تجربه مرعبه مع الفانتازيا

**طارق _عبد السلام** · 19-12-2012 03:15 AM

السلام عليكم
حدث مع اليوم موقف مرعب بجد حبيت احكيه لكم للفائده
وللاستفاده من خبراتكم لو حصل مع حد الموقف ده مع حد منكم
بعد صلاه العشاء
كنت أقف عند مصنع صديق لى ونتشاور فى امور العمل جأءت له عربيه خيوط طلب منى اركن عربيتى دورتها وحركتها للوراء بضعه امتار(بحكى بالتفصيل يمكن نلاقى السبب)
المهم بعدها بنصف ساعه خلصنا كلامنا واستأذنت ويادوب دخلت المفتاح فى الكونتاكت
وبدور العربيه سمعت كأن صوت انفجار مكتوم جاى من الموتور والعربيه لقطت سنه وبطلت على طول
ودخان طالع من الكبوت ناحيه الزجاج الامامى انا بسرعه فتحت الكبوت قلت ممكن البطاريه انفجرت
وصديقى واللى وقفين حصل لهم ذهول وبيشاوروا على الدخان
فتحت الموتور لقيت دخان جاى بالاكتر من ناحيهالشمال من جهه قربه المياه ودخان اخف من اغلب اجزاء الموتور
بصراحه كنت مرعوووووووووب وبصيت على البطاريه كل شىء تمام ومش شامم ريحه للدخان ده يعنى مش دخان حريق مثلا
المهم مصنع صديقى فى نفس شارع الميكانيكى اللى انا بتعامل معاه قلت اسمى الله وادور العربيه وجرب بعد انتهاء الدخان ده
فتحت كونتاك العدادات كلها تمام ومفيش اى لمبه تحذير دورت العربيه دارت وتابعتها لقيت مفيش دخان قفلت الكبوت ورحت للميكانيكى بص على العربيه شمال ويمين وكمبيوتر قالى مفيش اى حاجه
قلتله وبعدين قالى العربيه جديده والموتور بيلمع ولو فيه اى شىء غريب كان ظهر على الشاشه او عمل اثر للحريق
قال لى احتمال كبير يكون (تفييصه بنزين) يعنى كانها شرقه وعملت كده
انتوا ايه رأيكم فى الكلام ده وبعدها عملت بالعربيه كم مشوار ولسه مخلص من شويه ومفيش اى حاجه تانيه حصلت
هل فعلا ممكن تكون تخزينه بنزين او تفييص بنزين زى ماهو قال

**Land_Cruiser** · 19-12-2012 05:25 AM

ريحه الدخان اللى كان طالع ممكن تساعدك فى التشخيص يعنى كانت عباره عن ايه مثلا ؟ يعنى شياط بلاستيك مثلا و لا عادم ؟ لو كانت بلاستيك بيسيح يبقى مش مشكله بنزينه يستحسن تراجع على كهرباء العربيه لحسن تكون فى حاجه ملمسه لاقدر الله أما لو كانت فى رائحه عادم ممكن يكون بنزين سىء

**S O P H O S** · 19-12-2012 06:04 AM

حضرتك رجعت بيها مسافة طويلة حسيت ان في حاجة
متغيرة مثلا حاولت تبطل العربية وتدورها كذا مرة ؟

**windofchange** · 19-12-2012 06:35 AM

ممكن يكون راجع البنزين او المبخر ؟ وده راكب فعربتي تحت فلارزم تنزل تحت العربية لاجل تشوفه وهو مش فالمنتصف هو في جنب من الجوانب وداخلة فيه خراطيم بنزين والله اعلم

**طارق _عبد السلام** · 19-12-2012 06:50 AM

المشاركة الأصلية كتبت بواسطة khaled lanos

وعليكم السلام ورحمة الله..

بصراحة حاجة غريبة مش لاقي لها تفسير!

لكن إن شاء الله خير وتكون حاجة بسيطة.

ان شاء الله
جزاك الله خير

**طارق _عبد السلام** · 19-12-2012 06:55 AM

المشاركة الأصلية كتبت بواسطة land_cruiser

ريحه الدخان اللى كان طالع ممكن تساعدك فى التشخيص يعنى كانت عباره عن ايه مثلا ؟ يعنى شياط بلاستيك مثلا و لا عادم ؟ لو كانت بلاستيك بيسيح يبقى مش مشكله بنزينه يستحسن تراجع على كهرباء العربيه لحسن تكون فى حاجه ملمسه لاقدر الله أما لو كانت فى رائحه عادم ممكن يكون بنزين سىء

المشكله ان الدخان ماكان له رائحه تنبهنى
يعنى كأنه بخار ماء
هى العربيه وهى بتدور زى ماتكون عتلت سنه وحدثت الفرقعه دى وبطلت على طول والدخان طلع بسرعه
بس ماكان له رائحه وده الغريب فى الموضوع
انا كمان شكيت لان الدخان من ناحيه قريبه من الدينامو وقلت للميكانيكى ممكن الدينامو قال لى اللمبه هتنور على طول فى التابلوه

**طارق _عبد السلام** · 19-12-2012 07:00 AM

المشاركة الأصلية كتبت بواسطة s o p h o s

حضرتك رجعت بيها مسافة طويلة حسيت ان في حاجة
متغيرة مثلا حاولت تبطل العربية وتدورها كذا مرة ؟

مشيت بيها اكتر من مشوار يعنى تقريبا حوالى 80 كيلو
وبطلت ودورت كتير
ولا اى تغيير او شىء غريب العربيه ماشيه تمام والانوار وكل شىء تمام
بس فعلا حاجه جديده على وغريبه انا راكب عربيات من زمان
وعمر الموقف ده مامر على وده اللى عملى قلق

**طارق _عبد السلام** · 19-12-2012 07:06 AM

المشاركة الأصلية كتبت بواسطة windofchange

ممكن يكون راجع البنزين او المبخر ؟ وده راكب فعربتي تحت فلارزم تنزل تحت العربية لاجل تشوفه وهو مش فالمنتصف هو في جنب من الجوانب وداخلة فيه خراطيم بنزين والله اعلم

هو كثافه الدخان كانت فى الجانب الشمال وانا واقف قدام العربيه
عند قربه المياه
وبعد ما الميكانيكى كشف على كل حته هو نفسه استغرب جدا من اللى انا بحكيه
وقال لى باللفظ هى تفييصه بنزين قالى ممكن العربيه كانت شرقانه او فيه بنزين متحضر وحصل ده مع الدواره

-

الموضوع: تجربه مرعبه مع الفانتازيا

LinkBack

أدوات الموضوع

عرض

تجربه مرعبه مع الفانتازيا - انشر الموضوع فى :

-

-

-

-

-

المواضيع المتشابهه

تجربه قياده الضفدعه احم قصدي الفوليستر و يا لها من تجربه

ضرائب و رسوم ال 4*4 هل هي حقا مرعبه

قصه مرعبه جدا ...... ممنوع لاقل من 18 سنه

قصه مرعبه ممنوووووووووع الدخول لاقل من 18 سنه؟؟؟؟؟؟؟؟؟

صوره مرعبه لعمليه إرهابيه

الكلمات الدلالية لهذا الموضوع

المفضلات

المفضلات

ضوابط المشاركة