انا بحاجة الى الالنتراوية (سحب الالنترا hd )

**mohammed adel** · 06-01-2013 01:44 AM

اولا السلام عليكم ورحمة الله وبركاته ثانيا انا اشتريت من 5 شهور النترا 2009 خليجى اوتوماتيك كاملة والعربية عاملة 95000 كم المهم انا بدأت الاحظ ان سحب العربية ضعف جداااا بعد ما كانت بتسحب زى الطيارة رغم بستعمل بنزين 90 او 92 دايما غير مرتين 80 لان ماكنش متوفر ال 92 او 90 وبتكسف اشد مع حد بالعربية لانى عارف اللى فيها رغم الاول كنت بسحب بيها حتى لو مع مرسيدس ما كنتش بخاف لكن دلوقتى رحم الله امرأ عرف قدر نفسه وكمان العربية بدأت تعمل اصوات من كل مكان لان الطريق هنا كله مطبات وطبعا انا ما اعرفش حاجة عن الصيانة وهى معايا من 5 اشهر بغير زيت الموتور ومن كام يوم غيرت زيت الفتيس وخلاص لا اكتر ولا اقل لانى انا من المنيا ومافيش حد بيفهم قوى فى الالنترا فياريت تنصحونى اعمل ايه وهل ممكن احل المشكلة بنفسي يعنى اشتري الحاجات اللى هتقولوا عليها وممكن اى ميكانيكى يركبها لو مافيش مشلك كبيرة إن شاء الله ياريت بس تقولوا لى اعمل ايه يا فطاحلة والف شكر ليكم جميعا

**drttemon** · 06-01-2013 03:08 AM

امشى على نفس الزيت اللى صاحبها كان ماشى عليه ممكن يقلل صوت الموتور شويه حصلت معايا :-)

**original** · 06-01-2013 06:21 AM

ركب قطع غيار أصلية وتغيير الزيوت بيبأا حسب مواصفات الكاتالوج وإنشاء الله تظبط معاك بس غير الآتى:
- فلتر هواء أصلى
- فلتر بنزين أصلى
- لو حالة الموتور كويسة إستعمل زيت تخليقى 10000 شل أو موبيل
- فلتر زيت أصلى
- طقم بوجيهات 1 شمعة أصلى
- زيت فتيس موبيل atf320 ومش atf220 أو شل بس نفس المواصفات d3 وعندى شك إن حضرتك استعملت حاجة تانية!!
- احتمال تحتاج تغير فلتر الفتيس!! بس خلليه فى الآخر

وطمننا..