الموضوع: الحمدلله حجزت :) +استفسار عن التأمين

المشاركة الأصلية كتبت بواسطة adel_edrees

3.5 من اجمالى السيارة أول السنة
3.5 من أجمالى قيمة السيارة مطروح منها 10 % قيمة أهلاك تانى سنة
3.5 من (أجمالى قيمة السيارة مطروح منها 10 % قيمة أهلاك) =قيمة السيارة مطروح منها 10 % قيمة أهلاك تالت سنة بمعنى أن قيمة السيارة المحسوب عليها قيمة التأممين بتقل 10 % قيمة أهلاك عن كل سنة من قيمتها وقت تجديد البوليصة بمعنى أن ال 10% مش عن قيمة السيرة وقت الشراء ألا فى السنة الأولى

شكرا جزيلا يا باشا :)
والـ3.5% بعد ما بيدفعوا إذا أنا مااستفدتش بيهم خلال الـ12 شهر يبقى راحوا عليا مزبوط؟
حسبتها لاقيت 3.5% من 79500 = 2782.5 جنيه في أول سنة

حد مأمن تبع رينو- مصر للتأمين يا جماعة وفعلا استفاد منه ولا بلاش؟

المشاركة الأصلية كتبت بواسطة gebreel

هو مصر للتامين عاملة اتفاق مع رينو ان تبقى في بوليصة العميل يدفع نسبة تحمله و ياخد عربيته و مصر للتأمين تتعامل مع التوكيل في تحصيل الباقي

فيه اتفاق بينهم فعلا
العميل بيدفع 3.5% من قيمة العربية قبل ما تعلق نمر وقصاد كده لو العربية حصلها أي حاجة تكلفتها أقل من 10 آلاف التأمين بيتحمل 90% والعميل الـ10% الباقيين مباشرة،
لو لا قدر الله سرقة أو إتلاف كامل يبقى لازم محضر والتأمين بيتحمل 75% والعميل 25%
والتصليح بيتم في رينو العبور والمقطم
السؤال بقى هل فعلا التأمين بينفذ ولا كلام وساعة الجد يقول مليش دعوة؟

المشاركة الأصلية كتبت بواسطة m_medo

يا رب تستلم على خير

اللهم آمين وشكرا يا باشا :)

المشاركة الأصلية كتبت بواسطة ibrahimkais

ألف مبروك و إن شاء الله يتملك الإستلام على خير ... و إن شاء الله ربنا يعطيك خيرها و يكفيك شرها يا رب...
أنا حاجز من 13 /11 و سألت إمبارح على الإستلام قالولى على أخر شهر يناير الجاى ده..
إنت قالولك هاتستلم إمتى ؟؟ و حجزت فين يا باشا ؟؟؟ و قسط و لا إن شاء الله كاش ؟؟؟

اللهم آمين ربنا يكرمك وتستلم على خير وتفرح بيها :)
قالي هما بيكتبوا 3 شهور بس ممكن خلال شهر ونص أو اتنين
وحجزت في رينو الدقي