استفسار عن رخصة بناء

**moudy88** · 08-01-2013 12:15 AM

السلام عليكم ورحمة الله وبركاته

عندنا ارض فاضيه في الشروق 276 متر
ولسه مستلمها من شهر تقريبا

والنهارده فيه مكتب اتصل بيا وبيعرض انه يستخرج لنا الترخيص ب 6 الاف جنيه

3 الاف ثمن الرخصه و 1000 بوليصه و2000 اتعاب المكتب وفي خلال شهر

رخصه ارضي و3 ادوار

هل الرخصه دي لازم مكتب اللي بطلعها ولا انا ممكن عادي اطلعها

وهل السعر كده كويس

**Salamonti** · 08-01-2013 02:10 AM

مش لازم مكتب اللي يطلعها ولا حاجة..
هي ورق وإجراءات تقدر تعملها بنفسك وتخلصها

فكرة المكتب بقا انه بيوفر عليك اللف والدوران ورا المصالح الحكومية وطوابيرها بدل المجهود وكمان بيستغل معارفه في الجهات اللي بتطلع التراخيص عشان يختصرلك الوقت مقابل أتعابه اللي بياخدها..

لو انت مستعجل عالبناء ومعندكش وقت فاضي تضيعه في الطوابير والروتين وكده يبقا المكتب أفضل ليك..
لكن نصيحة شوف كذا مكتب وقارن بين الأتعاب بتاعتهم واعرف الشغل يستاهل المبلغ المطلوب ولا بيتنصب عليك..

أما لو انت مش مستعجل عالبناء يبقا تنزل مرة بنفسك تشوف الإجراءات المطلوبة إيه خطواتها وتبقا تعملها على مهلك واحدة واحدة كل ما تلاقي نفسك فاضي وتقدر تروح حتى ولو يوم كل شهر وتبقا انت أولى بالفلوس دي..

**Most_H** · 08-01-2013 02:12 AM

المشاركة الأصلية كتبت بواسطة salamonti

مش لازم مكتب اللي يطلعها ولا حاجة..
هي ورق وإجراءات تقدر تعملها بنفسك وتخلصها

فكرة المكتب بقا انه بيوفر عليك اللف والدوران ورا المصالح الحكومية وطوابيرها بدل المجهود وكمان بيستغل معارفه في الجهات اللي بتطلع التراخيص عشان يختصرلك الوقت مقابل أتعابه اللي بياخدها..

لو انت مستعجل عالبناء ومعندكش وقت فاضي تضيعه في الطوابير والروتين وكده يبقا المكتب أفضل ليك..
لكن نصيحة شوف كذا مكتب وقارن بين الأتعاب بتاعتهم واعرف الشغل يستاهل المبلغ المطلوب ولا بيتنصب عليك..

أما لو انت مش مستعجل عالبناء يبقا تنزل مرة بنفسك تشوف الإجراءات المطلوبة إيه خطواتها وتبقا تعملها على مهلك واحدة واحدة كل ما تلاقي نفسك فاضي وتقدر تروح حتى ولو يوم كل شهر وتبقا انت أولى بالفلوس دي..

مع انى معرفش فى التراخيص، بس كلام موزون

**mohamed_selim** · 08-01-2013 11:56 AM

المشاركة الأصلية كتبت بواسطة salamonti

مش لازم مكتب اللي يطلعها ولا حاجة..
هي ورق وإجراءات تقدر تعملها بنفسك وتخلصها

فكرة المكتب بقا انه بيوفر عليك اللف والدوران ورا المصالح الحكومية وطوابيرها بدل المجهود وكمان بيستغل معارفه في الجهات اللي بتطلع التراخيص عشان يختصرلك الوقت مقابل أتعابه اللي بياخدها..

لو انت مستعجل عالبناء ومعندكش وقت فاضي تضيعه في الطوابير والروتين وكده يبقا المكتب أفضل ليك..
لكن نصيحة شوف كذا مكتب وقارن بين الأتعاب بتاعتهم واعرف الشغل يستاهل المبلغ المطلوب ولا بيتنصب عليك..

أما لو انت مش مستعجل عالبناء يبقا تنزل مرة بنفسك تشوف الإجراءات المطلوبة إيه خطواتها وتبقا تعملها على مهلك واحدة واحدة كل ما تلاقي نفسك فاضي وتقدر تروح حتى ولو يوم كل شهر وتبقا انت أولى بالفلوس دي..

كلام سليم جدا ... المكتب بيوفر عليك لانه عارف يعمل ايه بالظبط بس ممكن نصب او ورق يعدى كده عشان هو عارف الموظف و يرجع عليك بعدين بمشاكل فاسال فى كذا مكتب و لو ليك معرفه فى مكتب او كده يبقى معاك و انت بتاخد ورقك عشان يتاكد انه سليم .... و برضه اتعاب المكتب مايخدهاش غير لما تشوف الورق و تتاكد انه سليم الاول