بخصوص ال phoenix 200 cc !!

**يوسف 017** · 06-01-2013 09:38 PM

السلام عليكم ورحمه الله وبركاته

انا يا جماعه موضوع انهارده بخصوص المكنه الريس الصينى
PHOENIX 200 CC

انا شوفت المكنه ديه وانا بدور وكده وشكلها تحفففففففففففه طبعا وسعرها كويس اوى اوى اوى وانا اصلا كنت بدور على مكنه ولو تشبهه الريس او انها تكون نضيفه وبس
وديه طبعا جميله وشكلها تحفه وفرحت لما شوفتها اوى والله وقولت اجيبها لما تكون ب 6000 او 7000
كويسه
وديه صورها

شكلها بجد ولا اروع والله وشوفت ليها فيديو كمان صغيره وحلوه كده المهم انا مركبتش فى حياتى انا 19 سنه متعلم سواقه من 2007 يعنى 5 سنين بس كل ده كنت بسوق مكنه والدى صينى التفاحه ومسوقتش غيرها اصلا
وبابا قالى اجبلك واحده وكده تفاحه برده علشان هو محافظ عليها الحمد لله معاه بقالها 5 سنين اهو زى الفل والله لان بابا هاددددددددددددددى فى سواقته وانا زيه اووووووووى بالظبط
يعنى المكنه مش هرفع حصان وامريكانى وكده لا هروح المعهد وهاجى من المعهد لو مخنوق انزل اتمشى شويه بليل بيها وبس كده وبكون هادى فى سواقتى خالص والله من ساعت ما اتعلمت مش بجرى ابدا ابدا
فديه هتنفعنى بالله عليكم محتاج مواصفاتها وكل حاجه عنها سعرها والاقيها فين وكل حاجه عنها الله يكرمكم بسرعه بسرعه والنبى وشكرا واسف على الاطاله

**Adel.Nasr** · 06-01-2013 10:10 PM

خلي بالك محدش بيشكر فيها خالص انا كنت بدور على النوع دا من حوالي 3 سنين لدرجة اني وصلت معايا كان في واحد صاحبي تاجر بيروح الصين وكا هيشحنها مع الكونتينر بس الحمد لله اني مجبتهاش لان في ناس كتير اعرفها جبتها و طلعت مكنه ضعيفه وبتضرب جوان وش السلندر ودا على كلامهم و اللي اعرفه 2 من اصحابي جابوها وبعوها بعدها بشهرين ف خلي بالك لو عايز حاجه نضيفه عندك البجاج 180 و 200 و 220 شوف صورهم هيعجبوك وانا معايا ال220 لو عايز تستفسر عنها

**يوسف 017** · 07-01-2013 01:26 AM

انا بصراحه عجبانى ديه اوى معلش بس قولى بتتباع فين انا عايز حاجه تكون شكلها شيك وديه مفيش اشيك منها وزى منا كاتب فوق يا استاذى انا مش بحرق مكن انا بكون هادى خااااااااااااالص كلمه خالص اللى هو بارد فهمنى بارد بمعنى الكلمه يعنى مش هجيب 160 ولا معرفش ايه لا حجات بسيطه اخرى 80 مثلا ده لو مسافر كمان قولى بس بتتباع فين والدنيا عامله ازاى وبرده قولى عند ال 220 ولو فى حاج هتانيه شكلها حلو قولى برده انا محتاج اكبر قدر ممكن بس ياريت بالصور وانا عارف انى هتعبك بس ربنا يكرم اصلك ويسعدك

**يوسف 017** · 07-01-2013 03:54 AM

???????

**abuelhoda** · 07-01-2013 12:32 PM

لو عرفت مكانها فين لو سمحت رد عليا وى اولى علشان انا بردوا محتاج اشتريها شكراا

**ztx** · 07-01-2013 01:35 PM

سيبك منها مكنة زبالة بكل المقايس

ولا تنخدع بالصور والمظاهر لانها علي ارض الواقع مكنة واطية وصغيرة وصوتها غبي

**abuelhoda** · 07-01-2013 01:48 PM

ههههههه ايه انت جربتها ؟؟ لقتها فين فى مصر وى بكام علشان اكون عارف

**ztx** · 07-01-2013 03:08 PM

المشاركة الأصلية كتبت بواسطة abuelhoda

ههههههه ايه انت جربتها ؟؟ لقتها فين فى مصر وى بكام علشان اكون عارف

مش بمصر انا شفتها وما حدش بيقرب عنها لانها اثبتت فشلها

موقعها بمصر معرفش فين .

**Adel.Nasr** · 07-01-2013 03:57 PM

المشاركة الأصلية كتبت بواسطة يوسف 017

انا بصراحه عجبانى ديه اوى معلش بس قولى بتتباع فين انا عايز حاجه تكون شكلها شيك وديه مفيش اشيك منها وزى منا كاتب فوق يا استاذى انا مش بحرق مكن انا بكون هادى خااااااااااااالص كلمه خالص اللى هو بارد فهمنى بارد بمعنى الكلمه يعنى مش هجيب 160 ولا معرفش ايه لا حجات بسيطه اخرى 80 مثلا ده لو مسافر كمان قولى بس بتتباع فين والدنيا عامله ازاى وبرده قولى عند ال 220 ولو فى حاج هتانيه شكلها حلو قولى برده انا محتاج اكبر قدر ممكن بس ياريت بالصور وانا عارف انى هتعبك بس ربنا يكرم اصلك ويسعدك

حاليا معرفش مكانها فين لان كل التجار بيشتغلوا في الانواع المعروفه اللي اعرفه من فتره كانت في طنطا عند معرض صاحبه اسمه ايمن راضي بس مش متأكد اوي لانها كانت من 4 سنين تقريبا