الموضوع: الفتيس الاوتوماتيك أثناء التهدئة

السلام عليكم عندى سؤال كده يا جماعة ويا رايت اللى عنده اجابة او لاحظ هذا الشىء يرد عليا جزاكم الله كل خير .

انا لاحظت حاجة غريبة يمكن علشان اول مرة اركب اوتوماتيك وهى وانا سايق العربية وبالمناسبة هى شارك 2012 اوتوماتيك وماشى مثلا على سارعة 70 كبلو فى الساعة وفى قدامى مطب أو اشارة بعد 200 متر مثلا فهبتدى اهدى من سرعتى حتى تصل صفر وأقف .... أثناء التهدئة رجلى خفيفة على الفرامل لان لسه فترة على المطب فأثناء التهدئة ورجلى على الفرامل بلاحظ ان عداد الار بى ام بينزل بس بطريقة غريبة شوية وهى انه مش بينزل بطريقة متتالية يعنى مش زى عداد السرعة مثلا بينزل عادى جدا اما الار بى ام فبينزل شوية مثلا 1000 ار بى ام ثم يعلى 300 ار بى ام ثم يكمل نزول تانى 1000 ار بى ام اخرى ثم يعلى 200 را بى ام ثم يكمل نزول حتى تقف السيارة وبيكون عند 650 ار بى ام وانا على الدى .

يعنى سؤوالى هو ليه أثناء نزول العداد مثلا 3000 2900 2800 2700 2600 2500 2400 2300ثم يعلى 2400 2500 2600 ثم يكمل نزول 2500 2400 2300 2200 2100 2000 1900 ثم يعلى 2000 2100 2200 2300 ثم يكمل نزل 2200 2100 2000 1900 1800 1700 1600 وهكذا .. كل هذا وانا رجلى خفيفة على الفرامل ليتم تهدئة سرعة السيارة حتى تقف تماما يعنى مدوستش بنزين خالص ... انا حبيت اشرحها بمثال فهل هذا طبيعى .. أنا برجح انه لو طبيعى يمكن علشان أثناء التهدئة الفتيس بيغير من الرابع للثالث مثلا ثم من الثالث الى الثانى ثم من الثانى إلى الاول واثناء هذه الغيارات بيعلى الار بى ام ثم يكمل نزوله الطبيعى فهل استنتاجى صح ولا عربيتى فيها حاجة غلط .

أنا اسف على الاطالة بس حبيت اشرح بالتفصيل وجزاكم الله كل خير ويا ريت اللى يجاوبنى يطون راقب هذه العملية فى عربيته علشان أتأكد ان كان طبيعى مطوخش المشوار الى التوكيل وان كان غير طبيعى اروح وخلاص .

اطمئن ده عادى جدااا
وفعلا وانت واقف لو ادرت عجلة الدريكسيون يمين او يسار ستجد ارتفاع مؤشر الار بى ام وعلو صوت الموتور