لمبة الزيت نورت وانا مسافر والعربية وقفت منى على الدولى بليل

**Mohamed.Muslim** · 21-12-2012 11:38 PM

السلام عليكم
عربيتى الفيليشيا كنت مسافر بيها احضر عزاء فى البحيرة المهم اول ماأخدت الطريق الزراعى لمبة الزيت نورت بس كانت يتنور لما الrpmبيبقى بين 20 و 30 لفة وتطفى فوق او تحت كده , المهم انا عارف طالما لمبة الزيت نورت يبقى لازم اوقف العربية وأبطلها , عملت كده فعلا وبصيت على العربية من تحت ليكون فى تسريب زيت ملقيتش حاجة , قيست الزيت لقيته تمام ( مع انى عرف لازم اقيسه والعربية باردة ) بعدين رحت مزود شوية زيت كانوا باقيين معايا فى الجركن وركبتها وكملت عادى لقيت اللمبة اختفت قلت تمام مفيش 5 دقايق اللمبة رجعت تنور وتفصل تانى فضلت كده لحد ماوصلت البحيرة وحضرت العزاء وبعدين كانت العربية بردت قلت أأقيس الزيت لقيته تمام واللزوجه تمام دوست بنزين جامد اللمبة منورتش قلت يالا أرجع على اسكندرية بقة شوية ولقيت اللمبة بتنور وتطفى لكن العربية ماشية ومفيش أى صوت غريب كملت لحد قبل اسكندرية ب 5 كيلو ( يعنى من اول مرة اللمبة نورت العربية فضلت ماشية تقريبا 150 كم فى 3.5 ساعات ) وفجأة العربية بطلت أدور مش عايزة تدور و صوت المارش عبارة عن تكة بسيطة بس مرزعتش ولا خبطت وطبعا كنت ماشى على 120 روحت واخد يمينى و بعد كده قطرتها لحد الميكانيكى و قالى سيبهالى أشحنها عشان البطارية كانت فضيت لأنى فضلت واقف ساعة على تفريعة الدولى بليل والدنيا ضلمة كحل فطبعا اضطريت انى اشغل نور العربية العالى طول الساعة دى , كلمت الميكانيكى قالى انا شحنتها وشغلتها بس العربية بترزع قلتله طب ايه الوضع دلوقتى حنحتاج عمرة ولا ايه قالى عدى بكرة عليا و اكون فكيت كام حاجة وأأقولك...
ملحوظة :
1-انا العربية مهتم بصيانتها جدا و كنت مغير زيت نوع 5000 كم والعربية كانت ماشية 3700 كم بس يعنى كان لسه فاضل على تغيير الزيت 1300 كم.
2- الميكانيكى قالى كانت بتاكل زيت قبل كده قلتله ابدا .
3- انا بحرق بالعربية جامد بس عمرى مابدخل على المنطقة الحمراء فى الrpm .
4- الميكانيكى اول مارحتله قالى ممكن تبقى طرمبة الزيت هى السبب.
5- العربية عاملة 166540 كم ومتعملهاش عمرة قبل كده ( بس غيرت اسطوانة وديسك للفتيس ) .
أنا عايزكوا تقولولى بخبرتكوا كده ممكن العربية تحتاج عمرة أو نص عمرة ولا أيه ياريت الرد ضرورى

**Khaled Lanos** · 22-12-2012 03:03 AM

وعليكم السلام..

خير ياباشا ان شاء الله تطلع مشكلة بسيطة..
أنا بقول ان طالما لمبة الزيت نورت معاك وانت وقفت ونزلت وملقيتش اي تسريب والزيت تمام..يبقى حاجة من الإتنين:

1-طرمبة الزيت باظت فجأة ومبتضخش الزيت وبالتالي اللمبة نورت(ودا أكبر احتمال)
2-نوع الزيت اللي حطيته يمكن يكون غير مناسب أو اتأخرت على معاد تغييره فاتحرق وبقى زي المية مثلا(و الحل دا ان مستبعده دلوقتي لكن كل شيء محتمل)

عموما روح للميكانيكي بكرى ان شاء الله تطلع حاجة بسيطة وابقى طمنا.

**adiaa222** · 22-12-2012 07:26 AM

فعلا الاحتمال الاكبر طرمبة الزيت
فى احتمال اخر ان ممكن يكون فلتر الزيت مسدود وبالتالى اثر على طرمبة الزيت
وان شاء الله خير

**sakr_skoda** · 22-12-2012 08:44 AM

فعلا نبداء بالكشف على طلومبة الزيت احتمال كبير تكون السبب....

**المنسي** · 22-12-2012 10:10 AM

المشاركة الأصلية كتبت بواسطة bybers

السلام عليكم
عربيتى الفيليشيا كنت مسافر بيها احضر عزاء فى البحيرة المهم اول ماأخدت الطريق الزراعى لمبة الزيت نورت بس كانت يتنور لما الrpmبيبقى بين 20 و 30 لفة وتطفى فوق او تحت كده , المهم انا عارف طالما لمبة الزيت نورت يبقى لازم اوقف العربية وأبطلها , عملت كده فعلا وبصيت على العربية من تحت ليكون فى تسريب زيت ملقيتش حاجة , قيست الزيت لقيته تمام ( مع انى عرف لازم اقيسه والعربية باردة ) بعدين رحت مزود شوية زيت كانوا باقيين معايا فى الجركن وركبتها وكملت عادى لقيت اللمبة اختفت قلت تمام مفيش 5 دقايق اللمبة رجعت تنور وتفصل تانى فضلت كده لحد ماوصلت البحيرة وحضرت العزاء وبعدين كانت العربية بردت قلت أأقيس الزيت لقيته تمام واللزوجه تمام دوست بنزين جامد اللمبة منورتش قلت يالا أرجع على اسكندرية بقة شوية ولقيت اللمبة بتنور وتطفى لكن العربية ماشية ومفيش أى صوت غريب كملت لحد قبل اسكندرية ب 5 كيلو ( يعنى من اول مرة اللمبة نورت العربية فضلت ماشية تقريبا 150 كم فى 3.5 ساعات ) وفجأة العربية بطلت أدور مش عايزة تدور و صوت المارش عبارة عن تكة بسيطة بس مرزعتش ولا خبطت وطبعا كنت ماشى على 120 روحت واخد يمينى و بعد كده قطرتها لحد الميكانيكى و قالى سيبهالى أشحنها عشان البطارية كانت فضيت لأنى فضلت واقف ساعة على تفريعة الدولى بليل والدنيا ضلمة كحل فطبعا اضطريت انى اشغل نور العربية العالى طول الساعة دى , كلمت الميكانيكى قالى انا شحنتها وشغلتها بس العربية بترزع قلتله طب ايه الوضع دلوقتى حنحتاج عمرة ولا ايه قالى عدى بكرة عليا و اكون فكيت كام حاجة وأأقولك...
ملحوظة :
1-انا العربية مهتم بصيانتها جدا و كنت مغير زيت نوع 5000 كم والعربية كانت ماشية 3700 كم بس يعنى كان لسه فاضل على تغيير الزيت 1300 كم.
2- الميكانيكى قالى كانت بتاكل زيت قبل كده قلتله ابدا .
3- انا بحرق بالعربية جامد بس عمرى مابدخل على المنطقة الحمراء فى الrpm .
4- الميكانيكى اول مارحتله قالى ممكن تبقى طرمبة الزيت هى السبب.
5- العربية عاملة 166540 كم ومتعملهاش عمرة قبل كده ( بس غيرت اسطوانة وديسك للفتيس ) .
أنا عايزكوا تقولولى بخبرتكوا كده ممكن العربية تحتاج عمرة أو نص عمرة ولا أيه ياريت الرد ضرورى

بنسبة 99 % طلمبة الزيت لسبب بسيط ادام اللمبة بتنور وتطفى والزيت بتقول انه مش ناقص واللمبة بتطفى
مشكلتك مش مشكلة زيت وان شاء الله هيبقي بالكتير تغير طلمبة الزيت طالما مسمعتش صوت خبط او ترزيع قبل ماتقف منك

**sakr_skoda** · 22-12-2012 04:35 PM

المشاركة الأصلية كتبت بواسطة bybers

شكرا يا جماعة على الرد ....
انا كلمت الميكانيكى قالى ان فعلا طرمبة الزيت باظت و قالى انو طالما العربية ماكنتش بتاكل زيت معايا قبل كده و كان فيها الزيت تمام يبقى مش حيحل حاجة من فوق و حيحل من تحت بس قلتله طب وانت بتحل لقيت حاجة تانية بايظة قالى اه الكرانك
انا عايز أعرف:
1- يعنى ايه ( مش حيحل حاجة من فوق و حيحل من تحت بس )
2-ايه هو ( الكرانك ) و تمنه كام ؟؟؟ وكده العربية تبقى داخلة عمرة ولا ايه

معنى ان الميكانيكى حيفك من تحت يعنى حيفك كارتيرة الزيت ومش حيفك وش السلندر....

طيب مش عارف الميكانيكى عاوز يغير الكرنك ليه دا نادر جدا ما يبوظ لأنه بكل بساطة بيبقى فى وسط كارتيرة الزيت مبيحتجش طلومبة توصلة الزيت فياريت اطلب من الميكانيكى تاجيل تغيير الكرنك شوية وخلية يركبلك طلومبة الزيت وياريت تشتريها انتا بنفسك وخلى الميكانيكى يركبهالك الأول وشوف اعتقد انك مش حتحتاج تغيير الكارنك....

**aw2100** · 22-12-2012 09:27 PM

الكرنك باظ ودة من القرص على الموتور بيلدع السبيكة اللى على الكرنك وبالتالى بتاكل الكرنك دة يؤثر على سحب العربية ويعمل صوت كركرة ودة طبعا بسبب غش البنزين وقلة الأوكتين لان الموتور دة مصمم على البنزين 92 واعتقد ان حضرتك بتحط بنزين 90 او 80 وممكن تخلية على الأقل يخرط الكرنك ويغير طقم سبيكة وخصوصا لو متخرطش قبل كدة يعنى ستاندرد طالما فك الموتور من تحت ومش ضرورى تغير الكرنك انصحك تعمل الصح طالما فكيت الموتور والعربية عند الميكانيكى لو عربيتى حعمل كده وبرحتك !!!!
*ملحوظة اخرى الزيت 5000 افضل تغيرة على 3500 اقصى حد ودة بسبب ان موتور السيارة قديم وظروف الجو و غش البنزين.

**طارق _عبد السلام** · 22-12-2012 09:45 PM

معقوله فجأه كده جابت كرنك
هى طلمبه الزيت باظت يعنى مابترفعش الزيت
يعنى الكرنك غرقان فى الزيت
وهل هو غير الطلمبه ودور ووجد ان فيها رزع ؟ لازم تعرف هو عمل ايه
انا بجد مستغرب المفروض ان الكرنك يرزع خفيف وبعدين يتقل مش فجأه كده على طول

الموضوع: لمبة الزيت نورت وانا مسافر والعربية وقفت منى على الدولى بليل

LinkBack

أدوات الموضوع

عرض

-

-

-

-

-

المواضيع المتشابهه

الحقونى : غيرت لزيت فالفولين و بعدها لمبة الزيت نورت

لو لمبة الزيت نورت فجاة ...

وانا ماشى امبارح بليل لاقيت اية ؟

الحقوني لمبة الزيت نورت!!!!!!!!!!!

"ياجماعة لمبة الزيت ساعات بتنور وانا ماشي"

الكلمات الدلالية لهذا الموضوع

المفضلات

المفضلات

ضوابط المشاركة