أسئلة لمالكى الاوتوماتيك وبالاخص الشارك

**heka_m_y** · 14-12-2012 06:14 AM

السلام عليكم انا معايا شارك 2012 اوتوماتيك ولى بعض الملاحظات والاسئلة يا ريت اللى عنده خبره أو جرب نفس الشىء فى عربيته يرد عليا بس يكون متأكد لو تكرم وجزاكم الله كل خير .

أولا : انا لما ببقى ماشى فى زحمة واضرب فرامل وتقف السيارة وانا على الd الار بى ام بيوطى بيبقى حوالى 550 لفة فى الدقيقة وبعدين يعلى تانى بعدها بثانية تقريبا يبقى حوالى 650 فى الطبيعى لانى واقف وانا على ال d فهل هذا طبيعى .. يعنى كل ما اقف الار بى ام ينخفض ثم يرتفع لمستواه الطبيعى بعدها بثانية قبل ما أتحرك ثانيا .. يا ريت اللى جرب يفيدنى .

ثانيا : وانا وقف بالسيارة على الوضع n يكون الار بى ام على 750 طبيعى جدا بس لو نورت النور الواطى او العالى او الفوجات الار بى ام ينخفض لمدة ثانية ثم يرتفع لمستواه الطبيعى مرة اخرى فهل هذا طبيعى .

ثالثا : عندى صوت غريب فى الشارك وهو لما اجى افتح الكونتاكت من غير تدوير اسمع صوت تكتكه لمدة ثانيتين تقريبا حاجة عاملة زى صوت تكتكة كهربا فهل هذا طبيعى مع العلم انك لو عايز تسمع الصوت ده تكون رابط حزام الامان قبل فتح الكونتاكت علشان صوت الحزام ميغطيش على صوت التكتكة دى فتسمعه جيدا ولازم تكون بليل وفى مكان هادىء .

رابعا : دواسة الفرامل اول ما جبت السيارة كانت طبيعية جدا ودلوقتى عاملة 10 الاف كيلو بس فى مشكلة وهو لما ادوس فرامل واجى اسيب الدواسة بسمع سكسكة فى الاول كنت فاكرها من الدواسة نفسها ولكنى تأكدت انها تأتى من الامام يعنى من عند العجل من أسفل ومش عارف ايه علاج الموضوع ده .

خامسا : ساعات لما بدوس فرامل وانا واقف بسمع طقة أو طقتين من خلف السيارة فهل هذا طبيعى .

جزاكم الله كل خير وارجو الرد ممن تأكدوا وجربوا هذه الاشياء .

**egyptodentist** · 14-12-2012 06:46 AM

المشاركة الأصلية كتبت بواسطة heka_m_y

السلام عليكم انا معايا شارك 2012 اوتوماتيك ولى بعض الملاحظات والاسئلة يا ريت اللى عنده خبره أو جرب نفس الشىء فى عربيته يرد عليا بس يكون متأكد لو تكرم وجزاكم الله كل خير .

أولا : انا لما ببقى ماشى فى زحمة واضرب فرامل وتقف السيارة وانا على الd الار بى ام بيوطى بيبقى حوالى 550 لفة فى الدقيقة وبعدين يعلى تانى بعدها بثانية تقريبا يبقى حوالى 650 فى الطبيعى لانى واقف وانا على ال d فهل هذا طبيعى .. يعنى كل ما اقف الار بى ام ينخفض ثم يرتفع لمستواه الطبيعى بعدها بثانية قبل ما أتحرك ثانيا .. يا ريت اللى جرب يفيدنى .

ثانيا : وانا وقف بالسيارة على الوضع n يكون الار بى ام على 750 طبيعى جدا بس لو نورت النور الواطى او العالى او الفوجات الار بى ام ينخفض لمدة ثانية ثم يرتفع لمستواه الطبيعى مرة اخرى فهل هذا طبيعى .

ثالثا : عندى صوت غريب فى الشارك وهو لما اجى افتح الكونتاكت من غير تدوير اسمع صوت تكتكه لمدة ثانيتين تقريبا حاجة عاملة زى صوت تكتكة كهربا فهل هذا طبيعى مع العلم انك لو عايز تسمع الصوت ده تكون رابط حزام الامان قبل فتح الكونتاكت علشان صوت الحزام ميغطيش على صوت التكتكة دى فتسمعه جيدا ولازم تكون بليل وفى مكان هادىء .

رابعا : دواسة الفرامل اول ما جبت السيارة كانت طبيعية جدا ودلوقتى عاملة 10 الاف كيلو بس فى مشكلة وهو لما ادوس فرامل واجى اسيب الدواسة بسمع سكسكة فى الاول كنت فاكرها من الدواسة نفسها ولكنى تأكدت انها تأتى من الامام يعنى من عند العجل من أسفل ومش عارف ايه علاج الموضوع ده .

خامسا : ساعات لما بدوس فرامل وانا واقف بسمع طقة أو طقتين من خلف السيارة فهل هذا طبيعى .

جزاكم الله كل خير وارجو الرد ممن تأكدوا وجربوا هذه الاشياء .

كله ده طبيعي جدا في الشارك معدا انخفاض الاربي ام مع تحميل الكهرباء اكشف علي البطارية.....
بالنسبة للتكتكة اللي مع الكونتكت دي من الرشاشات وده طبيعي..
بالنسبة لصوت التكة اللي من ورا ده صوت التيل الخلفي وصوت السكسكة اللي قدام برضه من التيل...فك التيل واكشف عليه ولو سليم صنفره للتنعيم واغسله وهينتهي الموضوع....
عاما مفيش عندك حاجة تقلق غير موضوع النور ...شيك الاول علي القطشات بتاعت البطارية وبعدين اكشف عليها....وموفق بأذن الله

**svneleven** · 14-12-2012 07:37 AM

حكاية ال rpm ده عادي. بيحصل معايا في الانترا 2012. الصوت اللي قدام ده عند العجل صوت تزييق بسيط تحس أنه من السوست أو المساعدين و مش عارف ده ايع أخباره لكن ما كانش موجود في الصيف أول ما جبت العربيه و ظهر مع الشتا و البرد.