الموضوع: ايه ارائكم في لوجان ٢٠١٠

اتوكل علي الله وهاتها ومش هتندم ابدا بس اهم حاجه حاله العربيه وافحصها كويس جدا جدا

قطع غيارها بقت متوفره عن الاول بكتير الحمد لله والعربيه بدون مشاكل مسجله وليس بها عيوب الا بوابه الانجكشن لما بتوصل 60 الف كيلو وده مش ف كل العربيات .. والف مبروك مقدما

١٠٠٠٠ شكر ل استاذ محمد و استاذ مهران على المشاركه الجميله دي بس انا نفسي اعرف اكشف على العربيه المستعمله ازاي لاني سمعت من واحد ان الجهاز البيتوصل بالكنترولر بتاع العربيه اي كلام و مش بيطلع اي خطاء و انا ماليش في العربيات اوي و شكرا مرة ثانيه :)

المشاركة الأصلية كتبت بواسطة ahmedouf

١٠٠٠٠ شكر ل استاذ محمد و استاذ مهران على المشاركه الجميله دي بس انا نفسي اعرف اكشف على العربيه المستعمله ازاي لاني سمعت من واحد ان الجهاز البيتوصل بالكنترولر بتاع العربيه اي كلام و مش بيطلع اي خطاء و انا ماليش في العربيات اوي و شكرا مرة ثانيه :)

لا شكر علي واجب اول حاجه لازم تحطها ف بالك ان اي عربيه ف الدنيا طالما مستعمله لازم يكون فيها عيب وحاجه يا اما بايظه يا اما علي وش بوظان فيه حاجات بسيطه وتتغاضي عنها بس تنزل من تمن العربيه بسببها زي فرده كاوتش ممسوحه او قزاز باب عايز يتغير او بطاريه بايظه او كوبلن او مساعد الحاجات البسيطه دي ساهله وتتصلح بكل سهوله لكن العيوب الكبيره زي مشكله ف شاسيه العربيه او خبطه ف الحوض او الشنطه او القوايم دي تبعد عنها نهائي وتشيل العربيه من دماغك

فيه طريقتين للكشف علي العربيه وياريت تعملهم هما الاتنين . اول طريقه هيا التقليديه بان واحد بيفهم كويس ف العربيات ويكون ثقه يفرزهالك حته حته ويقولك علي عيوبها ولازم ترفعها ف بنزينه علشان تشوفها من تحت كويسه ولا فيها حاجه وتاني طريقه بالجهاز .. وف كل الاحوال خد وقتك ف التفكير ومتستعجلش وربنا يوفقك ف عربيه تكون خير عليك ويكفيك شرها يا رب

المشاركة الأصلية كتبت بواسطة mohamed1979

العربيه معايا من اكتر من 3 سنوات و عامل بيها 75000 الف و الحمد لله مفيش مشكله فى العربيه
بالنسبه للبوابه غيرتها فى الضمان و بعد الضمان ما خلص باظت تانى و حليت المشكله بأنى غيرت الحساس فقط ب 200 جنيه و شغال معايا زى الفل
فى سخونه بتيجى من عند دواسه البنزين و دى حلها بأضافه عازل فى المنطقه دى

غير كده العربيه اداءو ثبات و استهلاك بنزين محترمه اوى و حتنبسط من العربيه ان شاء الله

لو جت علي الحساس ب 200 جنيه تبقي ساهله انا وصلت ال 40000 كيلو ومقلق من قصه البوابه دي لانها غاليه جدا وربنا يستر

ربنا يخليك يا استاذ مهران و انشاء الله ربنا يتمم البيعه على خير انشاء الله

الف شكر د.كريم و الله يبارك فيك، حضرتك تقدر تقلي اقرب توكيل اكشف فيه في مدينة نصر فين؟