شخص اتقتل قدام عيني

**mohmdomar** · 14-12-2012 11:49 PM

الحكاية دي بتتكرر كتير في منطقة الطوب الرملي بمدينة نصر

واحد بيركب تاكس ويطلب من السواق يوصله هناك
ويخلوه يقف في حتة ضلمة , وبعد ما يوصل يقوم زمايله طالعين عليه وياخدوا منه العربية

والراجل بيبقي متمسك بأكل عيشة ويفضل ماسك في باب العربية وهم ماشيين بيها ,ما بيرضاش يسيب وهو بيصرخ ويقول الحقوني لحد ما يقع في الاخر ويطلعوا هما يجروا

الجديد اللي حصل المرادي ان كان فيه شوية عيال كانوا قدام التاكس وهو بيجري وسمعوا الرجال وحدفوا الزجاج بالطوب

تقريبا دا اللي خلي المجرمين يتوتروا وطلعوا مسدس وضربوا الراجل في رقبته وهو ماسك في الباب ومات علي طول

دا حصل قدام عيني وعلي مقربة مني, وما بقتش عارف اتصرف ازاي

وطبيعي ان الشرطة توصل بعد ساعتين وطول الوقت دا كان الراجل مرمي في الشارع

ايه الحل ؟؟ وايه اللي ممكن يتعمل لو كنت في مكاني؟

**matrix_it** · 14-12-2012 11:53 PM

انا كنت هتوتر جامد بصراحة

**samyyousef** · 15-12-2012 12:03 AM

ديته في رقبة الدولة..........و الله أعلم

**AbO MosTaFa** · 15-12-2012 12:06 AM

بما اننا في بلد مش محترمة فلا يوجد حل الا تجيب ورا علي طول وتدور تمشي بسرعة من المكان ده في حالة انك لقيت الحرامية امامك

ولو لقيتهم ميشيوا والراجل مرمي في الشارع كنت هاروح اسعف الراجل وانقله علي اي مستشفي حتي لو هايموت هناك
ده بأمانة الي كنت هاعمله :(

**al_manara** · 15-12-2012 12:18 AM

انت كنت واقف في البلكونة ؟
ولا كنت سايق ؟

صور العربية والحرامية . لو سايق خليك وراهم . لو وصلت لحتة زحمة اخبط العربية ووقفهم .
في حاجات كتير .
بس انت كان وضعك اية ؟

واكيد الراجل المرمي في الارض هابلغ واجمع ناس كتير معايا واسعفة ونكون شهود علي الحادث

**mohmdomar** · 15-12-2012 12:43 AM

انا كنت واقف علي الرصيف قدامهم وافتكرتهم شباب وبيهزروا مع بعض لحد ما حصل اللي حصل

انا زعلت جدا لأني كان ممكن اخد العربية واطلع اجري وراهم وعربيتي كانت جنبي بس افرد فعلا اني وقفتهم في الزحمة كانت ممكن تبقي مجزرة حسبي الله ونعم الوكيل

**Abo.Moazz** · 15-12-2012 01:07 AM

فى المواقف اللى زى دى الواحد دماغة بتتشل .. أنا عازرك تماماً أياً كان رد فعلك .. وأى حد يقولك أنا لو مكانك كنت عملت كذا وكذا كلامه مش صحيح .. لأن لو أى حد فينا كان مكانك الله أعلم رد الفعل هيبقى إزاى .. المواقف دى الواحد مش بيتعرضلها كل يوم ..... متحملش نفسك المسئولية