الدنيا بره .. ايه الحجات اللى تعقد دى

**khaled sabry** · 31-12-2012 12:24 AM

اتفرجت على الفيديو ده
و ده عن امتحان فى سنه اولى هندسه فى جامعه توريندو (كندا)
https://www.youtube.com/watch?v=PWoBRVO9PDE
بعد ماشوفت الفيديو عجبنى الكونسيبت نفسه
مش عاوز احرق الفيديو لكن اللى بيعجبنى ان عندهم روح الابتكار و الدكاتره اصدقاء للطلبه و اهم حاجه هو تلقى المعلومه مش النجاح و السقوط
لكن عندنا دكاترة الجامعه غالبا بيبقو الهه بتسجد لها و تضرع من اجل ان يمن عليك بعلمه و بدرجات فى اخر السنه و اياك و غضبه و الا تبقى شيلت السنه يامعلم

**Khaled Online** · 31-12-2012 12:39 AM

lol! مشكور :)

**S O P H O S** · 31-12-2012 01:05 AM

فعلا برا ..

**د.أبونضال** · 31-12-2012 02:45 AM

تعليم محترم + طلاب محترمون+ أساتذة محترمون = دولة محترمة...
أنا دكتور في كلية نظرية ...بصراحة هناك طلاب لا يصلحون أصلا للدراسة في المرحلة الإعدادية وهناك أساتذة كذلك أيضا.

**kimokaim** · 31-12-2012 06:30 AM

هنا عندك الطلبة والدكاترة عايزين ضرب بالنار

**khaled sabry** · 31-12-2012 09:47 AM

المشاركة الأصلية كتبت بواسطة د.أبونضال

تعليم محترم + طلاب محترمون+ أساتذة محترمون = دولة محترمة...
أنا دكتور في كلية نظرية ...بصراحة هناك طلاب لا يصلحون أصلا للدراسة في المرحلة الإعدادية وهناك أساتذة كذلك أيضا.

الموضوع ان الثوابت اللى عندنا و عندهم مختلفه اصلا
يعنى انا ليا بنت عمى حاليا بتشتغل فى انجلترا و هى ام لودين
واحد منهم متفوق دراسيا و التانى عاوز يطلع زبال !!!!! ... مش بتريق هو عاوز يطلع زبال بجد
فهمت منها ان نظام التعليم هناك بيشوف الولد و يسأله انتا نفسك تطلع ايه و بناء عليه بيجهزو الولد للحاجه دى
مافيش بقى نظام ثانوى عام و الرعب المعتاد و السنه المصيريه و ان ممكن مستقبلك يروح لو حصالك حاجه و انتا رايح الامتحان و كده
و نظرا لأن مهنة الزبال عندهم مش عيب و فى نفس الوقت سهله فهو معجب بيها جدااا !
صحيح بره عندهم عيال مجرمين برضه بس المنظومه التعليميه كلها مختلفه
و دكتور الجامعه تحس انه زى اى مدرس عادى .. اللى شاف فيلم 88 mints حيفهم انا اقصد ايه
يعنى انا بصراحه لما شوفت الفيديو اول مره افتكرته طالب مشاغب و مستنى اشوف المراقب حيطرده ازاى

**zrzr1** · 31-12-2012 01:31 PM

يااااااه ياخي فكرتي بكليه تجاره جامعه المنصوره,,تيبكاال

**yousef1978** · 31-12-2012 02:42 PM

الرك كله ع الدكتور

هو اللي يقدر يسيطر ويطور أو يحاول يبقى دكتاتور وطور

أنا كنت درست حوالي سنة وشوية لطلاب هندسة الجامعة العمالية ببني سويف

الدكتور كان بيقولي اشرحلهم انت وبيكبر دماغه

لقيت نفسي قدامي 150 طالب أغلبهم أكبر مني في السن - أول حاجة بهدوء فصلت الأولاد عن البنات كل في ناحية

بعدين قلتلهم بلاش نظام التعليم الإلزامي انتوا كبار - اللي محتاج يحضر يحضر واللي مش مستفيد ما يتقيدش بغياب أو غيره - وروحت مقطع كل ورق الغياب قدامهم

كده اتخلصت من كل اللي هيعملي مشاكل ومش طالب تعليم

أحيانا في رمضان كنت بأستمر في الشرح لغاية بعد الفطار وأولاد وبنات موجودين مش عاوزين يمشوا وكل شوية اقولهم يا جماعة اللي متضايق يروح ما يضغطش على نفسه وهم بيرفضوا تماما

أحيانا كان البعض يطلع من المحاضرة علشان يطفي الكهرباء - أول مرة اتضايقت واتنرفزت - تاني وتالت مرة بقيت في لحظه أسيب المايك وأكمل وكأن ما فيش حاجة حصلت فعرفوا إن التصرفات دي مش هتعطلني

وفي الأول كان فيه ناس تيجي متأخرة وتخبط وتفضل تقاوح علشان يدخلوا - كنت بأرفض بعدين فتحت الباب الخلفي وقلتلهم اللي متأخر وعاوز يدخل ما بخبطش ويعطلنا بس يدخل من الخلف ويقعد ما يعملش دوشه واللي عاوز يمشي ما يستأذنش انتوا كبار واعتبروا نفسكم في مجلس علم وخليكوا براحتكم

حتى الإمتحانات كنت بأديهم المسائل وأقولهم تجيبوهالي محلولة بأي طريقة - بنفسك بخط غيرك يكشي تصور الحل من زميلك بس خلي بالك لو الحل طلع غلط هتاخد نفس درجته - وفعلا لقيت بعضهم جايبلي صورة من حل المسائل وكاتب عليها اسمه وصححتها واديته درجة

كانت أيام بقى - والعمر مش بيقف

.

**kono** · 31-12-2012 03:40 PM

جامد :)

**Dr. Elsaadani** · 01-01-2013 10:53 AM

مع الاعتذار لصاحب الموضوع وكل مع علق عليه:

الموضوع ببساطة ان فى الجامعة ديه كل سنة دراسية جديدة وقبل الدراسة بيومين عندهم زى تقليد غريب انهم بيعملوا امتحان وهمى للدارسين بالسنة الاولى فقط وبيتعمل قبل الدراسة بيومين

الموضوع كوميدى مش اكتر والامتحان وهمى وكل اللى مشرف عليه دول الطلبة بتوع السنوات النهائية اللى الطلبة الجداد ميعرفهمش

كل الموضوع ده بس علشان يكون زى مقلب فى الطلبة اللى بيسموهم "الدحيحة" علشان يوصلوا لهم رسالة ان الحياة سهلة وبسيطة والدراسة بتاعة الهندسة مش معقدة زى ما الجداد بيكونوا خايفين منها

انا استاذ مساعد فى احدى الجامعات واعرف عنهم الطرق الغريبة ديه لانى بحب اطبق فى شغلى اللى يصلح لبلدنا

يا ريت اكون وضحت ايه سر الفيديو الغريب ده للجميع

شكرا على الصبر فى قراءة ردى

سلامى للجميع

الموضوع: الدنيا بره .. ايه الحجات اللى تعقد دى

LinkBack

أدوات الموضوع

عرض

-

-

-

-

-

المواضيع المتشابهه

شوفو تعديلات الهوندا (حاجة تعقد)

hyundai مصممة تعقد الناس.... i40 و لا elantra 2012

حاجة تعقد بجد

حاجة تعقد فعلا ...

اغرب كوبري في العالم .. حاجة تعقد

الكلمات الدلالية لهذا الموضوع

المفضلات

المفضلات

ضوابط المشاركة