الموضوع: عربيه من ٥٥ ال ٧٠ واسعه وبرحه وكبيره ومحترمه تبقي ايه

النيسان صنى فيها معظم اللى حضرتك عايزه باستثناء الوسع الداخلى لان كنبتها الخلفيه ضيقه و دى يمكن مشكلتها الرئيسيه لكن هى فى نفس الوقت اعتماديه جدا و مشاكلها قليله قوى و توكيلها محترم و شنطتها واسعه و عفشتها كويسه تستحمل البهدله و قطع غيارها متوافرة و سعر اعاده البيع بتاعها ممتاز. لو بتفكر فى زيرو او كسر زيرو ممكن اللوجان العربيه دى برضه منتشره قوى و ممكن تتفرج عليها فى اى معرض و تشوف هتعجبك و لا لأ

المشاركة الأصلية كتبت بواسطة shnory

التيجو انا حاسس انها بقت اكتر من اللانوس واللادا في اسكندريه
فهي مش قليله ولا حاجه
بالعكس انتشارها ده حاجه تطمن

طيب قطع الغيار والثبات للتيجو ولا الماتريكس

المشاركة الأصلية كتبت بواسطة land_cruiser

النيسان صنى فيها معظم اللى حضرتك عايزه باستثناء الوسع الداخلى لان كنبتها الخلفيه ضيقه و دى يمكن مشكلتها الرئيسيه لكن هى فى نفس الوقت اعتماديه جدا و مشاكلها قليله قوى و توكيلها محترم و شنطتها واسعه و عفشتها كويسه تستحمل البهدله و قطع غيارها متوافرة و سعر اعاده البيع بتاعها ممتاز. لو بتفكر فى زيرو او كسر زيرو ممكن اللوجان العربيه دى برضه منتشره قوى و ممكن تتفرج عليها فى اى معرض و تشوف هتعجبك و لا لأ

نفسي في حاجه واسعه وشرحه وبرحه وتكيفها وكويس ومحترمه حكايه الكنبه الخلفيه وضيقها ديه مشكله واللوجتن متهيقلي صغيره

المشاركة الأصلية كتبت بواسطة shnory

الماتريكس عربيه عائليه
التيجو اظن تعامل معامله الجيب
ولو حتقارن متقارنش تيجو بماتريكس لان دي فئه ودي فئه تانيه خالص
ممكن تقارن تيجو برينو داستر مثلا او ما يعادلها في الفئه

الماتريكس اقرب حاجه ليها شكلا وليس سعرا او امكانيات الكيا الكارينز والرينو السينيك
بحس انهم عربيات عائليه مش بتاعه جري

طيب اسعارهم ايه وحضرتك شايف ليه ايه مناسب عربيه عائليه واسستخدام مككن يبقي شاق احيانا واهم حاجه تكون واسعه
صحيح هي التيجو ما بتجريش او فيها مشكله في التروس
اسعرر التيجو المستمعل كام والماتريكس بردوه
اتوكل علي الله وادور علي تيحولا ماتريكس ولا ال ينو الداستر بس متهيلي هتبق بعيد عليه

المشاركة الأصلية كتبت بواسطة shnory

الداستر بما انها رينو حتلاقي اسعار قطع غيارها غاليه بس برضه ما خاب من استشار وعندنا ملاك كتير ليها في قسم رينو تقدر حضرتك ترجع لمواضيعهم المكتوبه وخصوصا المثبته او تعمل موضوع وتسال لو ملاقيتش مواضيع كتير تجاوب علي كل اسالتك

بخصوص التيجو مهندس سمير الشهاوي منسق قسم هيونداي وهو علي درجه عاليه جدا من المصداقيه بما لا يدع مجال للشك
قال انه شافها في ايطاليا وعليها علامه تويوتا
بالظبط زي ما لوجان عليها علامه رينو هنا وعلامه لادا في روسيا
ويقال ان التيجو ال2000 سي سي موتورها جبار
دا كله كلام من مصادر موثوق فيها بطريقه كبيره جدا وميتراجعش وراهم
سعر المستعمل معرفش عنه حاجه بصراحه الا انهم في رينج 60-65 فما فوق للحالات الكويسه

بخصوص الشد والجري والمشاكل
تقدر تراجع الاقسام المختصه في المنتدي حتلاقي فيها كل التقييمات اللي نفسك فيها واجابات لكل الاسئله
او تنزل التول بار بتاع المنتدي وميزته انه بيدور باستخدام جوجل بس في الداتا بيز بتاعه المنتدي
لسرعه البحث
واتمني اكون قدرت افيدك

=========================
ملحوظه صغيره بس
لو عاوز عربيه واسعه وبرحه وسريعه وقطع غيارها رخيصه
وتحطلها اي بنزين وتصلحها عند اي حد
فكر في النوبيرا كمان
بس مش عاليه زي العربيات اللي اتكلمنا عنها

طيب الاوبترا ولا الماتريكس ولا التيجو