استطلاع ماذا تشترى فى حدود 100000 موديل 2012/2013

**MoH.SaLaDiN** · 21-12-2012 10:50 AM

ولو حبيت تذكر اسباب اختيارك او مميزات العربية اللى بترشحها ولو كان فى تجربة شخصية تحب تضيفها وذلك من اجل الاستفادة العامة

**S O P H O S** · 21-12-2012 01:21 PM

اعتقد ان الناس هتقول الصني والاوبترا والريو واحدة من الثلاثة
بس لو انا فكرت هزود سنه واجيب مستعمل حديث
-- سيفيك 2008 الي 2010
-- او سيات ليون 2008 بردوا لو عاوز هتشباك
مجرد راي يميل للخطأ اكثر من الصواب
بالتوفيق اخي الكريم ..

**MoH.SaLaDiN** · 21-12-2012 02:53 PM

والله وجهة نظرك تحترم بل بالعكس انا اؤيدك تماما للاسف كل العربيات اللى فى السعر ده مش بتكفى متطلبات و طموح اللى راكبها يعنى معظمهم base line فا حتلاقى تقريبا مفيش وسائل امان كافية الا قليل اوي و حتى اللى موجودة فيها تكون مانيوال مش اتوماتيك فعلا انا مش متخيل ازاى يكون معاك 100000 ومش لاقى عربية جديدة حلوة عشان تشتريها
طبعا السعر ده يجيبلك حاجة مستعملة ممتازة بس للاسف سوق المستعمل فلى مصر كله غش عشان كده معظم الناس بتبعد عنه وانا اولهم

**MoH.SaLaDiN** · 21-12-2012 02:54 PM

يالا يا رجالة nilemotors عايزين مشاركة عشان الناس تستفيد

**Mostafa.Mahran** · 21-12-2012 02:57 PM

الاوبترا اوتو

اكتر عربية تعتبر اعتمادية و سهلة فى كل حاجة

**abogharib** · 21-12-2012 02:58 PM

كيا ريو او نيسان صنى او اكسنت اربى
او تجيب مستعمل 2010-2011 سيراتو او ممكن سيفيك زى ما قال الاستاذ S O P H O S

**hpxp** · 21-12-2012 04:22 PM

بص ياريس انا هكلمك علي الاوبترا لانها معايا وبرضوا مجربتش الباقي
الاوبترا كويسه جداااااااااا علي شغلنا عندنا صيدليه في بلد ارياف ومش كل الشركات بترحلنا هناك فبيبعتلنا الطلبيات علي الصيدليه التانيه الي في الزقازيق فهيا نفعانا في التحميل اوي
في الجري حلوة جدااااااااااااااا
والثبات بصراحه لحد الان مركبتش عربيه زيها في الثبات احسن من الكورولا والانسر
الفرامل (وحشه جداااااااااااااا) علي الرمل والمفاجئ بتزحف ولسه امبارح برضه كنت هلبس في تاكسي الحمار طلع عليا من التقاطع وانا جي بسرعتي قمت كابس فرامل علي الاخر فزحفت مني وكسرت الددريكسيون لمت خفيف لكن مش زي الabs
الباور ناعم جدااااا واحسن من اللانسر 500 مرة بس بتاع اللانسر اتقل
الامان بقي العربيات التانيه تكسب
الاوبترا مفهاش abs/ ايرباج
الفخامه برضو العربيات التانيه تكسب هنا نور العدادت اصلا اخضر
لكن شكل الطابلوة حلو
العزل
الاوبترا غلبت الكورولا واللانسر
______________________
بص ياريس مفيش عربيه هتديك كل حاجه شوف انت اختيارك ايه وساعتها حدد ايه الانسابلك
وشويه هجبلك تقرير مصور عن العربيه ان شاء الله

**MoH.SaLaDiN** · 22-12-2012 12:42 AM

والله انا كانت مفاجأه ليا كلام حضرتك عن الاوبترا ان كنت فاكر انها مش حلوة بس بالنسبة لتجربة حضرتك فهى كده منافس بقوة مع بقية العربيات الموجودة فى الاستطلاع بس ناقص ان شكلها يتغير و يبقى جامد زى ما معظم العربيات طورت شكلها

**blazer** · 22-12-2012 01:22 AM

الصنى الجديده افضل عربية فى المقارنة بعدها الاوبترا
لان الصنى على الاقل فيها 2 اير باج + abs + ebd + ba
وواسعه وتكيفها حلو واستهلاك البنزين فيها قليل جدا
انما متتوقعش من عربية فيها المواصفات دى انها تبقى فخمة زى السيفيك او الجيتا

**MoH.SaLaDiN** · 22-12-2012 10:00 AM

طب ايه رأيكوا فى الجين 2 هى برده فيها اوبشنز كتير اوى و شكلها شبابى جدا مش عارف لما ركبت النيسان من جوه حسيت ان الخامات سيئة جدا بالمقارنة بباقى العربيات الموجودة فى الاستطلاع

مشاهدة نتائج الإستطلاع: استطلاع ماذا تشترى فى حدود 100000 موديل 2012/2013

الموضوع: استطلاع ماذا تشترى فى حدود 100000 موديل 2012/2013

LinkBack

أدوات الموضوع

عرض

-

-

-

المواضيع المتشابهه

ماذا تشترى فى حدود 170 - 190 الف جم

ماذا تشترى فى حدود 90 الف إلى 100 الف - 2010

ماذا تشترى ف حدود مبلغ من 60 الى 70 الف مستعمل موديل 2006 الى 2007

ماذا تشترى فى حدود 20 الف !!؟

ماذا تشترى فى حدود من 80 الى 90 الف ؟

الكلمات الدلالية لهذا الموضوع

المفضلات

المفضلات

ضوابط المشاركة