الموضوع: غربلة الدركسيون

المشاركة الأصلية كتبت بواسطة dolly13

صباح الخير يا احلى نجوم
من يوم ماجبت العربية وهى بتغربل بعد 100 كيلو
بس الغربلة بشكل شيك شوية يعنى تغربل لمدة كام ثانية وتظبط لوحدها ولما ازود 120 مثلا تغربل تانى ثوانى وتظبط برده
ظبطت زوايا واتزان ورصصت كتيييييييير وبرده العيب ده موجود
ياترى ده سببه ايه ؟
العربية عاملة 85 الف وانا استحملتها كتير بصراحة اكتر من كدة يبقى عيب بقى
هل ممكن يكون عيب جنوط مثلا وخصوصا انى ماغيرتش الجنوط اللى جت بيهاا
افيدونى يانجوم ولكم جزيل الشكر مقدما
وفيه ملحوظة على جنب كدة
هو القسم نايم ليه كدة حتى القهوة مش فاتحة
لعل المانع خير ويارب الايام الجاية تبقى الدنيا احسن والقسم يرجع لنشاطه تانى

اول اختبار لازم يتعمل
1- كشف علي ال( سرتين ) الاماميتين وده بيكون برفع العربية من الامام بالكامل وفك الجنطين وتشغيل العربية علي المور وبيتم ملاحظه بالعين المجرده هل دوران السرة + الطنبورة في وضع مستقيم واله فية (( ورورة )) ملحوظة في بيت الرامل
ده حل ... للتأكد من سلامة الاجزاء الامامية المتحركة اللي ممكن تأثر علي الثبات وبتعمل رجرجة

2- ترصيص في مكان محترم .. والتأكد ان يتم تركيب الرصاص باللزق من داخل الجنط مش من الخارج ولو جنت عادي يعني بلدي .. تركيب الرصاص صح وضمان عدم تحرجة من مكانة بعد التركيب

3- ممكن تجربة ( ترصيص الحصان ) وانا عامل موضوع عنة ... ده بعد الكشف علي السرة والطنابير طبعا

4- (( ماتتعبش قلبك )) برده العربية ها تغربل .. اللي احنا بنعملة ده تقليل فقط .. من الغربلة والسبب ( الطرف التالت )

المشاركة الأصلية كتبت بواسطة m.al-hefnawy

ممكن يكون عيب كاوتش لو فرده فيها عالي وواطي تعمل كده ... وبرده أتأكد من إن العفشة سليمة.

المشاركة الأصلية كتبت بواسطة verna2008auto

اول اختبار لازم يتعمل
1- كشف علي ال( سرتين ) الاماميتين وده بيكون برفع العربية من الامام بالكامل وفك الجنطين وتشغيل العربية علي المور وبيتم ملاحظه بالعين المجرده هل دوران السرة + الطنبورة في وضع مستقيم واله فية (( ورورة )) ملحوظة في بيت الرامل
ده حل ... للتأكد من سلامة الاجزاء الامامية المتحركة اللي ممكن تأثر علي الثبات وبتعمل رجرجة

2- ترصيص في مكان محترم .. والتأكد ان يتم تركيب الرصاص باللزق من داخل الجنط مش من الخارج ولو جنت عادي يعني بلدي .. تركيب الرصاص صح وضمان عدم تحرجة من مكانة بعد التركيب

3- ممكن تجربة ( ترصيص الحصان ) وانا عامل موضوع عنة ... ده بعد الكشف علي السرة والطنابير طبعا

4- (( ماتتعبش قلبك )) برده العربية ها تغربل .. اللي احنا بنعملة ده تقليل فقط .. من الغربلة والسبب ( الطرف التالت )

متشكرة جدا لسرعة ردودكم ومساعدتكم
هو تقريبا والله اعلم فعلا انا هابيع العربية وهى بتغربل برده
اللى يشتريها يبقى يشوف الطرف التالت ويقتله لكن والله انا زهقت اوى من الموضوع ده لانى كنت شارياها زيرو ولاحظت فيها العيب ده من الاول
طيب سؤال تانى معلش الغربلة دى ممكن تاثر على حاجة او ليها خطورة والا عادى وخصوصا انها بتاخد ثوانى وبتروح لوحدها ؟
اشكركم مرى اخرى

رصص الأول وبعد كده نشوف..
لو الطنابير مش كويسة هتغربل معاك فى الفرامل وخصوصا لو على سرعة عالية ودوست فرامل خفيف هتلاقى العجل الأمامى وخاصة اللى فيها مشكلة بيغربل..
واحد صاحبى كان عنده المشكلة دى وآخر ما زهق من الترصيص غير الجنوط الأصلية وركب جنوط إستيراد إستعمال خارج وحل المشكلة..

المشاركة الأصلية كتبت بواسطة original

رصص الأول وبعد كده نشوف..
لو الطنابير مش كويسة هتغربل معاك فى الفرامل وخصوصا لو على سرعة عالية ودوست فرامل خفيف هتلاقى العجل الأمامى وخاصة اللى فيها مشكلة بيغربل..
واحد صاحبى كان عنده المشكلة دى وآخر ما زهق من الترصيص غير الجنوط الأصلية وركب جنوط إستيراد إستعمال خارج وحل المشكلة..

مرسيه لرد حضرتك
انا فعلا فكرت اغير جنوط

المشاركة الأصلية كتبت بواسطة dolly13

مرسيه لرد حضرتك
انا فعلا فكرت اغير جنوط

الجنوط لو غستيراد هتسلمهم واحد واحد على جهاز الترصيص قبل ماتركب كاوتش..

ممكن يكون الكاوتش فيه عالى وواطى ......... جربى تنقلى اللى ورا قدام واللى قدام ورا ............ راجعى سلامة الطنابير ومدى استوائها