الموضوع: مشااااااااكل فاوكتافيا a4 حد يساعدنى :(

اولا السلام عليكم ورحمة الله وبركاته....

انا لسة جدييد فالمنتدى معاكم هنا بس عندى كام مشكلة فالعربية عايز استفسر عنهم

اول حاجة معايا سكودا اوكتافيا a4 موديل 2000 استيراد خارج ومن فترة كده حوالى 4 شهور العربية كان بقالها 3 او 4 ايام مركونة متحركتش فلما نزلت لقيتها مش عايزة تقوم خالص ولا اللمبات بتاعت الكونتاك بتنور حتى قولت بطارية عشان كان فيها مشاكل وعايزة تتغير قومت اخدت البطارية وشحنتها ونفس الكلام مفيش امل وجبت كهربائى وعمل وصلة ولا عايزة تقوم بردوا قام جارنا عملى وصلة تانية من الاتوبيس عنده ومرديتش تقوم بردوا اخدتها زق لحد الكهربائى جالها يمين شمال مفيش حط بطارية تانية بردوا مفيش امل ولا لمبة بتنور حتى فك كذا حاجة كده جوا وبيشيك على كل الاسلاك والفيوزات وكشف عليها كمبيوتر وبردوا معرفش مالها قالى والله ما عارف فى ايه عربية معفرتة
والغريييب بقى سبناها ووقفنا نتكلم فا بحط المفتاح تانى وبجرب لقت اللمض نورت والعربية دارت وكله تمااام استغربت اوى ومعرفناش لحد ناو كان مالها

بس لما مشيت بعد المشكلة ديه تانى يوم وانا ماشى بالعربية لقيت حاجات غريبة بتحصل :
اول حاجة عدااد السرعة لما اكبس بنزيين واجرى مثلا الاقى المؤشر بيلعب ومش ثابت بس المشكلة ديه قعديت يومين تلاتة وراحت لوحدها

تانى حاجة عداد البنزيين بدأ بردوا يلعب يكون مثلا المؤشر فالنص الاقيه فجأة بقى على الاخر وفجأة بردوا ينزل خالص ولا اكنى حاطط بنزين ويصفر ويفضل يعلى واحدة واحدة لحد ما يوصل للى موجود فعلا والمشكلة دى معايا لحد دلوقتى وخاصة لما اجى احط بنزيين المؤشر بيلعب وانا بحط فالبنزينة

تالت مشكلة الكهربائى نسى يركب فيشة الجهاز الى فوق بدال الدبرياج وحسيت ان العربية غريبة لما ابقى ماشى عالسلانسيه احس ان العربية بتتكتم فجأة كده او ادوس بنزين واشيل تكتم مرة واحدة جامد واكتشفت حكاية فيشة الجهاز الى فوق الدبرياج ده بعدها باسبوع وركبتها وبقت تمااام وبعدين المشكلة دى رجعت تانى بس بزيادة بقى العربية بقت زى اكنها بتتنطط كده او بتبرجل وجربت اشيل فيشة الجهاز ده واركبها تانى مشت خمس دقايق كويس كده وبعدين عملت نفس الحكاية ومش عارف ايه مشكلتها

وفى حاجة كمان معلش نور العربية قدام مرة واحدة النور الوسط وقف مش بينور والمشكلة ان اللمبتييين اليمين والشمال مرة واحدة مع بعض مش واحدة وواحدة مثلا فا ده عادى يكون الوسط اتحرق فيهم ولا فيوز ده ولا ايه

معلش طولت عليكم اعذرونى بس والله قربت اكره العربية

وعااااااايز حد قطع غيار يكون اصلى فاسكندرية ومضموووووون وبردوا ميكانيكى وكهربااائى كويسييين فاهمين الشغل فالاوكتافيا ويكونوا رخاص ياريت

المشاركة الأصلية كتبت بواسطة kareemafifi

عليك و علي تي فاج يا باشا اللي في اول الزراعي و انت جاي من اسكندرية و عديت سموحة هناك فيه كهربائي اسمه محمد الدش ان شاء الله هيفيدك جامد

تسلم ياباشا عالرد بس ده حراق ولا كويس ولا ايه نظامه