أنصحوني في شراء سيارة مستعملة (فوكس، مونديو، فيكترا، ميجان،كيا،،، )

**dodz** · 06-01-2013 04:31 PM

أنا حالياً بدرس موضوع اني أشتري عربية مستعملة في حدود 45,000 وللأسف هو ده أكتر حاجة مكن ادفعها دلوقتي (أنا أصلاً مكنتش ناوي أعدي ال-40,000 بس لو في حاجة نضيفة جداً في حدود 45 مش مشكلة ). ومحتاج شوية مساعدة من أهل الخبرة والناس ال ليها تجارب في العربيات الادامي عشان ينصحوني بإيه عيوب ومزايا كل موديل من البفكر فيهم.

بعد ما دورت شوية في السوق وعلى ....... cars لقيت إن في الحدود دي مكن أجيب أي حاجة من الأتي :

Opel vectra 1995-2000
Opel Astra
Ford Mondeo 1997-2000
Ford Focus 2000-2002
Ford Escort 1997-2000 (أرخص بكتير من المونديو، دي هتبقى في حدود 35,000)
Renault Megan 2000
Kia Sephia 1999-2002
Kia Shuma 1999-2002
Kia Rio 1999-2002
Fiat Sienna 1999-2003
hyundai

طبعاً دي اختيارات كتير، أنا أولوياتي بالترتيب هي:
تكون عربية نضيفة، واعطالها في العادي قليلة
1600cc-2000cc ومكن تتحمل جري شوية
سهلة البيع أدام من غير ما أخسر كتير
قطع غيرها متوفرة
لها مكانيكية مش صعب اني الاقيهم
سعر قطع غيرها معقول

أن شخصياً مش مفضل اني اشتري Kia أو Hyundai (مع اني ديماً بسماع كلام كويس عن ال-kia shuma و-sephia) وأنا ادمي مكن أجيب Renault، Opel، و-Ford. وهما معروفين إن عمرهم أطول وأحسن كعربيات وطبعاً كل ده متوقف عل حالة.

ال-Ford Mondeo عجباني جداً بس سامع إن قطع غيرها مش متوفرة وأغلى من الباقي ومش كتير بيعرف يصلحوها ولوين من بعد ما بصيت هنا فل منتدى مش شايف قطع غيرها انها غالية بس مش عارف متوفرة فين. فأنا شايف إن أحسن اختيارات عندي هما ال- 1600cc-2000cc) Opel Vectra) وال-Ford Mondeo وال-Megan (بس أسمع إن فيها مشاكل كتير في الكهربا وبردو مش ناس كتير بتعرف تتعامل معها).

أرجوكم ساعدوني بخبرتكم مع العربيات دي، إيه عيوبها وإيه مزاياها، التوكيل عامل ازاي لو حبيت اتعامل معاه، قطع الغيار متوفرة ولا لأ، مين المكانيكية ال اتعامل معها

أنا العربية هستخدمهة في مشاوير طويلة عشان شغلي بيخليني اتحرك كتير وبروح أماكن زي 6 أكتوبر والعبور والحرفيين كتير وفي الفترة الجاية في إحتمال أسافر أحياناً برة القاهرة وعشان كدا مش عايز عربية تعطل كتير وملاقيش حد يصلحها ومعرفش اشتري قطع غيار

وشكراً مقدماً ليكم .

**mem** · 06-01-2013 04:49 PM

انا عامل موضوع زى حضرتك بردك عايز فى نفس الفئه السعريه ده
والموضوع الرابط بتاعه http://www.nilemotors.net/Nile/326962-40-45-a-2.html
بالنسبه للاوبل خبرتى فيها هى عربيه فوق الممتازه انا معايا ال 94 وحماله قسيه ومشاوير زى ما نت عايز وسفر وطرق مكسره شغاله وجرى تمام وقعده مريحه جوا العربيه
بس مشكلتها قطع غيارها غاليه ومش اى حد يصلحها لازم يكون متخصص فى اوبل فعربيه اى حاجه بتعملها فيها مكلفه بس على الطريق ممتازه ممتازه فلك حريه الاختيار بالنسبه ليها

**Sehsss** · 06-01-2013 05:18 PM

لو لقيت ميجان نضيفة توكل على الله، بس ما أظنش السعر ده هايجيبها لازم تزود 10 آلاف

**dodz** · 06-01-2013 06:06 PM

أنا نسيت بردو في Citroen C3 موديل 2000 وأنت طلع موجودة ف نفس رنج السعر ده، أي حد جرب العربية دي؟

**dodz** · 06-01-2013 09:01 PM

المشاركة الأصلية كتبت بواسطة Sehsss

لو لقيت ميجان نضيفة توكل على الله، بس ما أظنش السعر ده هايجيبها لازم تزود 10 آلاف

اشمعنى ال-Megan ؟

**start_wow** · 07-01-2013 05:14 PM

الافضل انك ممكن تسأل في الاقسام بتاعة الموديلات اللي حضرتك ذكرتها يعني هما اكيد هيكونوا عندهم خلفية اكتر عن الموديلات دي وقطع غيارها واسعارها..انا افضل الكيا شوما والكيا سفيا والهيونداي كمان لانهم متداولين اكتر وقطع غيارهم في كل مكان وناس كتير بتفهم فيها كميكانيكا وكهرباء بالاضافة الي ان سعر اعادة بيعهم مش هيخسرك كتير زي باقي الموديلات..بالرغم من الموديلات اللي حضرتك قلتها موديلات عالية ومحترمة كاسماء شركات سيارات ولكن السوق هنا بيفضل الكوري والياباني وبيحافظ علي اعادة سعر بيهم..

**mem** · 08-01-2013 01:01 AM

المشاركة الأصلية كتبت بواسطة dodz

أيوا يا فندم أنا فعلاً شف الموضوع بتاع حضرتك وأنا بدور بس أنا حبيت أخد رئي الناس في الموديلات ال أنا ببص عليها دي بذات ال-ford او ال-opel حسيت المضوع بتاع حضرتك عام شوية.

أنا هخش اكتب لست العربية دي في الرابط بتاع حضرتك يمكن حد يفدنا احنا الاتنين.

طب وبنسبة لل-opel بتعت حضرتك اه نظام اعطالها، وبتصلحها فين وأروح لمين لو جبتها وقطع الغيار متوفرة فين و في رنج كام مثلاً الحاجات العامة ولو عزت إصلح فيها حاجة بسيطة هتكلف حوالي كام؟

فعلا انا حبيت اسيب الموضوع مفتوح لاعرف جميع الموديلات فى الفئه السعريه ده وبعدين
اقرر الموديل اللى خلاص الاقيه متوافق مع متطلباتى فحبيت اخد خبره جميع الاعضاء
وكويس يبقى الموضوع عندك وعندى
وبالنسبه للاوبل كان حصل من فتره مشكله فى الكمبيوتر وجبت واحد استيراد ده كانت اكبر مشكله
وكان عندى مشكله فى الفتيس وجبت واحد استيراد لان كتيير نصحنى بلاش تصلح الفتيس
الاوتوماتيك لانه مش ها يرجع زى مكان وغيرته بس الفتيس ده باظ بسببى انا لانى ما كنتش بغيير الزيت بتاعه فباظ بسبب كده وكله قال التصليح مش ها يفيد ومش هيرج زى الاول واى شغل بعمله
ليها فى صقر قريش فى مركز متخصص للاوبل بجميع موديلتها
الكمبيوتر كان سعره 1000 وحاجه بس مش فاكر كام بالضبط لانه كان من فتره
الفتيس كنت جايبه 4500 من 3 شهور
لكن اللى بتصرفه فيها بتنساه فتره كبيره لكن مكلفه هو ده عيبها بس للاسف
لكن عربيه محترمه جدا وحماله قسيه

**dodz** · 09-01-2013 02:31 AM

أنا بعد ما سألت كذا واحد أعرفه وهنا فل منتدى بدأت أحس إن ال-Opel القديمة صعب تبقى كويسة وهي فعلاً يا تصيب يا تخيب، و-2 أصحابي كنت عندهم العربية قالولي لو فتحت بوقها معاك مش هتخلص. فبدأت اصرف نظر عنها، لسة محدش قلي حاجة عن ال-Ford Mondeo بس هي عيبها إن وكيلها لسة جديد فمعرفش هيبقى عندو كل قطع غيرها ولا لأ بذات ان هي موديل بقالو 12 سنة

**تامر.محمد** · 09-01-2013 02:52 AM

بالنسبة لطلباتك دي فكأنك بتتكلم عالنوبيرا بالظبط خصوصا لو مانيوال

بتاعة جري , قليلة الاعطال , اعادة بيعها كويسة جدا , سهل تلاقي حد يشتغل فيها , قطع غيارها متوفرة