الموضوع: عايز اغير امبات للوحة العدادت؟؟؟؟؟؟؟؟؟؟؟؟

المشاركة الأصلية كتبت بواسطة المنسي

لوحة العدادت عندى بقت شبه معتمة وعندى اللمبة بتاعة الهاند بريك مش بتنور وكام لمبة من اللى ضوئهم اخضر مبقوش ينورو فبفكر افك لوحة العدادت واجيب لمبات جديدة اركبها سؤالى بقه اللمبات دى الاقيها فين ؟؟؟؟؟؟؟؟؟؟؟ ومحدش يقترح عليا بالليدات اللى بتتحط على الباغة من برة لان شكلها مش هيبقي حلو

لا ياباشا ليدااات ايه

انا اعرف ان اللمبات دى موجوده فى شارع المرسيدس فى الحرفيين بس معرفش سعرهم كام لو تحب نروح عشان انا كمان عاوز اغير كام لمبه عشان العدادات مضلمه شويه برضه
وحد قالى ان هناك فيه منها اشكال والوان زى ما تحب

انا عندى لمبتين كنت فاككهم من اللوحه القديمه معايا عشان تجيب زيهم لو عاوز واحده برضه

حبيبى يا منسى

وده اقتباس من كلام الاستاذ صبحى فى موضوع العدادات

المهم لو كنت خلاص ناوى تغير انصحك بان لا تترك القديم للكهربائى احنفظ به فان اللمبة الأصلية فيه بتتباع ب 20 جنيه استغلال بقى ....

المشاركة الأصلية كتبت بواسطة hassancotton71

السلام عليكم احبائى من فضلكم ازاى يتم فك العدادات وبردةكيفيتم فك اللمبات وتركبها لان عندي نفس المشكلة وعايز اغير المبات وشكرا

بص هو الموضوع سها جدا انا كنت فاكره صعب بس الحمد غيرت لوحه العدادات بتاعتى بنفسى قبل كده

اولا --> هتفك وش التابلوه وتفك الفيش بتاعت الزراير (هتلاقى مسامرين عند زرار النور الواطى والعالى و مسمارين عند زرار الانتظار والشبوره ومسمار عند هوايه التكييف )

ثانيا --> هتفك الكابلات بتاعت لوحه العدادات (كابل ورا عداد البنزين وكابل ورا الاربى ام وواير السرعه ورا عداد السرعه وفى اخر كابل ورا عداد الحراره)

بكده العدادات بقت بره العربيه طلعها بقى كده ونضفها وهتلاقى اللمبات فى الظهر (حاجات زرقه كده صغيره هتفكها ببنسه او بايدك وتحط التانيه مكانها

انصحك ان يكون فى حاجه تجرب عليها اللمبه الاول قبل ما تركبها عشان انا ركبت من غير ما اجرب ولقيت لمبات مش شغاله

ولو احتجت اى حاجه انا تحت امرك ولو حصل نصيب وجبت لمبات جديده هكتب موضوع فى المنتدى عن تركيب العدادات واللمبات بالصور كمان