كده تبقى جابت جوتن وش سيلندر ولا لأ

**Heroeagle** · 03-01-2013 07:38 PM

من كام يووم بلاحظ بخره بيضه خارجه ومياه بتخرج من الشكمااان وببص على غطاء الزيت اللى فى الموتور

لقيت فىه طحينه بيضه كده.... مع العلم ان الريدياتير عندى فى مشكله تسريب العلبه بتاعه الريدياتير

مخرومه ده ممكن يكون السبب ان المياه بتنقص فهل المشكله دى بسبب الريدياتير ولا كده جابت جوان

وش سيلندر

**sakr_skoda** · 03-01-2013 08:03 PM

كدا جابت جوان وش سلندر للأسف............

بص بقا لما تيجى تروح للميكانيكى خليه يفك ليك وش السلندر وخده انتا بنفسك وروح المخرطة خليهم يكشفو عليه لو فيه تاكل روح زود الوش المونيم فى ورش مخصص لذالك وبعد كدا خلى المخرطة تمسحة على ابوه واشتير جوان دوبل نضيف والحجات التانية وروح لميكانيكى قولو ركب وادفع المصنعيه بكدة انتا حتعمل للعربية شغل مش ممكن حد يعمله والله دى تجربتى كنت بغير كل شهر جوان وش سلندر ودوخونى ولاكن فى النهايه اتعلمت انى اعمل حاجتى بنفسى فيها تعب شويه بس حتطلع شغل نضيف 100% وانا تحت امرك فى اى سؤال ....*

**sakr_skoda** · 03-01-2013 08:59 PM

المشاركة الأصلية كتبت بواسطة heroeagle

الف شكر لحضرتك بس انا عندى سؤال كماان هو لازم اغير الزيت والفيلتر بعد ماغير الجوان ولا لأ انا لسه مغيرهم من أسبوع

وسؤال كماان فين الاقى ورش تزويد الألومنيوم انا ساكن فى عين شمس

حبيبى دا انتا بعد متركب وش السلندر حتغير زيت موبيل الف وبينزل بعد 100 كيلو وبنسميه زيت تنظيف الدورة انما بالنسبة للفلتر فادا مش حتغيرة ....

ورش تزويد الالمونيوم تسال عنها بتاع المخرطة هما عارفين انا عنفسى الراجل بتاع المخرطة هوا اللى راح ورشة الالمونيوم وزود الوش واتحاسبنايميها دفعت تقريبا 40 جنية تزويد....*

**sakr_skoda** · 04-01-2013 09:04 AM

المشاركة الأصلية كتبت بواسطة heroeagle

طيب بخصوص الريدياتير حضرتك انا سألت انهارده فى أحمد عمر على الريدياتير بقول للراجل الريداتير الألومنيوم الصينى موجود قالى هو الصينى موجود بس ده كله حديد معادا الأنابيب الألومنيوم
سؤالى هوده ده الريدياتير اللى الناس هنا كلها بتقول عليه ولا
ادور فى حته تانيه ده كان عامل 200 جنيه

الريداتير الألمونيوم موجود فى كل مكان وسعرة يتراوح ما بين ال 175 جنية و 200 وكلنا هنا مركبينه بنفسنا روح لتاجر متخصص فى قطع غيار اسكودا قولو عاوز الريداتير الأمونيوم بتاع اسكودا حيجبهولك على طول....*

**المنسي** · 05-01-2013 09:39 AM

بما انك بتقول غطا الزيت عليه شبه طحينة عايز تكبس بنزين جامد على ار بى ام 5 مثلا وانزل بعدها بص على الشكمان وشوف المية اللى بتنزل منه اد ايه وعموما هيبان معاك فى السحب بتاع العربية هتعمل زى ما عم صبحى قاللك هتروح للميكانيكي هيحل الوش بس بالراحة علشان ميقطمش مسمار وهو بيحله لو الوش مش مقفع يبقي هيروح المخرطة يتظبط لو محتاج يتزود ويتقشط لو مقفع يبقي هتجيب واحد استيراد والميكانيكي بعد مايخلص ويقفل طبعا هيكون نزل الزيت القديم اللى باظ وتحط زيت 1000 كيلو وبعدها باسبوع هترجع للميكانيكي هيحرقلك على الوش وتغير زيت تانى بالنوع اللى انت بتستخدمه خلصت شغل الميكانيكى اول يوم هتطلع بعدها على بتاع الردياتيرات هيبصلك على الردياتير ويشوف حالته ايه لو هو الاصلى بتاع العربية فمن الافضل غيره وهات واحد صيني تمنه حاليا 140 او 150 جنيه بالكتير وده ممكن تنزل تجيبه من سيد صلاح فى وسط البلد + ترموستات فيات ايطالى 68/82 ودى تمنها 20 جنيه + مية خضرا ماركة iada اسبانى 35 جنيه ومصنعية 30 او 40 جنيه ويبقي كده الشغل تمام