معلومة مهمة لوجة الله للصيانة

**thenders** · 23-12-2012 12:41 AM

[justify]
اولا الموضوع يختص على صيانة الأسكودا والجيتا والباسات بجميع أنوعهم وعن تجربة لاحظت فى المنتدى كام واحد مشهوريين للصيانة بالرغم انو يوجد ناس اخرى بنفس الكفاءة او اعلى شوية ودة مش معناة انى بقلل من قيمتهم طبعا هما ناس ممتزين برضو بس حبيت اضيف عليهم واحد بعد التجربة هو واحد فى الحرفيين شهرتة الشيخ احمد وهو متخصص فى الأنواع الى زكرتها فقط الراجل دة بصراحة أبهرنى بأنو حافظ كل مسمار فى العربية والحمد لله عندو حل لمعظم المشاكل الى نعرفها ويمتاز كمان فى أسعار مصنعياتة والطقم الى شغال معاة ناس محترمين جدا وفهميين ونضاف فى الشغل الى بيميز مكان الراجل دة انو جمبو اكتر من محل قطع غيار سواء استيراد أو جديدة يعنى مش هتقعد تلف قد كدة عشان تجيب حجتك عموما انا قلت أقول يمكن حد يستفاد وعناون الورشة بتعتة فى الحرفيين بجوار جامع أسمة الجامع الكبير وبجوار أيضا مهران بتاع قطع الغيار ودة رقم تليفونة أذا حد حب يستفسر عن حاجة أو يرحلة 01007629024 أنا عن نفسى عربيتى اوكتافيا a5 وبأذن الله مش هروح لحد غيرة أثناء أى صيانة
[/justify]

**S O P H O S** · 23-12-2012 01:32 AM

مشكورررر علي الافادة ..

**طارق _عبد السلام** · 23-12-2012 01:49 AM

نشكرك على الافاده

**Moratoz** · 23-12-2012 08:21 AM

طبعا مشكور
بس قول لينا انتا كنت عملت ايه عندة وطلع حلو وكام كانت المصنعيه

**المنسي** · 23-12-2012 10:27 AM

ياريت تنقل لنا تجربتك معاه والشغل اللى عمله فالعربية وكده يعني

**Moratoz** · 24-12-2012 06:01 AM

ببلاش والله رخيص وكويس وعندة يردة كمبيوتر أعطال بكشف بيه علي العربيه
حضرتك عربيتك a4 صح كدة ولا حاجة تانيه

**EngAhmedSayed** · 24-12-2012 01:54 PM

مشكور على نقل التجربه
و ان شاء الله خير على كل شىء
و ياريت لو حد من الاعضاء الافاضل اتعمل فى نفس الموضوع او هيتعمل ياريت ينقل التجربه يا جماعه
علشان نتاكد من الموضوع كامل
ربك المستعان

**Moratoz** · 24-12-2012 04:30 PM

بس مش غريبه شويه ان العرييه a5 ويتم تغير الزيت الكيلو ب٩٥جم فقط المعروف ان ثمن الكيلو حوالي ٢٥٠ جم ولا وا محطش زيت اصلي
ومعلش سؤال صغير تاريخ الصيانه المذكور في الموضوع أمتي