ساعدونى برأيكم قبل ما اتجنن

**m_medo** · 24-12-2012 01:53 PM

السلام عليكم
انا حاجز لوجان اوتو من شهرين و فاضل شهر على الاستلام... انا اخترت اللوجان بعد ما شفت الساجا والفيرنا والافيو واللانوس وبصراحة لقيت ان اللوجان احسنهم... بس النهاردة نزلت شفت الامجراند بتاعت غبور واتوهمت بصراحة... جنوط وفرامل اى بى اس و صالون جلد وعربية فخمة وسنسور بارك وحاجات كتير تانية.... عند سمير ريان بعد الاوفو برايس عاملة 79000 ... انا دماغى هتفرقع اعمل ايه؟ انا لو كنت استلمت مكنتش فكرت ولا ندمت.. لكن بما انى ماستلمتش فدماغى صدعت من التفكير... هتقولولى اللوجان اوتو و دى مانيوال هقولكوا مانا خايف قوى من اعطال الاوتو ومرعوب... انا هدفع كل اللى معايا كله ولو حصل حاجة مش هسامح نفسى... ارجو المشاركة بدون التحيز للسيارة اللوجان وارجو الحيادية كما تعودتها منكم

**Khaled Online** · 24-12-2012 02:30 PM

باشا اللوجان متجربة بقالها فوق الثلاث سنين دلوقتي وكفاءة
الام جراند دورت أونلاين ولقيت اللي بيتكلم عنها بإعجاب وإنها العربية الصيني الوحيدة اللي واخدة تقييم 4 نجوم من معايير السلامة والجودة الأوروبية وفي نفس الصفحة تلاقي اللي بيشتم فيها ويقول طلعت ولا نزلت دي توكيلها الكل بيشتكي منه
ورأيي الشخصي ده كله كلام لأن هي لسة مانزلتشي أصلا ومحدش جربها
لو هتلغى حجز اللوجان وتحجز الإمجراند يبقى كأنك بتشتري سمك في مياه. الله أعلم هيبقى كويس ولا لأ

**wsamir** · 24-12-2012 06:41 PM

اللوجان الاتو بقالها معايا 6 شهور بدون اى شكوى و الحمد لله

**m_medo** · 25-12-2012 07:47 AM

المشاركة الأصلية كتبت بواسطة wsamir

اللوجان الاتو بقالها معايا 6 شهور بدون اى شكوى و الحمد لله

ربنا يباركلك فيها

**islamaaa** · 25-12-2012 08:30 AM

زي ما الاخوه قالوللك اللوجان موجوده من 2009 ومتجربه ف الاوتو ف العربيات الmcv وتوكيلها محترم بالنسبه لباقي التوكيلات و انا عن نفسي اشتريت 2010مانيوال وقعدت معابا سنتين ونص والحمد لله كانت زي الفل وبعتها وجبت الاوتو من 3 اشهر والحمد لله برضه زي الفل لغايه دلوقت
الايميجراند شكلها اشيك وكماليتها اعلي شويه وضمانها 5 سنين مش 3 زي اللوجان بس المشكله انك ها تبقي بتغامر لان محدش جربها ده غير ان الناس بتشتم ف توكيلها وحاجه كمان سعر اعاده البيع هايكون ضايع عشان العربيه لسه جديده
انا رأيي خليلك ف اللوجان الاوتو انت بتقول انك هاتدفع كل اللي معاك العربيه ف اكيد مش محتاج انك تغامر مع الايميجراند وغبور
واخيرا ربنا يوفقك ويكرمك بالخير سواء كانت دي او دي ان شاء الله

**m_medo** · 25-12-2012 09:27 AM

المشاركة الأصلية كتبت بواسطة islamaaa

زي ما الاخوه قالوللك اللوجان موجوده من 2009 ومتجربه ف الاوتو ف العربيات الmcv وتوكيلها محترم بالنسبه لباقي التوكيلات و انا عن نفسي اشتريت 2010مانيوال وقعدت معابا سنتين ونص والحمد لله كانت زي الفل وبعتها وجبت الاوتو من 3 اشهر والحمد لله برضه زي الفل لغايه دلوقت
الايميجراند شكلها اشيك وكماليتها اعلي شويه وضمانها 5 سنين مش 3 زي اللوجان بس المشكله انك ها تبقي بتغامر لان محدش جربها ده غير ان الناس بتشتم ف توكيلها وحاجه كمان سعر اعاده البيع هايكون ضايع عشان العربيه لسه جديده
انا رأيي خليلك ف اللوجان الاوتو انت بتقول انك هاتدفع كل اللي معاك العربيه ف اكيد مش محتاج انك تغامر مع الايميجراند وغبور
واخيرا ربنا يوفقك ويكرمك بالخير سواء كانت دي او دي ان شاء الله

اشكرك على الاهتمام

**gebreel** · 25-12-2012 09:52 AM

الوحوش قالو كل اللي كنت ناوي اقوله

**gebreel** · 25-12-2012 11:00 AM

المشاركة الأصلية كتبت بواسطة m_medo

يا عم جبريل والله ده رأيي انا كمان
بس انت عارف يا باشا... طول مانا حاجز ولسة ماستلمتش بابقى عامل زى الشاب اللى خاطب بيقعد يقارن خطيبته بالبنات التانية لكن أول ما يتزوج بيقعد يدافع عن زوجته حتى لو هي ضايعة...

جوزونى وحاسبونى لو بصيت لواحدة تانية يا جماعة

ههههههههههههههههههههههههه معلش يا باشا هي بتدلع عليك علشان تشوف غلاوتها عندك

الموضوع: ساعدونى برأيكم قبل ما اتجنن

LinkBack

أدوات الموضوع

عرض

-

-

-

المواضيع المتشابهه

ساعدونى برأيكم فى السياره لوجان

يا ريت تشرفونى برأيكم

أفيدوني برأيكم

من فضلكم أفيدونى برأيكم

الجين 2 هتجننى بجد ساعدونى برأيكم

الكلمات الدلالية لهذا الموضوع

المفضلات

المفضلات

ضوابط المشاركة