اجيب منين قطع غيار اوكتافيا a4 أصلية

**magedkahla** · 19-12-2012 07:42 PM

السلام عليكم ورحمة الله وبركاته
انا من ساعة ما جبت العربية ال a4 وانا طالع عيني في قطع الغيار اولا زيت الفتيس فيه ناس تقولي من اول 100 و 150 و 250 وكل واحد يقولي ده الأصلي عايز اغير طقم سيور كتينة ودنمو واحد يقولي 200 جنيه و في التوكيل عاملة 450 جنيه بس مشكلتهم المصنعية و حد تاني يقولي 650 جنيه غير المصنعية انا تعبت بجد ومش عارف اروح لمين ومش عارف قطع الغيار الأصلية من غل مش أصلية وكل واحد يقولي ده ألماني الأصلي يا ريت لو تقولو انتو بتجيبو قطع الغيار منين الأصلية لإني محتاج كمان تغير كولر زيت فتيس حد عندو خلفية اجيبو منين أصلي وبكام واعرف منين انو اصلي

**Moratoz** · 19-12-2012 08:41 PM

الهاشميه في احمد سعيد بالعباسيه دا أشهر وأرخص واحد يبيع قطع الغيار الأصلي
يجئ في المرتبة الثانيه محلات عند حديثه بدر بعد المزلقان بجانب مركز صيانه مهندس هاني وأمامه بالصف الثاني بردة بيبيعوا الأصلي
غير كدة ٩٠٪ مش هت لاقي اصلي غير الكلام

**Moratoz** · 19-12-2012 09:26 PM

هو محل بس مش عارف العنوان. بالظبط انا رحته مرة واحدة ومش فاكر الطريق اعمل بحث جوجل من النت وهتلاقي مكانه وتليفونه وانا هدور علي الكرت بتاعه ولو لقيته سوق أحطلك العنوان او التليفون ان شاء الله

**Moratoz** · 19-12-2012 09:27 PM

هشوف الكارت غداً ان شاء الله علشان احتمال يكون في العربيه

**mohammedrefaat** · 19-12-2012 11:05 PM

المشاركة الأصلية كتبت بواسطة magedkahla

طيب ممكن العنوان بالظبط بتاع الهاشمية إل فيه احمد سعيد يعني انا باجي من الإتوستوراد وبخش الترب وبطلع منها لأحمد سعيد جميل بيبقى على ايدي اليمين ولا الشمال لما اخش احمد سعيد وهل الهاشمية ده محل ولا مكان في احمد سعيد اسمو الهاشمية

عنوان الهاشميه :- اخر سور مستشفى الجو العام - العباسيه
و بصراحه انا كان معايا التليفون الارضى بتاعهم بس مش لاقيه دلوقت حضرتك ممكن تتصل ب 140 دليل و تطلبه منهم الرقم و بعدين تبقى تتصل بالمحل و تساله على قطعه الغيار اللى انت عاوزها و سعرها كمان و ممكن تطلب منه يجيبهالك لو مش عنده
قطع غيار اصله زى التوكيل بالظبط بس ارخص