كرهت نفسي بسبب رجة فى الالنترا

**mohammed adel** · 17-12-2012 03:42 AM

السلام عليكم ورحمة الله وبركاتة يا جماعة انا معايا النترا 2009 اوتوماتيك شاريها من حواللى شهرين او اكتر عاملة 100000 كم و عندى مشكلة ان احيانا وانا ماشي بداية من سرعة 80 كم بشعر ان العربية فيها رعشة( بتترج )جامدجداااااااااا لدرجة بحس ان الموتور بيترج وكمان الفرامل والبنزين وجسمى كله كمان بيترج معاهم وكل ما ازود السرعة تزيد الرجة و سألت ميكانيكى قاللى ان احتمال الطنابير وسألت واحد اخر قاللى ان كبالن الفتيس الداخلية عايزة تتغير وانا والله زهقت اصدق مين واكدب مين ولا المفروض عليا ان اجرب كلامهم وادفع فلوس على الفاضى ياريت الاقى الحل عندكم وتعرفونى اروح لمين يحل هذه المشكلة وتكونوا انتوا جربتوه لان اللى هيمشى ورا كلام الميكانيكية هيتخرب بيته والف شكرااااااااااااااااا ليكم جميعا

**estimation** · 17-12-2012 04:36 AM

دي قواعد موتور أكشف عليها و غير القواعد اللي البايظة و المشكلة هتتحل ان شاء الله

**عصام غنايم** · 17-12-2012 05:15 AM

وحاول تبص على الكاوتش وترصصه

**al_manara** · 17-12-2012 06:28 AM

المشاركة الأصلية كتبت بواسطة عصام غنايم

وحاول تبص على الكاوتش وترصصه

تمام . دي اول حاجة تبص عليها .

**Kareem.ElAraby** · 17-12-2012 09:25 AM

السلام عليكم
شوف حضرتك
علي المنتدي جوه قسم هيونداي فيه مركز خدمه اسمه speed service center
صاحبه المهندس هاني
أمين و راجل محترم و غير ده كله مش نصاب ولا بتاع فتح شغل هوه بيعمل الحاجه الصح و يمكن أكتر كمان
شوفه و روحله
هوه قريب من حديقه بدر في جسر السويس
و ان شاء الدنيا تتحل
و ممكن قبل ما تروح تكشف علي كاوتشك و جنوطك تتأكد انها سليمه مش فيها رفه ولا محتاجه تستعدل و الترصيص بالمره
عشان تكسب وقت
عاوز نيتروجين تمام عاوز تملاهم هوا شغال بردو

و ابقي قولنا عملت ايه

**hesham ahmed** · 17-12-2012 10:24 AM

رصص الكاوتش.. هتلاقي الدنيا ظبطت

**sanhory** · 17-12-2012 10:51 AM

- عيب الكبالن الداخلية بيظهر من سرعة 30 الي 60 بعد كدا الرعشة بتختفي

- الطنابير تعمل رعشة في الفرامل بس غير كدا ولا ليها علاقة

- قواعد الموتور تعمل اهتزاز في اول تحرك السيارة و تعمل خشانة في صوت الموتور لكن متعملش العيب ده

العيب ده حاجة من ثلاثة

1- ترصيص وحش و يفضل تعمل ترصيص موتسيكل لان الترصيص العادي مش بيظبط صح (عن تجربة كذا مرة ارصص عادي عند كذا حد و في الاخر متظبطش الا بالموتسيكل)

2- كاوتش مش سليم او جنط مش سليم و كل ده حيبان و انت بترصص عالموتسيكل حتلاقي العجلة اللي فيها العيب مهما حاول يظبط فيها مش حتتظبت

3-لو حضرتك عندك العربية فيها جنوط اسبور مش اوريجينال لازم الجنوط يكون فيها رينجات اللي بتظبط سنتر الجنط عالسرة بتاعة الطنبورة لو مش موجودة الجنوط حتبقى محملة عالمسامير و مش حتبقى متسنترة عالسرة و حتعملك رعشة وحشة و دي برضه تبان على ترصيص الموتسيكل و مهما ظبت فيها ملهاش حل غير انك تركب رينجات