انا مش فاهم ايه الافتراء اللي بيتعامل بيه التوكيلات مع اصحاب العربيات في مصر

**Dr'AhmZZong** · 14-12-2012 02:17 AM

8000 لييييييييييييه .. هو أنا راكب بنتلي ..

ربنا يصبرك على ما ابتلاك بيييييييييه ..

**د. علاء ابراهيم** · 14-12-2012 02:32 AM

اايييييييييييه !!!!
انا قرات الارقام اكثر من مره حد يقول انى فهمت غلط
لمبة ب 1100 و فانوس واحد ب 8140

انا كنت باحترم العربية دى
بس واضح ان قطع الغيار كده ...... مش لاقى وصف

**Sa3D ALEX** · 14-12-2012 02:32 AM

المشاركة الأصلية كتبت بواسطة AhmaZonG

8000 لييييييييييييه .. هو أنا راكب بنتلي ..

ربنا يصبرك على ما ابتلاك بيييييييييه ..

امين يارب والله انا فعلا محتاج دعوه زى دى

windofchange الحل وده انك مضطر تركب ديفيندر يعمل داير حوالين الفانوسين بس مشكلته فالحوادث القوية غلط عالعربية وعلي الشخص اللي هتخبطه

كده هيبقى الشكل مش تمام وهنلعب فى فبريكه العربيه هو الاحسن ان الواحد يخلى باله ون اللى ادامه وميلزقش فيه فى الاشارات والزحمه تحسبا لتريح العربيات وربنا يسترها معانا لحد منبيع

**graffittiii** · 14-12-2012 02:36 AM

8000 ج ؟؟
أنا حاسس أن حضرتك لو جبته من اليابان بتكلفة الشحن هيبقي أرخص من كده ...
.

**yyy** · 14-12-2012 02:45 AM

المشاركة الأصلية كتبت بواسطة Sa3D ALEX

السلام عليكم جميعا

اود ان اوضح لكم مدى حزنى وندمى على شراء تلك السياره الجميله فعلا جميله ورائعه بس ندمان بجد وناوى ابيع باذن الله

هى شارك 2008 هاى لاين تعتبر بحاله الزيرو ومقدرش اقول لكم مدى ارتفاع معنوياتى تجاه تللك السياره لدرجه انى نويت انى اعدل فيها واغير من شكلها واجعلها مثل الايفو بجد وفجاه وجدت احتراق لمبه الزينون وبعدها كسر داخلى فى الفانوس الامامى فقررت انى اغير الفانوس واللمبه امر طبيعى وقمت بالاتصال بدايموند موتورز فى القاهره وقالى سعر اللمبه الواحده فقط من غير الجهاز 1050 جنيه قبل 10% ضريبه مبيعات وسعر الفانوس الوااااحد 7400 جنيه قبل الضريبه يعنى بعدها يبقى عامل 8140 جنيه

فانوس وااااااحد بى 8140 جنيه ليه هى بى ام ولا مرسيدس ولا المانى حتى نقول ماشى دى لانسر يابانى يعنى خليه بى 2000 او 2500 او 3000 حرام الاستفزاززز ده وطبعا اتصلت بجميع مراكز الخدمه زى المصريه والرواس وفعلا السعر ده صحيح

علما بان تركيب الفانوس مع الاكصدام غبى جدا يعنى لو حد ريح عليك على الاكصدام الفانوس يتكسر بمنتهى السهوله لانه موجود شفه تحت الاكصدام يعنى يعمل ضغط عليه مش حر بعيد عنه فاهمين ياخونا

انا هصلح الفانوس وهضطر انى اغير اللمبه ب1150جنيه على العموم حسبنا الله ونعم الوكيل ومنهم لله اللى عملوا فينا كده

ما هو دة عيب العربية دى اسعار قطع الغيار ...مافيش قدامك غير انك تشوفة استيراد(بس لف كويس وفاصل لانهم بيبيعوا على اسعار الوكيل ) ياما تجيب الديبو وما بيفرقش كتير عن الاصلى
بس معرفش الفانوس الزينون زى العادى ولا بيفرق عنة

بس بعد ما تبيع ها تركب اية؟؟؟ فى اسعار قطع الغيار ما بيفرقوش كتير ..اسال على فانوس الفيكترا c كدة و لا الفانتازيا

**hpxp** · 14-12-2012 02:47 AM

طب ما تجيب الفانوس من برة هيجري ايه يعني
اللي بيشتري عربيه عموما بيشوفها اسيستها سليمه ولا لاء وبعدين يشوف اذا كانت راشه او لاء
يعني اللي يهم الناس ساعت الشراء الاساسيات ودا لو حضرتك بتفكر في البيع هيبقي ايه وضع العربيه
اصل معلش يعني حضرتك مطيرتش سقف ولا قايم ده حايله فانوس يعني جيبه ماكه الديبو وخلي دايموند يشرب الفانوس بتاعه
______________
بالنسبه للمبه الزينون ليه يعني ب1050 يعني ليه ابو تريكه
دا انا لسه جايبها ب 50 جنيه ودافع تركيب 10 جنيه يعني 60 مش 1050
التوكيلات عموما بيعتمدوا علي السرقه العلني زي ما حضرتك شايف
انا عموما قلت لحضرتك علي الي فيها
يعني الليه دي كلها ممكن تعملها ب 800 ومش هتنزل من قيمه العربيه ربع جنيه سيبك من موضوع فبريكه ومش فبريكه انت جايب عربيه علان تركبها يا ريس
واتمني اني اكون افدتك واسف علي الازعاج

-

الموضوع: انا ندماااااان وحزين جدا انى اشتريت لانسر شارك

LinkBack

أدوات الموضوع

عرض

-

-

-

-

-

المواضيع المتشابهه

لانسر شارك gt

Bmw 316 ولا لانسر شارك

لانسر شارك

لانسر 1600 - لانسر شارك - نيو سيراتو - النترا

لانسر شارك ex

الكلمات الدلالية لهذا الموضوع

المفضلات

المفضلات

ضوابط المشاركة