الموضوع: عايزه اغير شكل الماروتى 2013

تفاصيل التراخيص :
اولا انا روحت من غير مندوب من المعرض علشان هيه كانت كاش
طلبوا منى اجيب دوسيه و اصور بطاقتى صورتين و دمغات و حاجات كده بحوالى 27 جنيه و نزلت عملت الفحص و بعد كده اتمضى و قالولى جيبى طفايه حريق جبتها من المرور برده بحوالى 127 جنيه و طلعت سلمت كل الاوراق و دخلت للظابط علشان يمضى الموافقه و بعد كده استلمت النمر و اتركبت النمره ب 120 جنيه و تأمين اجبارى تقريبا 90 جنيه المهم يعنى انه كله دخل فى حوالى 650 السنه الواحده ولو عايزه 3 سنسن كل سنه ب 120 جنيه بس كده و استلمت الرخصه و النمر اتركبت و الحمد لله مدفعتش جنيه واحد رشوه لاى موظف غير بس اللى ركبلى النمر كان صعبان عليه فى البرد و هو كان غلبان فاديتله اللى ربنا قدرنى عليه و بس كده يارب اكون افتدكم

و قولولى افكار ادارى بيها لونها الابيض انا شوفت استيكر ساده كل الالوان هل ينفع احط على الكبوت و السقف و الابواب و الشنطه و ادارى اللون الابيض و لا احط فى جزء و جزء و لا هيبقى وحش و ايه اللون المناسب و يكون شيك معلش انا عارفه انى قرفتوكوا بس اعتبرونى زى اختوكوا