الموضوع: Honda civic 2012 or opel astra sedan

honda civic من وجهه نظري تتفوق بس ال opel تتفوق ان توكيلها متوفر في كل حته وكمان توكيلها منصور فيه ميزه انا سلس لو اي مشكله بيحلوها معاك اما توكيل هوندا معرفش نظامه ايه اما قطع الغيار في الأتنين قطع غيارهم عاليه
ثم ليه ماسك في نوعين دول مافيه Fiat Bravo Turbo وتقريبا على ما اعتقد بنفس تمنهم او اقل وفيه Skoda فانتازيا وفيه الألنترا كويسه جدا وأقل منهم في سعر وكوالتي بتاعها عالي اهم حاجه اما تجيب العربيه تجيبها ويكون فيها نظام Immobilizer System علشان تريح دماغك والعربيه ماتتخدش وتتسرق من تحت البيت

وال 95 بردوا يخليك تفكر فمحرك 1000 سي سي
علشان البلد ..

المشاركة الأصلية كتبت بواسطة semsem kane

توكيل هوندا اشد بمراحل من توكيل منصور

السيفيك مش غالية وقطع غيار الاسترا اغلى من السيفيك بصورة واضحة

ومعلش يعنى هو اية اللى دخل الالنترا وسط الناس دية , ومعلومة لحضرتك الالنترا مافيش فيها immoblizar حتى فى ال fully loaded ومافيش فيها ebd اخرها abs, 2 airbag وشكرا و ب 170 الف جنية على اية يعنى

فياريت بس ماتدخلش الكورى فى المقارنة دية

وعموما ردا لصاحب الموضوع والله الاتنين كويسين جدا وممتازين جدا بس بالنسبة للسيفيك 2012 اعتقد هتبقى عملية اكتر لانها اقوى - اقل اعطالا - اقل تكلفة - اوفر فى استهلاك البنزين - اوسع )

عالفكره انا بقوله بالنسبه للألنترا تاني فئه مش Fully loaded الواحد مشرط يشتري عربيه اي كانت ماركتها ال Fully loaded ثم حضرتك بتقول مادخلش الكوري في المقارنه طيب ماهو الأسترا الماني والفيات اوروبي ايطالي احنا بنكلم على العربيات عامه كلها من غير تحفظ على نوع او ماركه وعالفكره الهيونداي النترا حلوه جدا والهيونداي بترتقي و الكوري هيوصل لمرحله وهيعدي الياباني اي حد بيتميز في شئ بيوصل مش عشان كوري يبقى تعبان

المشاركة الأصلية كتبت بواسطة semsem kane

يعنى انا هاقولك حاجة عربية بأوبشن الالنترا وادائها وغلاء قطع غيارها , يدفع فيها المبلغ دة , بغض النظر عن انها كورى هنركن دية على جنب

ومن غير ماندخل فى تفاصيل الالنترا, كل واحد حر فى اختيارة مش عايزين نغير مسار الموضوع

لكن ان الكورى يعدى اليابانى دية لسة بدرى اوى خصوصا ان اليابانى نزل عربيات تحفة موديلات 2013 والكورى بعد ارتفاع اسعارة وارتفاع اسعار قطع غيارة اصبح بكدة خارج المنافسة تماما وخلى غبور يشبع بيها

فى انى بقى رفض الكورى من الاساس عشان محدش يدفع عربية تمنها 170 الف جنية ومافيهاش immoblaizer واصلا العربية بتتسرق بسهولة جداااااااا , يعنى انت رامى 170 الف جنية فى الشارع كدة وفية قدامك عربيات كتير افضل منها فى جميع النواحى وعلى الاقل عارف ان فيها نظام حماية يكون سبب فى ان الحرامى مايعرفش يسرقها
+ ان قطع غيارها غالية جداااااا , وتوكيل معاملتة وحشة

بقى ميزة الكورى اية بقى ان شاء الله

كلام مظبوط جدا للأسف توكيلها مش توكيل بس عالفكره هي ممكن تنزل بأمكانيات اكتر بكتير من اللي نازله فيها وبسعر اقل بس طمع التوكيلات خصوصا غبور للأسف