تجربتى مع الميكانيكى (فليشيا)

**giedo** · 20-12-2012 03:41 PM

من ساعه ما جبت عربيتى فليشيا 97 وانا حاسس ان السحب ضعيف على الاول والتانى + ان العربيه صوتها عاالى على السحب ده .. فروحت لميكانيكى جمب البيت عندى ... وظبطلى تاكيهات + كهرباء + هواء الكربراتير .... وبرضه محستش بفرق خالص .. وصوت التاكيهات زى ما هيه صوت تك تك تك تك تك .... خلصت شغلى انهارده وروحت لمكانييكى القديم بتاعى وانا كنت بتعامل معه فى عربيتى القديمه 128 .. بص على العربيه .. اول حاجه قالى محتاج طقم بوجيهات 16 = 50 جنيه جربنا السحب وهوه بيجرب لقى ان قاعده الفتيس اللى تحت مهزوزه قالى عايز قعده فتيس نظبطلك الفتيس ... جبت القاعده تركى =55 جنبه ... وكان عندى الفتيس بيرشح زيت ... ربط مساميره كويس وجبتله انبوبتين لحام حديد =10 جنيه ..لحم مكان التسريب ... وظبط التاكيهات عندى من غير فيلر ولا حاجه ... وفجأه بجرب لقيت العربيه مالهاش صوت ... والتنعيره اللى كانت بتحصل مع السحب على الاول والتانى راحت وخفت اوى .... قالى القاعده بتاعه الفتيس القديمه دى كانت بتريح على الماتور وموش مظبطه الاداء ... كل ده ومصنعيه كام يا عم اسو (اسو اسم المكانيكى) 30 جنيه قولت والله ما خساره فيك اى حاجه واديتله 50 جنيه

**wael abbas** · 20-12-2012 03:54 PM

المشاركة الأصلية كتبت بواسطة giedo

من ساعه ما جبت عربيتى فليشيا 97 وانا حاسس ان السحب ضعيف على الاول والتانى + ان العربيه صوتها عاالى على السحب ده .. فروحت لميكانيكى جمب البيت عندى ... وظبطلى تاكيهات + كهرباء + هواء الكربراتير .... وبرضه محستش بفرق خالص .. وصوت التاكيهات زى ما هيه صوت تك تك تك تك تك .... خلصت شغلى انهارده وروحت لمكانييكى القديم بتاعى وانا كنت بتعامل معه فى عربيتى القديمه 128 .. بص على العربيه .. اول حاجه قالى محتاج طقم بوجيهات 16 = 50 جنيه جربنا السحب وهوه بيجرب لقى ان قاعده الفتيس اللى تحت مهزوزه قالى عايز قعده فتيس نظبطلك الفتيس ... جبت القاعده تركى =55 جنبه ... وكان عندى الفتيس بيرشح زيت ... ربط مساميره كويس وجبتله انبوبتين لحام حديد =10 جنيه ..لحم مكان التسريب ... وظبط التاكيهات عندى من غير فيلر ولا حاجه ... وفجأه بجرب لقيت العربيه مالهاش صوت ... والتنعيره اللى كانت بتحصل مع السحب على الاول والتانى راحت وخفت اوى .... قالى القاعده بتاعه الفتيس القديمه دى كانت بتريح على الماتور وموش مظبطه الاداء ... كل ده ومصنعيه كام يا عم اسو (اسو اسم المكانيكى) 30 جنيه قولت والله ما خساره فيك اى حاجه واديتله 50 جنيه

ممكن اعرف الميكانيكى ده فين

**romieh** · 20-12-2012 04:03 PM

ابقى لاحظ سخونة العربية فى الكام يوم الجايين

لأنه لو قفل التاكيهات زيادة عن اللزوم (حضرتك بتقول انه ظبطها من غير فيلر) هيؤدى الى ان العربية تسخن

لو السخونة تمام وكل شئ طبيعى يبقى مبروك عليك الصيانة السهلة للعربية

**mado83** · 20-12-2012 04:15 PM

الميكانيكيه كتير
ولكن الصنايعى اللى بيفهم قليل اوى

**giedo** · 20-12-2012 04:20 PM

المشاركة الأصلية كتبت بواسطة wael abbas

ممكن اعرف الميكانيكى ده فين

فى الاسماعيليه

**giedo** · 20-12-2012 04:25 PM

المشاركة الأصلية كتبت بواسطة romieh

ابقى لاحظ سخونة العربية فى الكام يوم الجايين

لأنه لو قفل التاكيهات زيادة عن اللزوم (حضرتك بتقول انه ظبطها من غير فيلر) هيؤدى الى ان العربية تسخن

لو السخونة تمام وكل شئ طبيعى يبقى مبروك عليك الصيانة السهلة للعربية

انا فعلا" يا رميح اول حاجه جات على بالى حته السخونيه بس علشان انا كنت راجع من شغلى مخصوص فلسه مجربتش ... واقولك على حاجه انا عامل زرار لتشغيل المروحه جديد يدوى لسه برده مجربتش ... حجرب هيه كان المؤشر عندى بيوصل للنص دايما" لان الترموستات بتاعه بلادها المروحه عندى بتشتغل على90 وبتفصل على 89 ... علشان كده ركبت الزرار اليدوى

**sakr_skoda** · 20-12-2012 04:56 PM

المشاركة الأصلية كتبت بواسطة giedo

فى الاسماعيليه

دا يبقى من عندنا ممكن اعرف فين فى الاسماعيلية لو تكرمت ؟؟؟؟

**aw2100** · 20-12-2012 08:50 PM

انا برضة اللى ضبط موتور عربيتى ميكانيكى لادا وضبط العربية على الفلر بس من غير مايبص فية زى الأخوة الميكانيكية الدكاترة والله هو اللى خلى العربية 10/10 لاحرارة والسحب فوق الممتاز وعلى بنزين مخلوط 80 على 92 حسب مابلاقى بنزين 80 والكلام دة من حوالى 10 شهور ماشاء الله ولاحول ولاقوة الابالله ملحوظة علشان الحسد ؟؟؟