اعتقد ده عادى لان الفيرنا اصلا خفيفة جدا فعادى لما تريلا تكون بتجرى جنبك على سرعة 90 فتلاقى عربيتك بتحدف قليلا فى الجهة الاخرى لان قوة دفع الهوا قويه جدا
فرق وزن وكتله رهيب مابينك ومابينها وانت كمان بتكون ماشى على سرعة فوزن العربيه بيخف والعجل بيقل التصاقه بالارض فبيحصل اللى عندك لما تريلا بتجرى من جنبك
نفس الكلام فى مطبات الهواء لان احيانا فى الشتا ده سرعة الريح بتكون عاليه جدا ومواجهه ليك وانت ماشى
فتخيل كده الريح فى وشك بسرعة 60 كم وانت فوشها بسرعة 90 ..هاه ايه رايك؟؟
والفرنا والاكسيل عندى كذلك مشكلتهم انهم خفاف جدا وثباتهم ضعيف على الارض فى الجرى
متقلقش
حاول تمشى كده على رجلك فى طريق مفتوح وشوف لو تريلا بتجرى من جنبك وشوف قوة دفع الهواء هتعمل فيك ايه :)
بس خللى بالك من نفسك :)
الحل انك لما تلاقى تريلا او اتوبيس جاى بيجرى جنبك هدى عشان تاخد اتزان اكتر وثبات للعجل على الارض وسيبه يعدى وكمل طريقك عادى
المفضلات