محتار جدا جدا جدا افيدوني ارجوكم

**ASCOM** · 14-12-2012 02:13 PM

السلام عليكم دي اول مشاركه ليا معاكم في المنتدى وطبعا دا شرف كبير ليا اني اكون وسطكم
بصراحه ناوي اشتري عربيه وبعد فحص وبحث كتير في انواع السايرات اللي سعرها تقريبا 70000 ملقتيتش غير اللوجان دا من ناحيه الاوبشن اللي فيها غير ان الفيرنا واللانوس مش داخلين دماغي ومش عاجبيني وبصراحه نفسيا مستقر على اللوجان بس خايف من ناحيه خدمه ما بعد البيع وهيا الصيانه لاني من محافظة قنا وملهاش توكيل عندنا اما اللانوس ليها توكيل بس مش عجباني افيدوني
وبعدين انا تقريبا كدا حكون جاهز على شهر 3 -3013 هل بكدا اكون اتاخرت في حجز العربيه واستنى بقى لما ينزل الموديل الجديد ولا اتوكل على الله فيها وبعدين اعمل ايه في صيانتها طالما ملهاش توكيل في قنا

**m_medo** · 14-12-2012 03:07 PM

المشاركة الأصلية كتبت بواسطة ascom

السلام عليكم دي اول مشاركه ليا معاكم في المنتدى وطبعا دا شرف كبير ليا اني اكون وسطكم
بصراحه ناوي اشتري عربيه وبعد فحص وبحث كتير في انواع السايرات اللي سعرها تقريبا 70000 ملقتيتش غير اللوجان دا من ناحيه الاوبشن اللي فيها غير ان الفيرنا واللانوس مش داخلين دماغي ومش عاجبيني وبصراحه نفسيا مستقر على اللوجان بس خايف من ناحيه خدمه ما بعد البيع وهيا الصيانه لاني من محافظة قنا وملهاش توكيل عندنا اما اللانوس ليها توكيل بس مش عجباني افيدوني
وبعدين انا تقريبا كدا حكون جاهز على شهر 3 -3013 هل بكدا اكون اتاخرت في حجز العربيه واستنى بقى لما ينزل الموديل الجديد ولا اتوكل على الله فيها وبعدين اعمل ايه في صيانتها طالما ملهاش توكيل في قنا

المقارنة مع اللانوس ظالمة للفرق الكبير بين السيارتين لصالح اللوجان
الفيرنا خلاص توقف انتاجها
انا رأيي توكل على الله واعمل استخارة ولو رسيت عليها احجز من دلوقتى عشان على ما تجهز انت تكون العربية وصلت

**mastermind** · 14-12-2012 03:58 PM

اعمل سيرش في المنتدى عن مقارنات بين اللوجان والفيرنا واللانوس
لكن الخلاصة اللوجان احسن منهم بمراحل من حيث صالونها وكمالياتها وشكلها ومش معمولة تاكسي
الفيرنا او اللانوس احسن في اعادة البيع وسعر قطع الغيار وهات دي او دي لو عايز عربية سنتين وتبيع

**ASCOM** · 14-12-2012 04:11 PM

انا اتصلت بمعرض الاحمدي موتورز وقالي يحجزهالي ب 1000 جنيه مقدم حجز وصورة البطاقه ايه رايكم في المعرض دا

**ASCOM** · 14-12-2012 04:24 PM

طب اعمل ايه في الصيانه يا جماعه وانا معنديش توكيل في الصعيد ليها عند عنده اي معلومه عن الموضوع دا

**mastermind** · 14-12-2012 10:13 PM

لو عايز لوجان سيبك من الاحمدي
انا جربتهم كذا مرة ياخد رقمي ويقول هكلمك كمان ساعة
الموضوع ده حصل اربع مرات في شهرين معاهم
ما بالك بقى انتا هتحجز وتسيب فلوس عندهم

لو عايز تجيب من الاخر شوف بالترتيب : محمد زكي - السبع - الطارق - سمير ريان
وافضلهم على الاطلاق محمد زكي والسبع

**احمد ناصر** · 14-12-2012 11:22 PM

توكل على الله ومبروك مقدما العربية زي الفل

**ASCOM** · 15-12-2012 12:53 AM

شكرا جزيلا على الاهتمام
انا كلمت ادمن الوكيل على الفيس بوك قالي مفيش حاليا المانيوال فول ابشن ممكن الاقيها فين موجوده ولا لازم برضو احجزها في اي معرض

**mahraan** · 15-12-2012 01:25 AM

المشاركة الأصلية كتبت بواسطة ascom

طب اعمل ايه في الصيانه يا جماعه وانا معنديش توكيل في الصعيد ليها عند عنده اي معلومه عن الموضوع دا

فيه مركز صيانه غير معتمد ف سوهاج بس ممتاذ وفيه مركز صيانه معتمد ف اسيوط

وعموما اللوجان حاليا اي ميكانيكي كويس بيشتغل فيها عادي

**mahraan** · 15-12-2012 01:27 AM

المشاركة الأصلية كتبت بواسطة ascom

شكرا جزيلا على الاهتمام
انا كلمت ادمن الوكيل على الفيس بوك قالي مفيش حاليا المانيوال فول ابشن ممكن الاقيها فين موجوده ولا لازم برضو احجزها في اي معرض

بص علشان متغلطتش غلطتي احجز دلوقتي ف التوكيل بتاع رينو واستناها لغايه شهر 4 طالما انت كدا كدا مش جاهز دلوقتي لان لو اشتريتها من بره التوكيل بتدفع اوفر برايس علشان التسليم الفوري وطالما انت كدا كدا هتستني يبقي انت اولي بفرق السعر