عايز افتح محل قطع غيار , برجاء المساعدة

**revenger_345** · 15-12-2012 01:40 PM

انا ناوى ان شاء الله افتح محل قطع غيار للعربيات الكورى و كنت عايز الناس اللى معاها عربيات كورى تساعدنى فى الاسعار و افضل الماركات علشان الواحد مايبعش حاجة مضروبة ولا يبعها بسعر عالى وعلشان الواحد ربنا يكرمة و يقدر يربى زبون
ياريت يا جماعة اى حد يكون عارف انواع كويسة مايبخلش علينا بالمعلومة
( نوع العربية و نوع قطعة الغيار و سعرها )
و متقلقوش اللى هايجيلى من نايل موتورز هايتعمل معاه الواجب

**mohamedrabia** · 15-12-2012 02:30 PM

اهم شي التوكل علي الله ودراسه الجدوي وكمان اكبر موزعين في السوق ممكن تنزل تشتري منهم باسعار الجمله بخصوص هيونداي انا اعرف المنير في فيصل وفيه كتير غيره التوفقيه والله الموفق

**revenger_345** · 15-12-2012 08:51 PM

هو مافيش حد بيشترى قطع غيار ولا مافيش حد بيحب يساعد ؟؟؟؟؟؟؟؟؟؟؟؟

**SaberMan** · 15-12-2012 08:57 PM

الوحيد المتأكد ان ماعندوش حاجه مضروبه بس للاسف هتلاقى نفسك بتبيع غالى عن الحواليك .. و ميز انه عنده مكان للتجار و لسته قطع غيار كل حاجه قدامها سعرها عشان ميبقاش فى سعرين

اذا كنت حاب أبعتلك أسمه و أوصفلك مكانه عشان مايعتبرش أعلان و بيبيع قطاعى برضو

**revenger_345** · 15-12-2012 09:27 PM

يا باشا انا كل اللى عايزة لو حضرتك مثلا اشتريت تيل فرامل عرفنى سعره و نوعه بس كده مش اكتر انا عربيتى اوبل و معرفش سعر الكورى, انا مش عايز تاجر ولا عايز اى حاجة تانية تبقى اعلان و شكرا

**SaberMan** · 15-12-2012 09:41 PM

المشاركة الأصلية كتبت بواسطة revenger_345

يا باشا انا كل اللى عايزة لو حضرتك مثلا اشتريت تيل فرامل عرفنى سعره و نوعه بس كده مش اكتر انا عربيتى اوبل و معرفش سعر الكورى, انا مش عايز تاجر ولا عايز اى حاجة تانية تبقى اعلان و شكرا

تمام كده حضرتك عايز تعرف سعر المشترى من السوق مش اسعار تجهيز محل قطع غيار اذا نزلت قريب هاجيبلك أسعار أتيال مثلا و فلاتر للكورى بالتوفيق ان شاء الله