مشكلة في جهاز dvd مخدع

**wisambasha** · 05-01-2013 10:31 PM

السلام عليكم
عندي جهاز dvd مخدع في السيارة وكان شغال بشكل سليم بقاله 5 شهور لكن من يومين بس اكتشفت فيه مشكلة اول مرة تظهر وهي انه بيكون شغال كويس (سواء بفلاشة او اسطوانة) وفجأة وبدون سابق انذار يروح فاصل باور لوحدة من غير ما حد يطفيه اوييجي جنبه!!!!

جربت اكتر من نوع اسطوانة سواء DVD او mp3 ده غير اني غيرت اكتر من فلاشة واكتر من فيلم او ملف علي الفلاشة وبرضه ما فيش فايدة ... يشتغل فترة (لدقائق) ساعات تطول او تقصر ثم يطفي لوحده ويفصل باور.

رحت عند المحل اللي ركبهولي (ادريان المهندسين) في شارع جامعة الدول فك الشاشة من الكرسي ودخلها للصيانة ورجع قاللي انا غيرت لك اي سي باور ب 8 رجل وبعد كدة ما فيش مشكلة في الجهاز. المهم ركب الجهاز وجربنا لقينا نفس المشكلة موجودة وما اتحلتش...
الصنايعي بيقوللي ان الفلاشة فيها مشكلة او الافلام هي اللي فيها مشكلة وده طبعا كلام مش سليم لاني عملت كل ما يمكن عمله من تغيير لاكتر من فلاشة واكتر من اسطوانة وما فيش اي تقدم والمشكلة هي هي ..

حسيت ان الصنايعي جاب اخرة ومش عارف يعمل حاجة تانية وهو قاللي كدة (انا مش عارف اعمل ايه تاني ومش قادر احط ايدي علي المشكلة) وطبعا الجهاز صيني بس والله تقفيله محترم ومش رخيص (الطقم مخدعين وكل مخدع بمشغل منفصل وريموت كنترول لكل واحد) كان سعر الطقم 1350 جنية انا اخدت فردة وصديق لي اخد التانية.

انا عاوز حد يقوللي هل يعرف اي مكان بيشتغل في اصلاح الحاجات دي وله جزيل الشكر.

**akmm** · 06-01-2013 09:08 AM

شوف توكيل كلاريون فى شارع احمد عرابى بالمهندسين وهو بيصلح كل الأنواع دى وبيدى ضمان على الإصلاح لمده 3 شهور تقريبا .

**wisambasha** · 06-01-2013 05:39 PM

كرا لرد حضرتك انا كلمتهم في التليفون وقالولي ان في انواع معينة بس بيشتغلوا فيها وعلي اساس كدة لازم يشوفوا الجهاز الاول قبل ما يقبلوه من عدمه ان شاء الله هروح لهم يوم الثلاثاء