اقتراح بتنظيم قسم هيونداي

**aymn6666** · 20-12-2012 08:13 PM

طبعا بعد اذن الاداره والاستاذه المشرفين علي القسم
باقترح باننا نقسم قسم هيونداي باقسام منفصله لكل موديل من موديلات هيونداي
مثال نعمل قسم للاكسنت
قسم للالنترا
قسم للماتريكس
قسم للهاتش باك -جيتس -i10-i20-i30
قسم للدفع الرباعي 4*4
ونخلي فيه قسمين لقطع الغيار ومحلات البيع -جديد-مستعمل
وقسم لمراكز الصيانه والاصلاحات

وبكده حنعمل سيوله للقسم لان كل واحد حيبحث في مواضيع محدده بدل ميبقي البحث في وسط مواضيع كتيره وده يادي للمل في بعض الاحيان
وممكن يكون في مشرف لكل موديل من موديلات الهيونداي عنده الخبره الكافيه للنوع المحدد لان ممكن يكون في مشرف مثلا معندهوش الخبره الكافيه في موديل معين لاكن عنده خبره كبيره في موديل معين فميقدرش يفيد كل الاعضاء

وياريت لو في حد عنده اقتراح في الموضوع ده يضيفه
ويارب الاداره توافق
ولكم تحياتي

**haysam2000** · 20-12-2012 08:54 PM

ايمن باشا انا كنت فتحت الموضوع ده قبل كده و جالى الرد من المهندس سمير الشهاوى بانه بيجهزله فعلا و ده نص الرد
أستاذ / هيثم

صباح الخير

بالفعل في موضوعات مجهزة كفهرس لكل موديل بيتم تحديثها بواسطة المنسقين كل فترة بتتناول موضوعات كل موديل من موديلات هيونداي علي حدة

بعض هذه الموضوعات تم الانتهاء منها بالفعل و ستجدها مثبته في أول صفحة و البعض الاخر و منه الفيرنا جاري العمل فيه نظرا لأن موضوعات الفيرنا كثيرة و متعددة

و برضه لمزيد من التوضيح مرفق شكل توضيحي لفهرس قسم هيونداي بعد الانتهاء من موضوعاته و أن شاء الله تلبي تطلعاتك

[/QUOTE]

**alaamousa** · 21-12-2012 03:58 AM

السلام عليكم استاذ ايمن فكرتك ان شاء الله قيد البحث والتفكير ان شاء الله في القريب سيتم الاعلان عن تحديثات في قسم هيونداي بامر الله وشكرا لتفاعلك معنا ومشاركتنا بس ياريت حضرتك تعرض تصور كامل للفكرة باذن الله
جزاك الله خيرا

**aymn6666** · 25-12-2012 01:55 PM

المشاركة الأصلية كتبت بواسطة SE_coralsea

استاذ أيمن

كل سنة و حضرتك و كل الأخوة و الاخوات أعضاء قسم هيونداي بخير

أنا بالنيابة عن نجوم هيونداي و عن مجموعة تنسيق هيونداي بأوجه لك كل الشكر و التحية علي أفكارك البناءة و بأعتذر بشدة عن تأخري في الرد عليك نظرا لظروف سفري خارج مصر و عدم توافر أمكانية التواصل معكم طوال الفترة الماضية

عموما أنا باوجهه لحضرتك دعوة لحضور أجتماع هيونداي تيم المقبل لعرض فكرتك و مناقشة تطوير القسم و رؤية أمكانية تنفيذها ام لا

أن شاء الله سيتم الاعلان عن المقابلة قريبا بمجرد الاتفاق النهائي عليها

ربنا يوفقكم لصالح المنتدي