ليه اشتريت ال بى واى دى اف ثرى byd f3 2013 ؟

**يوسف الشهابى** · 22-12-2014 02:53 PM

المشاركة الأصلية كتبت بواسطة amrogamal

انا لسه عارف إمبارح من التوكيل إن المشكلة إتحلت في الجديد

ياريت فعلا تكون اتحلت ويارب ينزل الانتاج الجديد بقى
منتظر ظهور الانتاج الجديد بفارغ الصبر

**AmroGamal** · 23-12-2014 12:57 PM

المشاركة الأصلية كتبت بواسطة يوسف الشهابى

ياريت فعلا تكون اتحلت ويارب ينزل الانتاج الجديد بقى
منتظر ظهور الانتاج الجديد بفارغ الصبر

عندهم دلوقتي إف 3 مانيوال
بيقولو إل 3 مانيوال شهر يناير
إف 3 و إل 3 أتوماتيك شهر 2

**m.yehia** · 21-01-2015 01:29 PM

الموضوع هايل والكلام باستفاضه والتفاعل ممتاز ويارت المواضيع كلها كده واتمنى من صاحب الموضوع او الاعضاء الاعزاء التكرم بافادتى ببعض المعلومات لو تكرمتم
انا مقبل ان شاء الله على شراء byd f3 بس بصراحه انا قلقان من بعض النقاط ارجو منكم توضيبالنسبه للموتور الجديد والتجارب معاه وهل مشكلة التسقيف تؤثر على اداء الموتور وهل هى مشكلة مزمنه ولا يمكن حلها وبالنسبه لقطع غياره هل هى مرتفعه مثل الهوندا ولا معقوله وسمعت من سائق تاكسى ان بها مشكله بالرشاشات ولكن لم تظهر هذة المشكلة كثيرا ارجو منكلم الافاده ولكم جزيل الشكر والتقدير

**ahmedalian** · 24-01-2015 06:00 AM

انتا عاوز تنضرب .. ايه الكلام ده كله ده اكتر من اللي خدته في الجامعة
لا بجد شغل تمام يا هندسة الله ينور وفعلا اكدب عليك لو قلت لك اني قريت كل الموضوع لأنه دسم جدا، لكن مفيد جدا جدا جدا..

الف شكر يا باشا

**AMADO2015** · 21-02-2015 02:38 AM

بقالي 3 سعات بقرا الموضوع والساعه 3 صباحا ورايااااااااااااااااا شغل بكره

يلا الله يسامحك

بس موضوع لوز اللوز خالص

انا بفكر فيها جدا

**speroo2010** · 06-03-2015 02:32 AM

السلام عليكم , لو سمحت كنت عاوز اعرف السياره byd عامله ايه حاليا مع حضرتك بعد طول فتره الاستخدام لانى حاليا بفكر اشتريها , ياريت النصيحه :)

**miam0502788391** · 07-03-2015 09:10 PM

جزا الله خيرا صاحب الموضوع على الشرح والنصح والافادة بكل حيادية ودون تعصب
باالنسبة لمشكلة الدهان انا لى ملاحظة مستوى الدهان فى كل سيارات التجميع المصرى اقل من مثيله المستورد
الملاحظه اللى لاحظتها فى سيارات تجميع مصرى زى الاسبرانزا ,البى واى دى, الفيرنا ,اليمجراند حتى اللوجان التجميع المغربى تحس ان الدهان كالح شويه ولمعة الدهان مطفية ودرجة عمق اللمعان ضعيفه

**محمود العامري** · 10-07-2015 04:43 AM

مساء الخير يا أستاذ أحمد،
شكرا جداااااااااااااا على الموضوع أفادني كتير... حضرتك كتبت الموضوع الرائع ده تقريبا في 2013،
ممكن أعرف انطباعك عن السيارة الآن، ومقارنة باللوجان الشكل الجديد وكل حاجة بما في ذلك الأوبشنز والسعر؟
تحياتي لك

**abou_zead** · 04-08-2015 10:22 AM

جزاك الله خيرا علي قصة حياتك الممتعة ربنا يبارك لك فيها

هي عاملة ايه معاك الان

**ahmedselaraby** · 30-09-2015 04:24 AM

عربيتى قربت تقفل ال 20 الف كيلو و الحمد لله

عايز اعملها صيانة العشرين و شراء و عمل الاتى:

1- فلتر بنزين
2- فلتر هواء
3- بوجيهات جديدة
4- صيانة البطارية

حد عايز يزود حاجه انا نسيها فى صيانة العشرين ؟