استهلاك بنزين كيا كارنز

**houseiny** · 19-12-2012 03:35 PM

من فضلكم يا جماعة انا عايز اعرف معدل الأستهلاك ده كويس ولا لأ وفي نفس الوقت وعايز اعرف احسب الأستهلاك إزاي.
انا مستلم من 3 أيام ، كنت مستلم العداد عامل 76 كيلو وكان التنك صفر ، طبعاً روحت فولت أخدت مني 52 لتر ، المهم العداد دلوقتي عامل 376 كيلو ، ومؤشر البنزين على النص بالظبط .

يعني تقريباً 27 لتر استهلاك لل 300 كيلو وهي لسه بتلين ، هل كده استهلاك البنزين كويس ولا عالي ، انا شايف انه عالي شوية , ولا طبيعى ولا إيه أنا مش عارف دي حاجة حلوة ولا حاجة وحشة
انا على حسبتي يبقى كده 9 لتر / 100 كم( ده حاجة صح ولا غلط) معلش يا جماعة اصل أخوكوا كان أدبي

**temo85** · 19-12-2012 03:52 PM

اللى اعرفه انه معدل استهلاك الكارينز عالى بطبيعه انها اتقل من السيراتو فى الوزن و ده من واحد صديق ليا جربها و جرب السيراتو و قال ان معدل استهلاكها اعلى

**karimmagdy50** · 19-12-2012 03:55 PM

اعتقد ان كده كويس مش كتير والعربية لسه بتلين

**houseiny** · 19-12-2012 04:11 PM

شكراً على الردود يا شباب

**mohamed_selim** · 19-12-2012 04:23 PM

اوتو ولا مانوال؟
متوسط الاستهلاك 180-190 فى الصفيحه جوه البلد من غير تكييف و من غير حرق زحمه متوسطه
متوجعش دماغك باستهلاك البنزبن غير لما تخلص تليين و تعدى 5000 مثلا ....

**hesham ahmed** · 19-12-2012 04:24 PM

هو مبدايا استهلاك البنزين كده كويس
بس انت موضحتش دا جوه البلد زحمه و لا علي سفر

**temo85** · 19-12-2012 06:55 PM

على فكره للعلم فقط مفيش تليين العربيات الجديده بتنزل المحرك متلين , حوار لازم تغيير زيت و فلتر على 1000 كيلو ده نصبايه مش اكتر زيت الفبريكه ممكن تمشي بيه لحد 10 الاف عادى بس المشكله انك مش بتكون عارف هو بقاله قد ايه فى المحرك فبلاش اكتر من 5000 كيلو و فى الاخر حريه الاختيار ليك

**houseiny** · 21-12-2012 11:55 AM

المشاركة الأصلية كتبت بواسطة mohamed_selim

اوتو ولا مانوال؟
متوسط الاستهلاك 180-190 فى الصفيحه جوه البلد من غير تكييف و من غير حرق زحمه متوسطه
متوجعش دماغك باستهلاك البنزبن غير لما تخلص تليين و تعدى 5000 مثلا ....

اوتوماتيك يا باشا والمشاوير دي هنا في محيط حددائق الأهرام وأكتوبر والدائري والمعادي يعني داخل البلد بس في اماكن رايقة شوية مش زحمة وسط البلد.

**houseiny** · 21-12-2012 11:59 AM

المشاركة الأصلية كتبت بواسطة temo85

على فكره للعلم فقط مفيش تليين العربيات الجديده بتنزل المحرك متلين , حوار لازم تغيير زيت و فلتر على 1000 كيلو ده نصبايه مش اكتر زيت الفبريكه ممكن تمشي بيه لحد 10 الاف عادى بس المشكله انك مش بتكون عارف هو بقاله قد ايه فى المحرك فبلاش اكتر من 5000 كيلو و فى الاخر حريه الاختيار ليك

تمام يا باشا الله ينور عليك ، بس انت عارف التوكيل وتناحته في موضوع الصيانة ، ويقوللك الضمان والهباب على دماغهم ، أكيد طبعاً الزيت القبريكة هيكون أنضف مليون مرة من اللي هنا ، بس هي الفكرة أنه مركون بقاله فترة طويلة وتعليمات الاكتالوج اني ألين على الأقل الف كيلو ، من غير قرص على الموتور ، يعني كبيري 100 ك؟ ساعة. ومخليش الأر بي أم يعدي الأربعة

**houseiny** · 21-12-2012 12:00 PM

المشاركة الأصلية كتبت بواسطة hesham ahmed

هو مبدايا استهلاك البنزين كده كويس
بس انت موضحتش دا جوه البلد زحمه و لا علي سفر

أوتوماتيك جوه البلد يا باشا

الموضوع: استهلاك بنزين كيا كارنز

LinkBack

أدوات الموضوع

عرض

-

-

المواضيع المتشابهه

استهلاك بنزين a4

كيف تصل الى اقل استهلاك صحيح بلوجان + اقل معدل استهلاك بنزين انت وصلت ليه كانت كام

استهلاك بنزين

هو فى استهلاك بنزين كدة ...

استهلاك بنزين

الكلمات الدلالية لهذا الموضوع

المفضلات

المفضلات

ضوابط المشاركة