الموضوع: طريقه تغيير لمبات الفوانيس الخلفيه للفليشيا

السلام عليكم ورحمة الله وبركاته

النهارده فى الجو الثلج ده افتكرت لمبه المرشيدر انها مش شغاله

نزلت ومكنتش اعرف الفانوس ازاى بيتفك عشان نغير اللمبات

وقلت اقول للناس هنا ازاى تغير لمبات الفانوس الخلفى عشان الناس كلها تستفيد

اولا --> نفتح شنطه العربيه

ثانيــا --> نيجى عند الفانوس من جوه وهنلاقى السلك الواصل للفانوس وفى 4 كلبسات كده ماسكه لوحه اللمبات 2 من فوق واتنين من تحت

ودى صوره الكلبسات اللى فوق



وفى كلبستين من تحت زيهم بالظبط



ودى صوره هتوضح اكتر الكلبسات دى بس بعد الفانوس ما اتفك



ثالثا --> طلع اللوحه دى هتلاقى اللمبات كلها فك اللمبه واشترى غيرها وركبها



رابعا --> ركب اللمبات وظبط كل حاجه وركب لوحه اللمبات فى الفانوس عن طريق الضغط

وكده غيرت لمبه من اللمبات اللى بايظه فى الفانوس الخلفى

وفعلا عندى لقيت لمبات المرشيدر مش سليمه وان شاء الله هنزل اشترى اتنين جداد واركبهم

المشاركة الأصلية كتبت بواسطة darehawk

الله ينور عليك شغال ممتاز ......طيب لو عاوز احط لمبات ليد بدل اللمبات القديمة في حاجة حتفرق يعني حنغير دويل ولا عادي اعتقد ممكن شكلهم يبقى احسن

اه طبعا الليدات بتكون شكلها اشيك بكتييير من اللمبات العاديه

ان ان شاء الله ناوى اعمل الاشارات ليدات ورا وقدام وافيم الاشارات اللى قدام وممكن الفوانيس اللى ورا كلها

اصل معايا ورق فاميه مش عارف اعمل بيه ايه

شكرا لرد حضرتك