فرق السعر ما بين المصرية و دايموند

**kokyrawan** · 01-01-2013 12:45 PM

انا سالت على طقم الكاتينة عند المصرية و قالى (البلية + سير الكاتينة + سير الدنيامو + سير التكيف ) و سعرهم 840 جنية اتصلت بدايموند قالولى عندهم جرد و عطونى رقم سعودى جروب و كلمتهم و قالى
البلية 350
سير ب 250
سير 203
سير 126
الاجمالى 929 و نضيف 10 % ليصبح الاجمالى 1021 فية فرق سعر انا شايفة مش بسيط

السؤال هنا هل قطيع غيار المصرية اصلية و لا هما بيخرقوا الاسعار و لا اية لو حد عندة اى معلومة يا ريت يفيدنا

**MR . Gold** · 01-01-2013 03:21 PM

انا حصل معايا العكس انا سالت في مصرية علي فلتر الهواء لانسر بوما وسالت في دايموند لقيت فرق سعر في الفلتر يزيد عن 100 جنية زيادة في مصرية عن دايموند وحاجات كتيرة تانية كنت سالت عليها مجرد سؤال لقيت في فروق كبيرة في السعرانا الحقيقة شايف ان دايموند ارخص كتير في قطع الغيار

**spidars** · 01-01-2013 04:08 PM

دايموند ارخص في قطع الغيار واغلي في المصنعيات والعكس في المصريه

**salah_86** · 01-01-2013 04:19 PM

اعتقد دايموند ارخص علشان المصرية والرواس بيجيبوا قطع الغيار دلوقت من الخليج مش من اليابان مباشرة

**kokyrawan** · 01-01-2013 05:10 PM

يعنى اسال فى دايموند تانى مثلا و لا اعمل اية ما هو اللى واضح العكس

**MR . Gold** · 01-01-2013 08:47 PM

المشاركة الأصلية كتبت بواسطة kokyrawan

يعنى اسال فى دايموند تانى مثلا و لا اعمل اية ما هو اللى واضح العكس

اسال طبعا ً في دايموند وهاتلاقي ارخص بقولك سالت في مصرية علي فلتر الهواء 295 وسالت في دايموند لقيتة 186 طبعا فرق كبير

**salah_86** · 01-01-2013 09:19 PM

زى ما العضو قالك اسال واتاكد ورأيى كمان حاول ولو انك هتتعب شوية شوف انت عاوز قطعة ايه بالضبط يعنى مثلا مثلا لو انت عاوز فلتر زيت روح المصيلحى اللى هو فرع من فروع دايموند عند كوبرى قليوب وشوف الفلتر وعلبتة والسريال نمبر بتاعة وشوف تمنه كام وبعدين روح المصرية شوف الفلتر والسريال نمبر بتاعة على فكرة ممكن يكون اللى فى المصرية مش الاصلى ممكن يكون حاجة يابانى محترمة وزى ما عرفنا من فترة ان فى 3 انواع تيل فرامل كان بيستخدمهم التوكيل
وعن نفسى انا وقناعاتى لانى كنت بجيب دايما قطع الغيار من التوكيل واركبها برة
شوف ايه اللى المفروض فعلا يتجاب اصلى واية اللى ممكن تجيبة من برة من محل ثقة ويكون حاجة نضيفة محترمة ومش مضروبة خد بالك مش مضروبة
ولك حرية الإختيار

**Eng_hatemfathy** · 01-01-2013 09:30 PM

انا شايف ان تركيب الكاتينه فى المصرية افضل لان الخبرة مهمه جدا فى موضوع الكاتينه وده متوافر فى المصرية على مستوى الفنيين والمهندسين طبعا
دايموند هندهم مدير دعم فنى اسمه مهندس جون ممتاز ولكن كتير من الباقى مش قد كده

**مصراوي جدا** · 02-01-2013 02:54 PM

صنف فلتر هواء البومة بالتحديد سعره ارتفع جدا من اليابان اعتبارا من اول اكتوبر 2012 وبالتالي احنا في مصرية جبناه بعد التاريخ ده فاشتغلنا على السعر المرتفع انما ممكن تكون دايموند عندهم كمية قديمة منه فما زالوا شغالين بالسعر القديم انما بالتأكيد هيرفعوا سعره اول لما يخلص

اما عن باقي الأصناف فالموضوع المفروض متقارب ودايما كل واحد بيشوف اسعار باقي السوق الى حد ما لما بييجي يسعر اصنافه علشان يكون فيه منافسة لكن الفترة الحالية فيها تخبط شوية نتيجة ارتفاع سعر الدولار وده هيسبب ارتباك شوية في الأسعار ولخبطة الى حد ما

أما عن كون القطع اصلية فهي بالتأكيد في دايموند ومراكزه المعتمدة اصلية

وكذلك احنا ما زلنا ملتزمين تماما في مصرية اننا نشتغل فقط في قطع الغيار الأصلية زي ما كنا وكلاء بالظبط