| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 21

  1. #1

    الصورة الرمزية aya122010

    رقم العضوية : 133257

    تاريخ التسجيل : 08Jan2013

    المشاركات : 14

    النوع : انثى

    الاقامة : مصر

    السيارة: ماروتى

    السيارة[2]: هيونداى

    الحالة : غير متواجد

    Wink عايزه اغير شكل الماروتى 2013 - Facebook Twitter whatsapp انشر الموضوع فى :

    ازيكم جميعا انا عضوه جديده معاكم فى المنتدى و سعيده جدا بوجودى معاكم
    انا لسه جايبه عربيه ماروتى موديل 2013 بس لونها ابيض لان مكنش متاح الوان تانيه غير اسود و ابيض و انا كان نفسى فى احمر بس مليش نصيب المهم انا عايزه افكار اخلى شكلها بناتى ميبنش انها تاكسى يعنى و فى كمان استفسار انا ركبت كاسيت صينى و سماعات بيونير بس الصوت بيعلى و يوطى و انا ماشيه مش مش مظبوط ده من ايه ؟ و كمان انا رايحه ارخصها بكره ان شاء الله حد يعرف ترخيص سنه بكام و لازم مندوب من المعرض يجى و لا اروح انا انا معايا كل اوراقها انا جايباها كاش و ياريت تقولولى افكار تخلى شكلها حلو من جوه و من بره من غير ما اغير فى الاساسيات بتاعتها و شكرا ليكم اووووووووووووووووووووى


  2. #2

    الصورة الرمزية bassol2000

    رقم العضوية : 77600

    تاريخ التسجيل : 13Aug2010

    المشاركات : 341

    النوع : ذكر

    الاقامة : Alexandria

    السيارة: noooooooooooooooooo

    السيارة[2]: Nissan Sunny 10 Black M/T

    دراجة بخارية: nooooooooooooooooooo

    الحالة : غير متواجد

    افتراضي -

    الف مبروك يا ست البنات و الماروتي من العربيات اللى انا بحبها جداً صغننه كده و بتسلك فى الزحمه و دى ميزه مش هتحسي بيها غير لما تركبي عربيه زى الصني الشكل اللى معايا او الفورد او الحاجات الرخمه دى .. علي اى حال فى طرق كيتير كده تخلي شكل العربيه بيها حلوه بس مش هتجيلك الافكار غير لما تنزلي مثلا انتى و اتنين صحابك تتفرجو على الاكسسوارات و كده و تاخدو رأي بعض عالحقيقه غير طبعا بالنسبه للكاسيت انا انصحك اول ما ربنا يكرمك بفلوس زياده عن احتياجاتك الاساسيه تجيبي كاسيت بيونير entry-level مش شرط حاجه عاليه اوى يعنى .. صدقيني اقل حاجه فى البايونير احسن من اعلي حاجه فى الصيني .. و الف مبروك ثانيا و هى مش تاكسي دى عربيه ممتازه اقتصاديه موفرة و عملية ... و اللى يشوفها غير كده معلش يبقي اكيد عنده خلل فى وجهة نظرة .. انا لحد وقت قريب كنت بفكر اجيبها لخطيبتي هى او الالتو .. لسه ماقررتش بس السوزوكي يابانى و احسن شركة بتعمل مواتير صغيرة .. عربيتك محترمه بس انتى دلعيها و هتحبيها اوى . هاتى مثلا فرش فرو للكراسي .. شوية حركات كده انا عندى فى العربيه معلش buzz ياطير :D ههههههههههه تحت مراية النص بشوية شكله جميل صراحه و هى اذواق بس انتى عاوزه حاجة بناتي ممكن ميني ماوس او كده و الف مبروك و اللون الابيض جميل بجد :)

    [img2]http://i994.photobucket.com/albums/af70/bassol200/1_zpsad58a6da1Small_zps3d128be0.jpg[/img2]


  3. #3

    الصورة الرمزية aya122010

    رقم العضوية : 133257

    تاريخ التسجيل : 08Jan2013

    المشاركات : 14

    النوع : انثى

    الاقامة : مصر

    السيارة: ماروتى

    السيارة[2]: هيونداى

    الحالة : غير متواجد

    افتراضي -

    بجد ميرسى اووووى لزوقك و ربنا يوفقك انت و خطيبتك بس برده انا عايزه افكار من بره يعنى اطفى اللون الابيض شويه و ميرسى ليك تانى


  4. #4

    الصورة الرمزية S O P H O S

    رقم العضوية : 71514

    تاريخ التسجيل : 25May2010

    المشاركات : 26,779

    النوع : ذكر

    الاقامة : EgYpT-ⵍⵎⵖⵔⵉⴱ-

    السيارة: -- -- all FiaT ---

    السيارة[2]: ToYoTa CorOllA ---

    دراجة بخارية: - - - - - - -

    الحالة : غير متواجد

    افتراضي -

    الف مبروك لحضرتك ربنا يباركلك فيها
    ومبروك علي نايل موتورز اخت كريمة
    حضرتك ممكن تشوفي كام استيكر بناتي واللوان لذيذه تحطيه من برا بس مش كتير
    علشان المرور وكمان تجيبي فرش جوا لون حلو مش عاوز اقول دباديب لان ده اكيد هيبقي موجود اساسي
    وان شاء الله ترخصي العربية علي خير بس بلاش اللون الاسود فأي شئ فالعربية من برا
    والله اعلم ..


  5. #5

    الصورة الرمزية dr.hazem

    رقم العضوية : 68443

    تاريخ التسجيل : 20Apr2010

    المشاركات : 7,562

    النوع : ذكر

    الاقامة : الأردن

    السيارة: chery QQ3

    السيارة[2]: suzuki maruti

    دراجة بخارية: suzuki 2002

    الحالة : غير متواجد

    افتراضي -

    اهلا وسهلا بحضرتك معانا...
    ألف مبروك العربية...
    اتفضلي اللنك ده فيه شوية حاجات حلوة...
    http://www.nilemotors.net/Nile/316817-a.html (اكسسوارات الماروتي...)
    تحياتي

    Sent from my SE Arc S using Forum Runner

    don't judge a car unless you have driven it

    hm414 سابقا


  6. #6

    الصورة الرمزية kaza

    رقم العضوية : 63376

    تاريخ التسجيل : 25Feb2010

    المشاركات : 1,015

    النوع : ذكر

    الاقامة : مدينة نصر

    السيارة: فيات كروما

    السيارة[2]: نيسان صني

    دراجة بخارية: لاتوجد

    الحالة : غير متواجد

    افتراضي -

    مبروك العربية للاخت الكريمة وهي عربية ممتازة في استهلاك البنزين والحجم المدمج ورخص وتوافر قطع الغيار
    اما موضوع التعديل فاقترح جنوط رياضية ويسلام لو مطلية كروم بتبقي ممتازة مع اللون الابيض وتلوين الزجاج علي خفيف ودة فية خيارات كتير متاحة وسهلة وبدون مبالغة علشان المرور (بالمناسبة التعديلات دي بعد الترخيص انشاء الله) وممكن اضافة انوار شبورة امامية رقيقة (بناتي) وفرش جلد محترم وممكن كمان تجليد التابلوة بلونين مختلفين والاهم من دة كلة ودي نصيحة ليكي هتعرفي قيمتها في الصيف التكييييف وما ادراكي عر بية صغيرة وفي الحر بدون تكيف فرن من افران جهنم
    عموما مبروك العربية وعقبال ما تحطيها في الردة وتكبر شوية


  7. #7

    الصورة الرمزية mohamedrabia

    رقم العضوية : 45775

    تاريخ التسجيل : 30Aug2009

    المشاركات : 841

    النوع : ذكر

    الاقامة : 6 اكتوبر

    السيارة: نيسان صني

    السيارة[2]: دايو لانوس

    دراجة بخارية: NO

    الحالة : غير متواجد

    افتراضي -

    شرفنا انضمامك للمنتدي والف مبروك السيارة الجديدة اهم شي العنايه بالسيارة وتغيير الزيت بصفه دورية وقياس المياة والصيانة الدورية ليها بعد كده تشوفي بقا ميولك في تعديل العربيه بس بلاش دباديب كتير مش هتشوفي منها الطريق ولا قدام ولا وراء ممكن تعملي استكيرز الي بيتحط علي الكابوت والشنطة وحولين العربيه بس بفن بقا وشياكه عن واحد فنان وبيكون نفس لون السيارة اولون تاني حسب رغبتك بيحافظ عليها وفي نفس الوقت بيبقي شكله لذيذ وكمان لو حابه تعملي نور عالي زينون هيخليها روعه بالليل ومش لازم الغالي ممكن تغيرية بالعادي هيقوم بالمهمة برده وبخصوص الكاسيت والسماعات وانا عملت الموضوع ده في عربيه صديق ليا ماروتي برده اشتريت كاسيت سي دي فلاشه هو كان صيني واهتميت جدااا بالسماعات علشان الصوت يبقي كويس ولو حابه تجلدي التابلوة جلد لون تاني هيبقي تحفه بس عايز صنايعي كويس

    [OVERLINE]اذا لم تحارب من اجل شي اردته فلا تبكي علي شي قد خسرته[/OVERLINE]


  8. #8

    الصورة الرمزية waelgam2005

    رقم العضوية : 121094

    تاريخ التسجيل : 27Feb2012

    المشاركات : 491

    النوع : ذكر

    الاقامة : العاشر

    السيارة: مفيش

    السيارة[2]: ماروتى 2012

    دراجة بخارية: مفيش

    الحالة : غير متواجد

    افتراضي -

    الف مبروك عليكى
    بالنسبة انك تخلى العربية بناتى فا مش عارف اللون بصراحة مش مخلى فكرة معينه تخلى العربية بناتى لانه رجالى اوى بس ممكن تحطى كام دبدوب كدا ورا فى الرف وحاجه صغيرة فى التابلوه من قدام وتجيبى فرش للتابلوه قدام لونه يكون بناتى وممكن رسومات بناتى كدا على باب العربية بتاعك واللى جمبك او حتى ورا بس استنى بعد الترخيص عشان الفحص
    بالنسبة لتكلفة الترخيص لسنة واحده اعتقد من 650 ل 700 وانا رائى اعملى 3 سنين عشان تريحى نفسك انا للاسف عامل سنه واحدة عشان جايبها تقسيط مش كاش وحامل هم مشوار المرور كل سنة ده
    لو 3 سنين اعتقد من 800 ل 900 مش هتزيد عن كدا


  9. #9

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : غير متواجد

    افتراضي -

    الف مبروك العربية ربنا يديك خيرها و يكفيكي شرها و اهلا و سهلا انضمامك للمنتدي و قسم السوزوكي

    بخصوص الترخيص سنة اعتقد بحوالي 150 ج بالاضافة للتأمين الاجباري 90-100 ج تقريبا
    و فيه حاجات مهمة بما انها لسه العربية جديدة يعني طفاية و مثلث عاكس و شنطة اسعافات أولية اخر 3 حاجات حوالي 150-200 ج و النمر تقريبا 150 ج و شوية مصاريف ادارية بسيطة بس يكون معاكي الورق كامل و الافراج و العقد و كله
    الخطوات و الاوراق المطلوبة بتبقي مكتوبة ع لوحة في المرور ياما تشوف حد من المعرض اللي اشتريته منه يجي يخلصلك كل الورق و ده المفروض بيحصل بس متقعديش و تسيبيه منها عشان تعرفي الخطوات ماشية ازاي و منها تبقي شايفة كل حاجة ماشية صح و الورق سليم و في الاخر تديله حاجة في ايديه

    نيجي لتوتي كما احب ان اسمي الماروتي اهم حاجة الصيانات الدورية و متنسيش صيانة اول 1000 ك و يفضل ع 5000 ك تغيري زيت الفتيس كله لأن احيانا بيبقي فيه رايش فنبقي في السليم و لو حد قالك لأ مبيتغيرش متسمعيش كلامه زيت الفتيس بيتغير كل 30 الف تقريبا و لو متابعة مع التوكيل هم هيظبطوا الصيانات ده المفروض يعني
    كذلك مية الريداتير و زيت الفرامل كل سنتين او 40 الف تقريبا بيتغيروا لكفائة دورة التبريد و كفاية الفرامل

    و بما ان العربية جديدة اظبطي زوايا و رصصي العجل
    و متقرصيش ع العربية يعني كبيرك 80-90 في اول 1000-2000 ك عشان بتبقي في مرحلة التليين

    و متنسيش طقوس تشغيل الماروتي في الصيف و الشتا و خلي بالك اوعي تنسي و تمشي في الصيف ع الوضع الشتوي
    http://www.nilemotors.net/Nile/280941-a.html (طقوس تشغيل الماروتي....)

    نيجي لتظبيط توتي
    اولا : من الداخل

    بداية فرش يتناسب مع لون التابلوه و ممكن فرش الابواب القماش يتغير بما يناسب الفرش اللي هيركب ع الكراسي
    دواسات في الارضية لحماية الموكيت انا أفضل يكون لون مناسب للفرش اللي راكب او اي لون يناسب العربية و ديه اذواق
    طارة كسوة تركب ع الدريكسيون منها لحماية الدريكسيون و في نفس الوقت ميتزحلقش و برده لو لونها مع الفرش يكون احلي
    موبيل هولدر \ حامل موبيل يكون حاجة ع ذوقك
    مسند ايدي في الوسط بين الكرسيين يكون نفس لون التابلوه
    و اي العاب خفيف ع الرف الخلفي
    يكفي الكلام ده في البداية للشكل الداخلي و بعدين بقي ع حسب لو لقيتي حاجة عجبتك تاني

    ثانيا : من الخارج

    ممكن استيكر وردة ع الشنطة من ورا شمال او يمين او زي ما تحبي بتبقي استيكرات ملونة ابيض في بمبي تقريبا و شكلي لذيذ و استيكر فراشة صغير ع زاوية الازاز الخلفي بس اهم حاجة متعملكيش مشاكل في الرؤية
    و تركيب طاسات و للعلم الجنط مقاس 12 و بلاش تغيري الجنط ابدا لأن تغيير الجنوط بيتم بحسابات معينة مش اي جنط يركب و طبعا هيكون تكلفة جامدة

    ركبي لمبة ستوب ورا الازاز الخلفي هيبقي شكله حلو مع الفرامل و الرؤية للسايق في الشارع ورا افضل و تركبي فوجات ( انوار شبورة في الوسط قدام ) هتعمل اضاءة كويسة سواء للرؤية او كشكل عام للعربية

    http://www.nilemotors.net/Nile/326087-a.html (تقرير مصور بتركيب كشافات شبورة للماروتي)

    ثالثا : الأهم من كل ده

    تركيب انذار و سنتر و ده يتعمل قبل اي حاجة بس هتكون فيه مشكلة صغيرة ان لو بتابعي مع التوكيل هيقولك تركيب انذار و سنتر برة بيخرج العربية من الضمان و انا عن نفسي كبرت و ركبت و ربنا يسترها
    لو هتركبي انذار و سنتر برة يبقي الأفضل هو وولف wolf و توكيل وولف في اخر ش جسر السويس ورا اسواق القنال انذار و سنتر 300 ج ديه الاسعار اخر مرة كنت هناك و طبعا في موديلات في الانذار تختاري منها اللي يعجبك

    الساوند سيستم طبعا انسي حاجة صيني و الانواع الغير معروفة لأن ديه بتبقي انواع تعبانة و مش هطلع صوت كويس و حالتها كرب خليكي في حاجة زي بايونيير او سوني و سوني توكيله من بي تك و بيكون بالتركيب و ده اللي انا أفضله و الموديل اللي ارجحه في السوني هو سوني 500
    هتظبط الصوت تمام و ممكن تجيبي الهيد يونت سواء بايونيير او سوني فيه وصلة aux عشان الـmp3 و غيره و فيه usb و ميموري كارد لو عايزة بس تعمل حسابك الهيد يونت زي ديه مش اقل من 550 ج فيما فوق ع حسب النوع و الموديل و امكانياته
    بخصوص السماعات البايونيير كويس بس المهم كام وات و انهي صناعة ؟؟
    و في انتظار تقرير عن السماعات و الكاسيت اللي راكب في العربية في موضوع منفصل في القسم :)

    بس كده مفيش حاجة تاني لحد دلوقتي الأهم الصيانات زي الزيوت و السيور و الفلاتر و جدول الصيانة هتلاقيه في دليل العربية اللي بتستلميه مع العربية
    و المفروض انك بتستلمي دليل العربية ( الكتالوج ) و جدول الصيانات و كوبون الصيانة المجانية الأولي و العدة في الشنطة كوريك و مفتاحه و مفتاح ربط العجل و الاستبن و تتأكدي ان كل حاجة في العربية سليمة و شغالة سواء انوار عدادات مساحات كل حاجة تجربيها انها شغالة

    و اي استفسار اتفضلي


  10. #10

    الصورة الرمزية mesaharaty

    رقم العضوية : 7200

    تاريخ التسجيل : 09Mar2008

    المشاركات : 2,336

    النوع : ذكر

    الاقامة : القاهرة

    السيارة: مترو الأنفاق

    السيارة[2]: ٍSUZUKI MARUTI 2009

    الحالة : غير متواجد

    افتراضي -

    ألف مبروك على إنضمامك يا أختنا العزيزة لأسرة سوزوكى ماروتى وأسرة نايل موتورز وتهنئة على إختيارك للسيارة ماروتى وإن شاء الله تكون وشها حلو وفاتحة خير .
    طبعا أنا لا أجد كلام أقوله بعد الإخوة الأفاضل ما قالوا كل الكلام .
    بالتوفيق إن شاء الله

    لما كلكم عاوزين تبقوا فتوات أمال مين إللى حينضرب



 
صفحة 1 من 3 1 2 3 الأخيرةالأخيرة

المواضيع المتشابهه

  1. عاوز اغير كاوتش الماروتى
    بواسطة joesph2010 في المنتدى سـوزوكى
    مشاركات: 5
    آخر مشاركة: 14-12-2012, 12:25 PM
  2. مشاركات: 10
    آخر مشاركة: 03-12-2012, 11:48 PM
  3. مشاركات: 6
    آخر مشاركة: 18-12-2011, 12:05 AM
  4. ينفع اغير الدسك بس من غير ما اغير الطقم كله ؟
    بواسطة saadelden في المنتدى ورشـــة نــايل مــــوتـــورز
    مشاركات: 16
    آخر مشاركة: 05-06-2011, 09:18 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0