الموضوع: الرجاء المشورة من اهل اسكندرية الكرام

قدر الله وما شاء فعل، معلش خدت العين.

زميلنا عمرو السيد كان واصفلي سمكري وبوهيجي ناحية ش عيسوي (عند مؤمن سيدي بشر) وش محمد نجيب، جربتهم في خبطة في الرفرف الخلفى والعربية طلعت زي الفابريكة، هو اليوهيجي ممكن يكون غالي سنه بس نظيف قوي. أنا معرفش حجم الخبطة عندك قد إيه بس أنا خبطتي إتكلفت ٥٠ سمكرة و٣٠٠ دوكو فرن بس خليتو لقطلي شوية خرابيش من الجراج ورشلي الباركينج سنسور (صحيح عايز أصوره وأعمله موضوع، دا أنا مركبو بنفسي ياجدعاااان ههههه). السمكري خلصها وأنا واقف (كانت مساحة صغيرة ومخادتش وقت)، البوهيجي روحتلو ٣ مرات كل مره أسيبلو العربية ساعتين ثلاثة، مرة معجن ومره بطن ومره رش. وممكن لو حابب تسبهاله يومين أو ثلاثة يخلصها.

من وصفك ممكن تكون خبطتك أشد من عندي شوية، فممكن تفرق شوية في التكلفة، عموما هما هيشوفو ويقدرو لك قبل ما يشتغلو.

لو يناسبك ممكن أوصفهولك فين بالضبط.