ويسترن يونيون no usd

**A.Saad** · 26-12-2012 12:30 PM

وصلت أزمة نقص الدولار من شركات الصرافة بوجه عام على مستوى محافظات الجمهورية، إلى شركات تحويل الأموال، والتى افتقرت إلى سيولة العملات من الدولار وتوفيرها إلى المواطنين، بسبب توقف ضخ الدولار من البنوك، وجاءت شركة ويسترن يونيون لتحويل الأموال فى مقدمة الشركات المتوقفة عن التحويل، لعدم القدرة على توفير الموارد المالية من العملات لعملائها.

وصرح مصدر مسئول بالشركة بأنه لا يوجد رصيد يكفى لحاجة المتعاملين فى أسواق المال، كما أن الشركة تعانى من توقف ضخ البنوك للمزيد من الأرصدة الدولارية للشركات، وهو ما أوقف أى تعاملات مع المواطنين.

وعلى جانب آخر قال محمد الأبيض، رئيس شعبة الصرافة فى الاتحاد العام للغرف التجارية، إن شركات الصرافة لم تعد تستطيع تلبية أى احتياجات من الدولار للمستهلكين؛ بسبب ندرته فى السوق المصرية، وتعذر البنوك فى توفير الكميات المطلوبة.

وأضاف الأبيض أن أسعار الدولار مستقرة عند آخر نقطة ارتفاع ليبلغ سعر البيع اليوم 6.19 جنيه، لافتا إلى استقرار سعر الريال السعودى عند 1.64 جنيه للبيع.

منقول

**Imhotep** · 26-12-2012 02:35 PM

اهم حاجة دور الناس اللى بتفهم عشان توعية الناس اللى مش بتفهم بخصوص الاهمية الخاصة للدولار اللى بتشترى بيه الدولة احتياجاتنا و خاصة استيراد الغذاء و بالتالى ميجيش جنبه من الافراد الا اللى محتاجه فعلا..... انا شخصيا بعمل موضوع التوعية ده فى الشغل و بين اهلى

**S O P H O S** · 26-12-2012 03:02 PM

ربنا يحسن الحال ..

**ahmedwagdy03** · 27-12-2012 08:35 AM

ناس كتير جدا من التجار بتشترى الدولار من الصرافة علشان تستورد سلع إستهلاكية من الصين و ده مش وقتها

**Imhotep** · 27-12-2012 10:17 AM

المشاركة الأصلية كتبت بواسطة ahmedwagdy03

ناس كتير جدا من التجار بتشترى الدولار من الصرافة علشان تستورد سلع إستهلاكية من الصين و ده مش وقتها

لو مغيروش اسلوبهم فى شراء كل و اى كلام فارغ من الصين.... بضايعهم هترطرط و هتبور.... و ساعتها لا يولومون الا انفسهم..... المفروض حاليا لا يتم استيراد الا السلع المهمة فقط لان الناس من نفسها هتبقى مجبرة انها ترشد استهلاكها

**NaderNabil** · 27-12-2012 10:21 AM

زميلة ليا عنده حساب بالدولار في مصر....إمبارح رفضوا تماماً يدوها أي مبلغ منه أو حتى يحولوا لأي حساب تاني بحجة انه معمول هولد على الدولار!

**egyptawy2010** · 27-12-2012 10:45 AM

المشاركة الأصلية كتبت بواسطة nadernabil

زميلة ليا عنده حساب بالدولار في مصر....إمبارح رفضوا تماماً يدوها أي مبلغ منه أو حتى يحولوا لأي حساب تاني بحجة انه معمول هولد على الدولار!

بنك ايه ده يافندم

**egyptiandiver** · 27-12-2012 10:51 AM

أنا امبارح ربنا وفقني و اشتريت الدولار على 6,1925 عشان الشركة عندي (شركة إستيراد). الاول حاولت أروح أكتر من شركة صرافة و يقولولي مفيش أو مفيش كفاية و واحد قلي بما معناه كل شركة صرافة هتروحهة هيقولك مفيش! أنا معايا المبلغ إلي إنت طلبه بس ب-6,25 - رحت البنك و الناس مشكورين ادوني المبلغ و ربنا يستر. أنا لو مكنتش محتاج المبلغ مكنتش اشتريت. الرجل في البنك قلي الدولار سعر بيتغير بتاع 3 مرت في إليوم الواحد.

**Land_Cruiser** · 27-12-2012 10:58 AM

فى كمان قرارات اقتصاديه طلعت جديده بخصوص العمله و اعتقد بقى فى حد أقصى للمبالغ اللى داخله لاى حساب و اللى خارجه منه مع تخفيض التصنيف الائتمانى لمصر اللى حصل و اكيد كل ده هيؤثر على توافر العملات الاجنبيه بشكل عام