الموضوع: ليه اشتريت ال بى واى دى اف ثرى byd f3 2013 ؟

في البداية أنا حتكلم من منطلق تجارب الأعضاء في القسم .. ومن خلال خبرتي في التعامل مع أكثر من توكيل

المشاركة الأصلية كتبت بواسطة ahmedselaraby

1- ابتدى احجز دور من امتى , يعنى استنى لما تبقى عملا الالف بالضبط و بعدين اكلمهم احجز ميعاد و لا اخليها بدرى شويه و لما مثلا اعمل 800 كم اكلمهم ؟

قبل الألف بشوية ابتدي أحجز .. وده بتحدده من خلال مشيك بالعربية أد أيه في اليوم .. لأن الحجز بيكون قبلها بيومين أو تلاتة .. ومعتقدتش أنك لو رحت بدري شوية عن الألف حيكون فيه مشكلة (900 : 950كم) .

2- لو رحت و لقو ان العربيه كاسره الالف كم هل الضمان بيروح و لا لحد كام كيلو متر يبقى شغال و مفيش مشكله عادى انا لسه فل ضمان ؟
لو كسرت الألف معتقدتش برضه حيكون فيه مشكلة .. بس ميكونش بشكل كبير علشان ميبقاش فيه ضرر على الموتور نفسه .

3- لما اكلمهم احجز او لما اروحلهم , هل اقولهم انى عضو فى نايل موتورز و لا لاء , يعنى هل هيهتموا بيا و يعملولى حساب و لا مش فارقه معاهم , ان شا الله حتى كنت بكتب فل الاهرام ذات نفسيها و لاااااااااا اى اندهاشه ؟

http://www.nilemotors.net/nile/307591-byd.html

4- طب لو مثلا قلتلهم يشيكو على مستوى زيت الفتيس و لو ناقص يزودوه , هل حيحسبونى على الكلام و لا ده تبع الضمان و لو مش تبع الضمان حيخدوا كام ؟
المفروض تبع الضمان .. لأن زيت الفتيس المفروض يكون مظبوط والعربية طالعة من المصنع .

5- هل لو قلتلهم يرجلشوا قفل الشنطه شويه عشان يبقى اسهل فل قفل , هل حيخدوا فلوس و لا ده عادى بيتعمل بلوشى ؟

بلوشي في الضمان

6- هل لو قلتلهم يعلوا الدبرياج سنه صغيره مش كتير , عشان انا كنت متعود فى عربيتى اللى قبل البى واى دى ان الدبرياج عالى و لأن دبرياج البى واى دى واطى جدا , يعنى لازم ادوس لحد الاخر خالص و لو رفعت رجلى سنه بسيطه الترس يعشق علطول و انا مش متعود فى سواقتى على كده (مسألة تعود) , فا حيخدوا اتعاب اد ايه , و هل تنصحونى اعلى الدبرياج احسن و لا اسيبه كده و اعود رجلى عليه و خلاص ؟
أي ملاحظات عاوزها بتكتبها في أمر الشغل .


7- انا سمعت ان الصنايعيه بيبقوا مشحمين و ايديهم كلها شحم و لما بيخدوا العربيه يسوقوها ايديهم بتطبع على كل حاجه بيمسكوها زى الدركسيون و الفتيس و الفرش و خلافه , فهل تنصحونى مثلا انى اكيس الفرش قبل ما اروح الوكيل و مثلا افرش ورق جرايد و كده و لا ايه , اصل انا خايف على الصالون , الصالون اصله لونه بيج و يبان فيه اى حاجه ؟
المفروض العربية بتتكيس قبل ما تدخل الصيانة وأكد على الموضوع ده قبل ما تدخل .

8- هل ممكن اخليهم يبوصوا على كاوتش الابواب لو محتاج اى تظبيط او لو محتاج يتعاد عل فينيش بتاعه و لا حينفضوا و محدش حيعبرنى ؟
أي ملاحظات عاوزها بتكتبها في أمر الشغل .. وراجع اللي كاتبه إذا كان أتعمل ولا لآه قبل ما تستلم العربية .

9- لو فيه صوت تكه بيظهر بعد ما اركن و بيتكرر كذا مره و العربيه راكنه بعد مشوار بالعربيه , هل اقولهم و لا اطنش , انا اصلا بسمع الصوت ده عادى فل العربيات بالذات بعد ما بتقف و تبطل الموتور , و اللى اعرفه انو احتمال كبير يكون صوت له علاقه بشدت فرملة اليد , يعنى ممكن تكون فيه حاجه مشدوده بزياده و عايزه تتهوى شويه , ايه رايكم , حد عنده خلفيه عن الموضوع ؟
الصوت ده في الغالب بيبقى صوت تريحات صادر من الشكمان نتيجة السخونة .. وأعتقد أنه عادي في كل العربيات .

أرجو من كان له تجربه عن ما يخص النقاط اللى انا سألت فيها ديه , لا يبخل عليا فل معلومه