فيتيس DSG فى الاوكتافيا الجديدة ارجو التعليق للخبرا منقول من الاستاذ mohammedrefaat

**ahmadm** · 07-01-2013 03:53 PM

منقول من الاستاذ mohammedrefaat

ياجماعه انا اتصلت انهارده بالتليفون بمركز الاقصى للسيارات و رد عليا المهندس المسئول عن المبيعات و التسويق و سالته عن الفانتازيا الشكل الجديد و قاللى
الشكل الجديد هاينزل لى شهر 4 ان شاء الله و هايبقى احلى من الموجود حاليا امكانيات و شكل
قاللى ن الناس خايفه من الشكل الجديد من حيث الموتور و الفتيس و قاللى ان اللى هاينزل هينزل موتور 1600 cc زى الموجود حاليا بس هايبقى 126 حصان مش 102 بس الفتيس هايبقى DSG فوضحتله ان المشكله فى الفتيس بالنسبه ليا او لاى حد بيشتريها دلوقت قاللى ماتخافش انا روحت كرواتيا و حضرت الندوه الافتتاحية عن العربيتين الاوكتافيا و الرابيد و قاللى انهم فى سكودا غيروا وحدة الميكاترونيك اللى كان فيها المشاكل كلها و انها هاتبقى حاجه تانى غير الموجوده حاليا و انه هاينزل دعايه كبيره فى التليفزيون و الجرائد على العربيه و على الفتيس تحديدا قبل شهر من نزول العربيه علشان تطمن الناس و طلبت رايه اذا كنت اشترى الشكل الموجود حاليا ولا اللى لسه هاينزل نصحنى و قاللى استنى اللى لسه هاينزل لانه افضل بكتير و اكدت له على موضوع الفتيس قاللى المشكله بتاعته اتحلت و مش هايبقى فيه مشاكل ان شاء الله

لو عاوزين الموبايل بتاع المهندس اللى كلمته 01111405040 للى يحب يتصل و يعرف اكتر و الراجل الصراحة قمة فى الاحترام

**Moratoz** · 07-01-2013 04:52 PM

هو لو أنتا رحت تشتري فولكس جديد أكيد هيقولو نفس الكلام لأن التكنولوجيا المستخدمه هي تكنولوجيا فولكس فأكيد لو وصلوا لحل كانت عربيتهم اول ما تستخدم الحل
دا شغل دعايا وتشويق ممكن الموتور يكون اتعدل بس هما جابوا موتور إيه لأن موتور الأوكتافيا هو موتور الجيتا

**hany63** · 07-01-2013 10:33 PM

الفتيس في احسن احواله هيحتاج الكلتش كيت في متوسط ٢٥ الف عشان ظروف الزحمه و لسه واحد زميلي مغيره في باسات الشكل الجديد ٢٠١٢ بكرر ٢٠١٢
الاول كانت مشاكل ميكاترونيك و تعديلات سوفت وير و تم تعديل تصميم الكلاتشات هنفترض ان كله تمام و الدنيا بيس
مين هيستحمل يكع ١٢ الف جنيه كل سنه و كام شهر في طقم الكلتش
وايه اللي يضمن ان العربيه ترجع زي ماكانت

**Moratoz** · 07-01-2013 10:44 PM

هوا دا ئل انا بقوله لو حلو المشكله كانت فولكس حلتها في عربياتها الموجودة وئل بتتصلح علي حساب التوكيل الاول مش في موديل لسنه منزلش

**EngAhmedSayed** · 07-01-2013 10:56 PM

مشاركه رائعه منك
و تجوب فى استفسار عن المشكله اكثر من رائع
و كتبة لينا فى القسم و شرح الموضوع لينا
فعلا تستحق فى شكر و عن جداره
تحياتى ليك و بالتوفيق فى حياتك

**mo7a_mo7a** · 07-01-2013 11:31 PM

السلام عليكم جميعاً

اسمحولي اعرض بعض الحقائق

موديل اكتافيا الجديد والمعروف لدي البعض A7 حينزل اوروبا شهر فبراير 2013 ومخطط ينزل جنوب افريقيا والهند وبعض الدول الاخرى اخر السنة (أكتوبر 2013) فكراي شخصي معتقدش انه يلحق يجي مصر في ابريل والا كان نزل الخليج قبلنا ... ولا ايه؟؟ وابقوا افتكروني

ثانيا الموديل الجديد حيبقي عليه 4 مواتير 2 بنزين و 2 سولار (ديزل) طبعا اللي يهمنا البنزين.
الاول TSI 1.4L وده حيبقي 122 حصان علي 5000 دورة في الدقيقة وعزمع 200 نيوتن متر في مدى 1500 الي 4000 دورة في الدقيقة وكود الموتور هو CAXA وهو ده اللي بينزل في الجيتا والباسات والسوبيرب واليتي الجديدة وده الموتور الاقتصادي لفولكس فاجن اللي ماشي في المنطقة بتاعتنا ومفيش تراجع عنه ابداً

الموتور الثاني حيكون TSI 1.8L وده حيبقي 160 حصان علي 5000 دورة في الدقيقة وعزمع 250 نيوتن متر في مدى 1500 الي 4000 دورة في الدقيقة وكود الموتور هو BZB وده حيكون غالي جدا ومعتقدش حينزلوه

اما الفيتيس حيكون للعربية الاختيار بين المانيوال والاوتوماتيك DSG واي حد يقولك كاني ماني اتعدل اتلون اتشقلب متصدقهوش هو هو الفيتيس هي هي الحياه وفولكس لسة مغيرتش الفيتيس والمشاكل اللي بتقابل الناس هنا في مصر منه اعتقد انها لها علاقة بظروف التشغيل في المقام الاول

ثالثاً اعتقد ان مصر خلال النصف الاول من السنة حتستقبل ضيف جديد من سكودا وهي رابيد وحتحل محل الاكتافيا الي حين نزولها وهي نسخة اصغر من الاكتافيا زي الفرق بين الجيتا والباسات كده

اخيراً الراجل اللي قالك انه سافر كرواتيا ده انا مستغرب منه لان حفل اطلاق اتافيا الجديدة كان في جمهورية التشيك

2013 Skoda Octavia - YouTube

**طارق _عبد السلام** · 07-01-2013 11:42 PM

المشاركة الأصلية كتبت بواسطة mo7a_mo7a

السلام عليكم جميعاً

اسمحولي اعرض بعض الحقائق

موديل اكتافيا الجديد والمعروف لدي البعض a7 حينزل اوروبا شهر فبراير 2013 ومخطط ينزل جنوب افريقيا والهند وبعض الدول الاخرى اخر السنة (أكتوبر 2013) فكراي شخصي معتقدش انه يلحق يجي مصر في ابريل والا كان نزل الخليج قبلنا ... ولا ايه؟؟ وابقوا افتكروني

ثانيا الموديل الجديد حيبقي عليه 4 مواتير 2 بنزين و 2 سولار (ديزل) طبعا اللي يهمنا البنزين.
الاول tsi 1.4l وده حيبقي 122 حصان علي 5000 دورة في الدقيقة وعزمع 200 نيوتن متر في مدى 1500 الي 4000 دورة في الدقيقة وكود الموتور هو caxa وهو ده اللي بينزل في الجيتا والباسات والسوبيرب واليتي الجديدة وده الموتور الاقتصادي لفولكس فاجن اللي ماشي في المنطقة بتاعتنا ومفيش تراجع عنه ابداً

الموتور الثاني حيكون tsi 1.8l وده حيبقي 160 حصان علي 5000 دورة في الدقيقة وعزمع 250 نيوتن متر في مدى 1500 الي 4000 دورة في الدقيقة وكود الموتور هو bzb وده حيكون غالي جدا ومعتقدش حينزلوه

اما الفيتيس حيكون للعربية الاختيار بين المانيوال والاوتوماتيك dsg واي حد يقولك كاني ماني اتعدل اتلون اتشقلب متصدقهوش هو هو الفيتيس هي هي الحياه وفولكس لسة مغيرتش الفيتيس والمشاكل اللي بتقابل الناس هنا في مصر منه اعتقد انها لها علاقة بظروف التشغيل في المقام الاول

ثالثاً اعتقد ان مصر خلال النصف الاول من السنة حتستقبل ضيف جديد من سكودا وهي رابيد وحتحل محل الاكتافيا الي حين نزولها وهي نسخة اصغر من الاكتافيا زي الفرق بين الجيتا والباسات كده

اخيراً الراجل اللي قالك انه سافر كرواتيا ده انا مستغرب منه لان حفل اطلاق اتافيا الجديدة كان في جمهورية التشيك

2013 skoda octavia - youtube

فعلا كلامك صحيح
وهى دى المواصفات المتاحه للعربيه
وبعدين كلام الوكيل مش موثق واول مره نسمعه وبعدين اكيد الفتيس هو هو فتيس الباسات
واظن الموضوع ده هيعمل مشكله فى رواج الشكل الجديد لحين اثبات العكس
ناهيك عن موضوع البنزين 95

**mo7a_mo7a** · 07-01-2013 11:47 PM

المشاركة الأصلية كتبت بواسطة طارق _عبد السلام

فعلا كلامك صحيح
وهى دى المواصفات المتاحه للعربيه
وبعدين كلام الوكيل مش موثق واول مره نسمعه وبعدين اكيد الفتيس هو هو فتيس الباسات
واظن الموضوع ده هيعمل مشكله فى رواج الشكل الجديد لحين اثبات العكس
ناهيك عن موضوع البنزين 95

يا فندم مصر بتبلع الظلط ..

احنا هنا بنشتري اي حاجة .. اذا كان في ناس بتدفع 100 و 150 الف في عربيات صيني مش حتشتري اكتافيا اتوماتيك!

ولو كان الفيتيس مشكلة مكنش الباسات والجيتا اتباعت ولا ايه؟؟؟

**inspiron** · 07-01-2013 11:49 PM

المشاركة الأصلية كتبت بواسطة طارق _عبد السلام

فعلا كلامك صحيح
وهى دى المواصفات المتاحه للعربيه
وبعدين كلام الوكيل مش موثق واول مره نسمعه وبعدين اكيد الفتيس هو هو فتيس الباسات
واظن الموضوع ده هيعمل مشكله فى رواج الشكل الجديد لحين اثبات العكس
ناهيك عن موضوع البنزين 95

خسارة والله يا أستاذ طارق..العربية معدية بكل المقاييس شكلاً ومضمونناً..كانوا هيخسروا إيه لو نزلت بنفس الفتيس التيبترونيك علي موتور أقوي

-

الموضوع: فيتيس DSG فى الاوكتافيا الجديدة ارجو التعليق للخبرا منقول من الاستاذ mohammedrefaat

LinkBack

أدوات الموضوع

عرض

فيتيس DSG فى الاوكتافيا الجديدة ارجو التعليق للخبرا منقول من الاستاذ mohammedrefaat - انشر الموضوع فى :

-

-

-

-

المواضيع المتشابهه

موضوع محير عن بناه الاهرامات - ارجو التعليق الهادف من المتخصصين بالمنتدى ..... الجزء4

للخبرا فقط عيب فى البونتو 94

تقييم للافيو ( منقول للامانة) وارجو التعليق

كذب الحكومة .......................ارجو التعليق

الكلمات الدلالية لهذا الموضوع

المفضلات

المفضلات

ضوابط المشاركة