حادث بسبب الكاوتش

**Porsche911TT** · 20-12-2012 06:37 PM

السلام عليكم ورحمة الله وبركاته
النهارده الظهر كنت في الهرم بعد الطالبية بشوية
واحد بعربية شيفروليه دبابة فرمل فجأة وكان بيني وبينه مسافة عربية بحالها
كنت في التاني و لسه هانقل على التالت وعادةً بنقله حوالي على ال40
فرملت أنا والمسافة اللي بيني وبينه كلها كانت زحف من الكاوتش ولبست فيه
نزلت بصيت لاقيت شعار الرينو اتكسر من مكانه وجزء من الفانوس الشمال مكسور والاكصدم سايب من النص
الحمد لله إني متنرفزتش لأني عادةً بعرف أسيطر على مشاعري
لكن من جوايا كنت متضايق جداً لأن العربية جديدة بقالها حوالي 3 شهور ودي أول حادثة ليا من 10 سنين
وادي العربية بعد اللي حصل

Uploaded with ImageShack.us

ياريت لو حد يعرف مكان قريب من الجيزة أجيب منه الشعار وهل الأحسن ألصق القطعة
اللي اتكسرت من الفانوس بنفسي ولا في حد ممكن يعملها كويس؟

بالنسبة للكاوتش أكيد هاغيره بس مش دلوقتي وإيه أفضل كاوتش في الفرامل عن تجربة؟

**adel_edrees** · 20-12-2012 08:34 PM

أنا مش عارف أقوللك أيه و الله أحمد ربنا أنها جت على قد كده الكاوتش ده زبالة و أنا علشان الحق نفسى بأعمل أيه بي

أس يدوى يعنى أضغط و أسيب و أضغط و أسيب و الكاوتش ده حيودينا فى داهية و ربنا يسترها علينا أنا ماعملتش بالعربية
خمسة ألاف كيلو و مش مطاوعنى قلبى انى أغير الكاوتش و مش عارف أعمل أيه

**aw2100** · 20-12-2012 09:13 PM

على فكرة انا ملاحظ ان دة عيب تصنيع فى رينو لوجان ان الكاوتش ردئ جدا والمفروض ان التوكيل يغيرة على حسابة وانا انصحك تقدم شكوى رسمية وتبعتها للتوكيل بالمشكلة اللى حصلت انا عربيتى على سرعة 40 كيلو بتقف فى الشتاء وانت عارف الأسكندرية فى اقل من متر واحد انا مركب كاوتش تويو يابانى جبتها ب 380 شاملة الترصيص وبلف جديد بس بيلزق فى الأرض مع الفرملة وفى الملفات على اى سرعة ثبات ملهوش حل ومجتش فى الكاوتش ارمية فى الزبالة علشان لو على سرعة عالية كان ممكن يلف العربية منك ويمكن دة انزار من ربنا ليك وقدر الله وماشاء فعل وحمد الله على سلامة عربيتك !!!!
و دى شكلها
http://nileup.com/up/uploads/nilemotors_13543946211.jpg

**ahmed_m_ashraf** · 21-12-2012 06:40 AM

الحمد لله قدر ولطف.

الفانوس إلزق الحته المكسورة بأمير زي زيزو مقالك هتبقى ميه ميه والفانوس هيشتغل معاك تمام. العلامة أنا شايف إها إتنت وإتشرخت فممكن متنفعش، بس تتجاب من بره التوكيل عادي وتركب، حد غيري ممكن يفيدك تجبها منين.

المشاركة الأصلية كتبت بواسطة aw2100

على فكرة انا ملاحظ ان دة عيب تصنيع فى رينو لوجان ان الكاوتش ردئ جدا والمفروض ان التوكيل يغيرة على حسابة وانا انصحك تقدم شكوى رسمية وتبعتها للتوكيل بالمشكلة اللى حصلت انا عربيتى على سرعة 40 كيلو بتقف فى الشتاء وانت عارف الأسكندرية فى اقل من متر واحد انا مركب كاوتش تويو يابانى جبتها ب 380 شاملة الترصيص وبلف جديد بس بيلزق فى الأرض مع الفرملة وفى الملفات على اى سرعة ثبات ملهوش حل ومجتش فى الكاوتش ارمية فى الزبالة علشان لو على سرعة عالية كان ممكن يلف العربية منك ويمكن دة انزار من ربنا ليك وقدر الله وماشاء فعل وحمد الله على سلامة عربيتك !!!!
و دى شكلها
http://nileup.com/up/uploads/nilemotors_13543946211.jpg

جبتها منين في إسكندرية ياباشا؟

**nouranwar** · 21-12-2012 07:00 AM

الحمدلله علي كل شئ
هي تزعل بس بسيطة الحمدلله

**Porsche911TT** · 21-12-2012 08:41 AM

الحمد لله على كل حال ، شكراً ياجماعة على التفاعل الواحد بيبقى محتاج يفضفض شوية

التيويو 350 ليه تقييم كويس بس مين في مصر يبيعه؟
Toyo 350 | the Toyo 350 reviewed and rated | the online tyre guide

**S O P H O S** · 21-12-2012 09:00 AM

الحمد الله انك بخير
علي فكرة تويو فردة كويسة بس ناعمة يعني اداء فرامل مش الي انت متخليه ..

**miguel** · 21-12-2012 12:12 PM

الحمدلله انها جات علي انا قبل كده عملت حادثة بيها برضوا بسبب الكاوتش !!!! وانا علي سرعة 40 ضربت فرامل العربية لحست الطريق ميه ميه وخبطت في عربية نقل

غير الكاوتش لا محالة بص في نوع كويس قوي toyo 350 هتخش في 2500 جنيه تقريبا هما مسترخصين قوي علشان العربية نازلة بسعر رخيص

الحمدلله علي كده وربنا سترها !!!!