الفرق بين الماء الاحمر والاخضر

**mndooo** · 23-12-2012 02:49 AM

عايز اعرف الفرق علشان عندى 3 لتر احمر ومش لاقى غير الخضرا فهل ينفع اضيفهم على بعض نحسن انا ماشى بماء مقطر من اسبوع وشكرا اوبترا

**mero100** · 24-12-2012 08:04 PM

حذروني في التوكيل من اضافه نوعين مياه علي بعض او حتي لونين من ماركه واحده ..... و المياه الحمراء موجوده في التوكيل نوعها acdelco و فيه منها موبيل في محطات موبيل زي موبيل صلاح سالم و موبيل الطيران .

**hmada9009_99** · 24-12-2012 11:11 PM

المشاركة الأصلية كتبت بواسطة mndooo

عايز اعرف الفرق علشان عندى 3 لتر احمر ومش لاقى غير الخضرا فهل ينفع اضيفهم على بعض نحسن انا ماشى بماء مقطر من اسبوع وشكرا اوبترا

ياباشا ما أنا رديت عليك قبل كده وقولت لحضرتك ماينفعش تضيف لونين مياه مع بعض والمياه الحمرا متوفره بس دور كويس
والفرق ان المياه الخضرا لمواتير بلوك بتاعها مصنوع من الزهر
والحمرا او البنبي للمواتير اللي بلوك بتاعها مصنوع من الألومنيوم

**medo500** · 25-12-2012 03:41 PM

هل ينفع التزويد بماء مقطر ؟

**drmagieed** · 25-12-2012 07:12 PM

المشاركة الأصلية كتبت بواسطة medo500

هل ينفع التزويد بماء مقطر ؟

كدة تركيز الإثيلين جليكول هيقل وهو المادة الأساسية للتبريد إللي بيرفع درجة غليان الماء بدل من 90 درجة مئوية يبقي 105 درجة مئوية وبالتالي المراوح تشتغل أقل ودورة التبريد مع مانع الصدأ والمواد إللي بتزيتن طرمبة المياه تشتغل كويس!!!

**Amr Axel** · 25-12-2012 07:23 PM

صبغة يا باشا المادة الفعالة هي الايثيلين جيليكول بالاضافة لبعض المواد الأخري
اما اللون فده للتعرف ع التسريب في حالة حدوثه لأن المية العادي لو نشفت مش هتعلم عكس الخضرا او الحمرا او الزرقا لكن متخلطش الوان او انواع ع بعض
و لازم تحط المية و التركيز اللي ينصح به في دليل السيارة غالبا هيكون مش اقل من 33% و مش اكتر من 50 %

و مية الريداتير يتم تغييرها بشكل دوري كل سنتين او 40 الف ك و ده للحفاظ ع دورة التبريد لأن مع الوقت المية بيتكون فيها شوائب و رواسب ده غير انها بتفقد خواصها و طبعا لو سيبتها و كبرت دماغك ممكن يتكون صدأ و بالتالي يؤدي لعدم كفائة التبريد او سد في دورة التبريد و احتمال الريداتير يتخرم بسبب الصدأ و ممكن ميبنش الا لو جيت تغير المية او تحصل فجأة و انت ماشي
و طبعا مع تغيير المية يتم الكشف ع خراطيم دورة التبريد انها سليمة