الموضوع: ليه اشتريت ال بى واى دى اف ثرى byd f3 2013 ؟

بحبكم كلكم








ميرسى خالص





بالنسبة للسؤال عن العربية ,, فالحمد لله ,, لم أندم عليها و أجدها أفضل منافسيها ,, اه صحيح نزلت عربيات جديده اليومين دول عن ما انا ااشتريتها ساعتها زى اللوجن الجديده الشيب الجديد مثلا و زى الاسبرانزا الانفى و لكن لا شىء يدعو للندم

اصلا مقتنى السيارت الصينية فى مصر يجب ان يكون ذو فكر و عقليه خاصه

يعنى مثلا لو أعطى ودنه لوسوسة المصريين مش مش حايجيب الصينى ,,, ده أصلا مش حيجيب عربيه من اساسه و حيقضيها تروماى

اه و الله

هو احنا كده مبنعرفش نعمل عربيه مصريه 100 % و نقعد نطلع عيوب فى عربيات خلق الله التنيين اللى بيعرفوا حتى الألمان و اليابان معتناهومش

و أنا ارى حقيقة (فتحتين على الته مربوطه) ان غالبيه االمصريين بيشتروا عربيات عشان : بين قوسين (الفشخرة و المنظرة و الوجاهه الإجتماعية) اقفل قوس ,, يعنى لو احنا كنا بنفكر بعمليه كنت حتلاقى تركيبة سوق السيارات اتغيرت تماما عن ما هى عليه الان

و بعدين اصلا احنا بطبعنا مهملين فى الصيانه و احم احم كمان لاموأخذه النظافه

محدش يزعل

فالواحد بقه تلاقيه بيفكر فى عربيه تستحمل كسله و قلة إهتمامه بها

و للأسف كمان تستحمل قله اهتمامه بنظافتها الداخليه و الخارجيه

فتلاقيه يقولك هات عربيه غامقه و تابلوها و فرشها غامق

يا باشا ,, و الله ممكن يكونوا وصلوا لده برده مش من فراغ يعنى

يعنى العربيه عندنا فى مصر لها استخدامات اخرى غير انها عربيه

ممكن تنفع كنبه انتريه (للغير طبعا )

ممكن تنفع كحيطه باركينج يسند عليها العجله ( أقصد صبى المكوجى و صبى توصيل الطلبت من السوبر ماركت)

تنفع برده يتلعب عليها لعبة اكس او ( طلبة المدارس و هما مروحين)

ممكن ترابيزة ( من أول اللى يسند عشان عايز يكتب لحد اللى شايل شوال و عايز يريح)

طبعا برده العربيه هى عامل مهم جدا للتنفيس النفسى ( حلوه ديه ) لطبقات الشعب السفلى لتفريغ كم الحقد عندهم و يرجع مبسوط انه فش حقده فى عربيتك بأى طريقة

ايه تانى .................................................. ...

اه نسيت اهم حاجه

العربيه تنفع برده قطع غيار اسبير بين قوسين ( ببلاش ) ,,, عادى خالص ,,, واحد معندوش بطارية ,,, مفيش مشكله ,,, يركن جنب عربيتك بعد نصف الليل يوم أجازه و الناس نايمه و يفك بطارييتك و يمشى


عاااااااااااااااااااادى جدااااااااااااااااااااااا ااا




و أخيرا ,, مش عارف ليه الكلاب الضاله (مشكلة الحكومة مش الأهالى) بتحب لامؤاخذه تعمل بى بى على كاوتش العربيه ,, يعنى زى ما تكون لقيت استخدام تانى للكاوتش انه يكون شجرة مثلا




مرحبا بكم فر أرض الكنانه أم الدنيا

المشاركة الأصلية كتبت بواسطة MOHAMED MOUSA

بس. انت برده يا استاذ احمد العربي. لسه ماجاوبتش... العربيه عامله معاك ف المشي.. وبعد ٣ سنوات... وهل من الممكن ان نشوف عربيتك...
اانا شايف ان الصاج ف ال 2015 قل كتير عن السنين السابقه.... وياريت لو حد هيستلم او استلم قريب يقولي.???

القول الفصل

السؤال عن العربية ده أنا اتسألته كتير جدا ,, على العام و على الخاص و فى المقابلات و هلم جره

و من كتر مانا اتسألته الحقيقه و من كتر مانا جاوبته ,, بقيت أكسل أجاوبه تانى

حط نفسك مطرحى معلش

أنا نفسى الناس بقه هى اللى ماتكسلش و ماتستسهلش و تقرأ مواضيعى هنا فل منتدى و تسألنى من حيث أنا انتهيت عشان المواضيع ماتبقاش مكرره و نفس الكلام تقريبا بيتقال فى كل شهر و فى كل سنه هو هو

و يا سيدى و لا تزعل ,, حاجاوبك برده ,, بس المهم انت عايز تسمع منى ايه و عايز تقتنع ب ايه ؟؟

خلى بالك ,, الجمله اللى فاتت ديه مهمه جدا ,, بمعنى انه أى عربيه حتلاقى ناس بتشتم فيها و ناس بتمدح فيها و ناس بتقولك اه دا فيها الحلو و فيها الوحش

و فل الاخر مش حتصدق غير اللى انت عايز تصدقه و مش حتقتنع غير باللى انت عايز تقتنع بيه و مش حتسمع غير اللى انت عايز تسمعه ,, هكذا هو الانسان

انا بقولك انها عربيه جيده نسبة إلى الفئه السعرية بتاعتها و منافسيها ,, تكيفها جيد ,, سحبها و تسارعها جيد ,, صالونها جيد ,, صيانتها سهله ,, انا ركب معايا واحد معاه بى ام دبليو الفئه الخامسه (إوعى) و أعجب بالعربيه و بأداءها و لكن طبعا عمره ما حيفكر يجيبها لأنها مش من مستواه

عيوبها فى ضعف مستوى الدهان و العمر الإفتراضى للدبرياج و ان شاء الله محلوله

بالنسبة لطلب رؤية العربيه ,,, اه طبعا ممكن و مش أول مره حد يطلب منى الطلب ده ,, انتظر معانا لحين تحديد موعد المقابله القادمه للقسم الصينى عشان نتقابل و تشوف العربيه و تحكم عل طبيعه و عل الدواق ,, زى ما حصل مع كتير قبلك قبل كدا.

انتظرونا ,,

أوعوا تغيروا المنتدى

فاصل إستراحى قصير .. و نجيب على تساؤلاتكم و كل إستفساراتكم بعد الفاصل بإذن الله

فإبقوا معنا

معتذ الدمرداش ............ يوه ,, قصدى احمد العربى

منتدى نايل موتورز