الموضوع: فيتيس DSG فى الاوكتافيا الجديدة ارجو التعليق للخبرا منقول من الاستاذ mohammedrefaat

المشاركة الأصلية كتبت بواسطة mo7a_mo7a

السلام عليكم جميعاً


اسمحولي اعرض بعض الحقائق

موديل اكتافيا الجديد والمعروف لدي البعض A7 حينزل اوروبا شهر فبراير 2013 ومخطط ينزل جنوب افريقيا والهند وبعض الدول الاخرى اخر السنة (أكتوبر 2013) فكراي شخصي معتقدش انه يلحق يجي مصر في ابريل والا كان نزل الخليج قبلنا ... ولا ايه؟؟ وابقوا افتكروني


ثانيا الموديل الجديد حيبقي عليه 4 مواتير 2 بنزين و 2 سولار (ديزل) طبعا اللي يهمنا البنزين.
الاول TSI 1.4L وده حيبقي 122 حصان علي 5000 دورة في الدقيقة وعزمع 200 نيوتن متر في مدى 1500 الي 4000 دورة في الدقيقة وكود الموتور هو CAXA وهو ده اللي بينزل في الجيتا والباسات والسوبيرب واليتي الجديدة وده الموتور الاقتصادي لفولكس فاجن اللي ماشي في المنطقة بتاعتنا ومفيش تراجع عنه ابداً

الموتور الثاني حيكون TSI 1.8L وده حيبقي 160 حصان علي 5000 دورة في الدقيقة وعزمع 250 نيوتن متر في مدى 1500 الي 4000 دورة في الدقيقة وكود الموتور هو BZB وده حيكون غالي جدا ومعتقدش حينزلوه

اما الفيتيس حيكون للعربية الاختيار بين المانيوال والاوتوماتيك DSG واي حد يقولك كاني ماني اتعدل اتلون اتشقلب متصدقهوش هو هو الفيتيس هي هي الحياه وفولكس لسة مغيرتش الفيتيس والمشاكل اللي بتقابل الناس هنا في مصر منه اعتقد انها لها علاقة بظروف التشغيل في المقام الاول

ثالثاً اعتقد ان مصر خلال النصف الاول من السنة حتستقبل ضيف جديد من سكودا وهي رابيد وحتحل محل الاكتافيا الي حين نزولها وهي نسخة اصغر من الاكتافيا زي الفرق بين الجيتا والباسات كده


اخيراً الراجل اللي قالك انه سافر كرواتيا ده انا مستغرب منه لان حفل اطلاق اتافيا الجديدة كان في جمهورية التشيك

2013 Skoda Octavia - YouTube

كلام موضوعى مرتب تحياتى وتقديرى

الراجل بتاع كرواتيا رمز مصرى اصيل للفشر والفتى هههههههه

بس بالمناسبه هيا الرابيد حتنزل بنفس الفتيس dsg ؟؟

المشاركة الأصلية كتبت بواسطة mohammedrefaat

السلام عليكم و رحمة الله و بركاته

انا بصراحة عجبانى الرد التفصيلى للمواتير اللى منزلاها شركة سكودا و المعروضه هنا
بس هو فعلا الراجل قاللى الكلام ده و لما كلمت المهنس حسين مسئول المبيعات فى ارتوك اوتو اكدلى الكلام ده
معلش انا ممكن اكون مش فاهم اوى بس انا لقيت نفس المعلومه هنا فى المنتدى و اللينك اهو :-
صور وموصفات سكودا اوكتافيا 2013 الجديده كلياً


هاتلاقى ان الموتور اللى هاينزل ان شاء الله موتور مش تيربو هايبقى موتورTDI 1600cc

و كمان لو اى حد دخل على الموق الرسى لسكودا هايلاقى نفس الكلام
ŠKODA AUTO - ŠKODA

و اعذرونى تانى مره لجهلى و قلة خبرتى

و يا ريت لو حد يعرف هى سكودا هاتشارك فى معرض السيارات اللى هايبقى يوم 18 يناير ياريت يقولنا

فعلا اللى مكتوب فى الموقع الرسمى الموتورين اللى ذكرتهم .
لكن اعتقد ان احد الاخوه كان منزل فيديو الاعلان عن العربيه و كان فيه موتورين 1400 و 1200 و الاتنين TSi يعنى لازم الفتيس dsg مع استبعاد نزول الموتور 1800 و هو TSi برده لكبر السعه اللتريه و استبعاد الموتور 1600 TDi عشان سولار و الله اعلم .