تحذير من توكيل ميتسوبيشى

**BASOOMVIP** · 25-12-2012 08:33 PM

من كام يوم حصل معايا موقف عاوز اقولكم عليه
البداية انى اشتريت عربية لانسر 2008 و بعد ما اشتريتها بحوالى اسبوع لاحظت صوت تكة عند كسر الدريكسيون فى الملفات فقولت اروح التوكيل اشوف ايه الموضوع فرحت مع واحد قريبى بعد ما فشل فى اقناعى ان التوكيل غاليين و عاوزين يعملو شغل و خلاص بس انا قولت التوكيل اكيد هيبقى احسن
المهم روحت هناك و طلبت معرفة التكلفة فى الاول قالولى بعد ساعتين و فعلاً رجعت بعد ساعتين و كانت نتيجة الكشف كالاتى : -
السيارة تحتاج الى
1 - عدد 2 مساعد امامى ( 2500 جنيه )
2 - طقم ميزان كامل ( 1320 جنيه )
3- عدد 2 تيش دريكسيون ( 880 جنيه )
4- عدد 2 جلب مقصات لمامى ( 270 جنيه )
5- بارات ميزان ( مش فاكر السعر )
و كانت كل الحاجات بالمصنعية بالضريبة 7550 جنيه
طبغاً انا اتصدمت و قولت والله مانا عامل خاجة و كمان انا مش حاسس باى حاجة فى العربية بخلاف صوت التكة دى و اكيد لو فى حاجة من دى كنت هحس بيها خصوصاً ان انا من النوع الحساس زيادة فى العربية
اول ما خرجنا قريبى قالى تعالى نروح عند المنيكانيكى الى يعرفه نشوف هيقول ايه و مش هنخسر حاجة و قعلاً روحنا و كانت المفاجأة ان العفشة كلها سليمة مفيهاش اى حاجة و قالى ان صوت التكة دا بيحصل فى اغلب اللانسر و راح جايب جلدين و حطهم بين السوست و قالى مش هتسمع الصوت تانى و فعلاً راح الصوت نهائىىىىىىىىىىىى
انا حبيت احكيلكم عشان فعلاً التوكيلات دى ناش عاوزة شغل و خلاص و اللى مش فاهم هيلبس هيلبس معاهم تخيلوا لو كنت عملت الحاجات دى كلها و برده الصوت كان هيفضل موجود . رنا يرحمنا من قلة الضمير فى البلد دى بس للامانة ممكن ييكون الفرع دا بس هو للى كدة لانى مجربتش غيره

**salah_86** · 25-12-2012 09:10 PM

ازيد على كلامك اعرف ميعاد صيانة عربيتك الدورية وهات قطع الغيار من التوكيل الاصلى او من برة اللى يريحك وتركبها عند ميكانيكى شاطر بس متركبش حاجات مضروبة والاصلى دايما فى حاجات معينة مطلوب زى سير الكاتينة
بس قولى انت روحت انهى توكيل دايموند ولا ايه بالضبط

**BASOOMVIP** · 25-12-2012 10:28 PM

المشاركة الأصلية كتبت بواسطة salah_86

ازيد على كلامك اعرف ميعاد صيانة عربيتك الدورية وهات قطع الغيار من التوكيل الاصلى او من برة اللى يريحك وتركبها عند ميكانيكى شاطر بس متركبش حاجات مضروبة والاصلى دايما فى حاجات معينة مطلوب زى سير الكاتينة
بس قولى انت روحت انهى توكيل دايموند ولا ايه بالضبط

شكراً على النصيحة انا فعلاً ناوى اعمل كدة بخصوص التوكيل هو احد مراكز الخدمة للرواس

**M_Marwan** · 25-12-2012 11:28 PM

يا ريت تقولى اى مركز خدمه عشان انا بعمل صيانتى هناك

**MR . Gold** · 25-12-2012 11:48 PM

ياباشا التوكيل معروف كلة اشتغالات وعلشان تعمل صيانة في التوكيل او تركب قطعة غيار معينة لازم تكون فاهم وتقولهم عايز اركب كذا فقط لاغير انما لو حسوا انك تاية ومش عارف هايشتغلوك صح .. وغير فرق الاسعار الكبير حالياً بين التوكيل ميتسوبيشي مصرية وتوكيل دايموند الجديد في اسعار قطع الغيار

**S O P H O S** · 26-12-2012 01:03 AM

مشكوررر يا باشا علي نقل التجربة ..

**BASOOMVIP** · 26-12-2012 03:09 AM

المشاركة الأصلية كتبت بواسطة m_marwan

يا ريت تقولى اى مركز خدمه عشان انا بعمل صيانتى هناك

هو مركز خدمة ميتسوبيشى فى المهندسين جنب مسرح البالون

**HaNo_ELBeh** · 26-12-2012 10:40 AM

المشاركة الأصلية كتبت بواسطة BASOOMVIP

هو مركز خدمة ميتسوبيشى فى المهندسين جنب مسرح البالون

دة مركز سيئ سيئ سيئ جدا فى الصيانه وعايز ضرب النار

حضرتك تجيب من عندة قطع الغيار الاصلية فقط وخلى بالك وانتا بتستلمها على ممكن تكون مفتوحة ومستعمله قبل كدة وحصلت معايا مرة

**szaalouk** · 27-12-2012 08:39 AM

لا حول ولا قوه الا باللههو لازم يعمل شغل و خلاص و يمص دمك لحد آخر علشان يطلع كسبانو مش مهم العميل تعبان في الفلوس دي ولا لأ و مش مهم ان كان محتاجها او بيته محتاجهالكن لازم يخوفك انك لو ما عملتش كده العربيه مش حاتمشي و ما تسواش 3 مليمحسبي الله و نعم الوكيل في قلله الضمير .