""" كوتشــان اللوجان.......قنابل موقوتة تحمل السيارة :::

**star101** · 20-12-2012 11:27 PM

بعد العديد من الحوادث المتكررة والتى كان سببها كوتشات اللوجان / اقول لكم وبكل ثقة ان هذه الكوتشات قنابل موقوته داخل السيارة وهذا تقيم لكاوتش من بعض المواقع الاجنبية Barumhttp://www.tyrereviews.co.uk/Tyre/Barum/Brillantis.htm ......الكاوتش بيه عيب خطير وهو الزحف ولمسافات كبيرة حتى لو كانت سرعه السيارة منخفضه...و 70 ٌ% من حوادث اللوجان التكررة والكثيرة بسبب هذه النوعيه من الكاوتش فاحترسوا من الفرامل الفجائية على مسافات متقاربة من سيارات امامكم فلن يسعفكم الكاوتش...

**Egyzizo** · 21-12-2012 03:16 AM

اللوجان بتنزل بأنواع مختلفة من الكاوتش ، على الأقل فى الموديلات الأقدم ، أنا افتكر اننا جمعنا 3 أو اربع أنواع مختلفة بتنزل بيهم العربية ، وماكانش فيهم الباروم ده خالص ..

أنا عربيتى نازلة بكاوتش اسمه كوموران والحمد لله بيكلبش فى الأرض.

هل كل اللوجان دلوقتى بتنزل بالباروم فقط ، واللا برضه بتنزل بأنواع تانية من الكاوتش؟

**amr.elsayed** · 21-12-2012 03:18 AM

مش للدرجادى يعنى هم كانوا نفخينوا ديناميت
بس الباروم دة المفروض يتغير بدرى بدرى

**Egyzizo** · 21-12-2012 03:20 AM

بس على فكرة التقييم بتاعه مش وحش فى الموقع اللى حضرتك جبته.

**amr.elsayed** · 21-12-2012 03:37 AM

المشاركة الأصلية كتبت بواسطة egyzizo

بس على فكرة التقييم بتاعه مش وحش فى الموقع اللى حضرتك جبته.

هى كلها كاوتشات متواضعة ودة اللى ماشى الايام دى فى مصر سواء مع اللوجان او عربيات اغلى منها كمان
وكان الاول بينزل ميشلان ايام العز وبعد كدة الكورموران والبرليانت والباروم و اسوئهم الباروم علشان الكاوتش عمره قصير وبينشف بسرعة
بصراحة الكورموران كان ممتاز على كدة .. واخد وقته معايا .. ممكن نكلم الشركة انها على الاقل ترجع تستخدمه مرة
اخرى على اساس انه احسن الوحشين
وعلى فكرة انا مش اخوان

ههههه

**Egyzizo** · 21-12-2012 03:57 AM

المشاركة الأصلية كتبت بواسطة amr.elsayed

هى كلها كاوتشات متواضعة ودة اللى ماشى الايام دى فى مصر سواء مع اللوجان او عربيات اغلى منها كمان
وكان الاول بينزل ميشلان ايام العز وبعد كدة الكورموران والبرليانت والباروم و اسوئهم الباروم علشان الكاوتش عمره قصير وبينشف بسرعة
بصراحة الكورموران كان ممتاز على كدة .. واخد وقته معايا .. ممكن نكلم الشركة انها على الاقل ترجع تستخدمه مرة
اخرى على اساس انه احسن الوحشين

الفكرة ان كل أنواع الكاوتشات تقريباً تقييمها فى الستينات والسبعينات ، الوحيد اللى معدى هو المشيلان .. الـ Pirelli اللى هو نار على علم فى الخمسينات ، والكوموران اللى ماشى معانا كويس فى الأربعينات.. يبقى تقييم الباروم مش بطال خالص.

المشاركة الأصلية كتبت بواسطة amr.elsayed

وعلى فكرة انا مش اخوان

ههههه

اطلــع من دول ..

**Egyzizo** · 21-12-2012 04:20 AM

على أى حال العمر مش بعزقة واللى حاسس ان الكاوتش بتاعه مش قد كده ما يبخلش فى تغييره ، بناقص يعنى فى سبيل الأمان وراحة البال.

**ahmed_m_ashraf** · 21-12-2012 05:49 AM

هو مش للدرجة دي، بس فعلا هو متواضع.

أنا دلوقت عامل بالعربية حوالي ٣٧٠٠ كم ويمكن أطلع بورسعيد آخر شهر واحد يعني هخش في ٤٥٠٠ كم هشوف بعدها لو لقيت فرصة كويسة هغير الكاوتش ياقبل يابعد صيانة ال ٥٠٠٠ حسب الظروف.

بصراحة الكومنتات في المواقع الأجنبية إللي تالواحد بقراها عن الكاتشات النظيفة زي البريدجستون جي آر ٩٠ ويوكوهاما سي درليف، حاجة تشرح ونفسي أجرب الإحساس ده!

بس حد يعرف الأربع فرد الباروم إللي هيطلعو من عندي ممكن يعملو في حدود كام؟