الموضوع: باركولي طلعت الرخصة السعودية

الحمد لله ربنا وفقني
وطلعت الرخصة السعودية وعملت استبدال للرخصة المصرية
العملية دي اخدت مني 3 ايام رايح جاي ومشاوير

مش في مصر تقعد في مكتب الباشا والرخصة تجيلك بعد ربع ساعة على ماتشرب النسكافيه؟

بجد والله تعبت واثرت علي صحيا واثرت على شغلي بسبب عدم النوم لساعات كافية
اول يوم :
الحضور صباحا في اي وقت
تروح المرور تسحب نموذج الاختبار والكشف الطبي (ورقة واحدة)
وبعدين تطلع بيها على المستشفى تعمل الكشوفات والتحاليل الطبية
وبعدين ترجع تروح شركة خاصة اسمها دلة (دي مسئولة عن تقييم المتقدمين للحصول على الرخص وتقول ينفع يستبدلوا الرخصة بتاعة بلدهم ولا يدخلوا كوس تدريبي لمدة 5 ايام) هيجيلك مدرب من عندهم ويقولك اركب الحتة التويوتا الكامري موديل 2011 ويجرب سواقتك ولو نفعت يكتبلك استبدال ويوقع

ثاني يوم :
الحضور الساعة 9.30
تروح شركة دلة علشان تدخل قاعة تتعلم فيها الاشارات وكيفية الامتحات مع الفرجة على شوية فيديوهات وعظ من الحوادث
وبعدين تطلع الميدان يوريلك نظري ازاي تركن العربية او ما يسمى بالتلبيكة

ثالث يوم :
ده الاصعب لانه مطلوب منك الحضور الساعة 6.30 صباحا للاختبار
انا خارج من البيت الساعة 5 الفجر
هتروح تمتحن
هتسوق العربية لمسافة كبيرة شوية مع اتباع العلامات الارشادية والمرورواشارات المرور والدوران (الصينية) وعلامات مرسومة على الارض
وبعدين تعمل التلبيكة ولو نجحت فيها بيقولك روح على الاشارات ودي 20 سؤال لازم تحل على الاقل 15 صح وكلها على الكمبيوتر
وبعدين مبروك الرخصة


التكاليف
100 شهادة طبية
100 شركة دلة
430 رسوم الرخصة
100 ريال مواصلات لمدة 3 ايام

المشاركة الأصلية كتبت بواسطة y a r i s

ايه ده يا ابو صلاح مش ( دلة ) دي. الي في الدمام
اصل انا طلعت فيها الرخصة زمان من قيمت ٢٠ سنة. بس على ما اتذكر دفعت ٥٠٠ ريال وعلموني ساعتها اضافة لكلام ساعتك. فوق الاشارات والتلبيكة علموني ميكانيكا وامتحنوني فيها ( اجباري ). رغم ان رخصة خصوصي. يعني ملاكي ؟؟
وحتى. من ضمن الفحوصات اني اروح بنك الدم ولازم اتبرع هناك بكيسين دم علشان لو حصل حاجة في المستقبل حادثة لا قدر الله يكون ليا رصيد في البنك وكان البنك اياميها في العقربية عند مستشفى الملك فهد التعليمي كده

الا صحيح يا ابو صلاح شكل الرخص هناك اتغير ولا هيا هيا بتاعت زمان يعني الرخصة كرتون ولا. بلاستيك زي بتاعت مصر كده ؟ ... وتحياتي ليك يا باشا والف مبروك ... فكرتني بالزي مضى :)

حمد الله على السلامة ياباشا
وعمرة مقبولة

دلة ياباشا توجد اينما يوجد مرور في اي مكان بالمملكة
انت دفعت 500 ريال علشان الكورس التعليمي الكامل اللي مدته 5 ايام وفعلا سمعت زمان انهم كانوا بيختبروا ميكانيكا للخصوصي انا مخدتش الكورس ده علشان انا قدمت الرخصة المصرية وعملي اختبار على طريقة القيادة وقبلوا الاستبدال واني غير محتاج لكورس كامل
بالنسبة للتبرع بالدم لما تروح المستشفى قدامك خيارين انك تدفع 100 ريال أو تتبرع بالدم انا كنت عايز اتبرع بس عندي شواية مشاكل في الضغط والدكتورة بتاعة المعمل مجاتش بدري علشان استفسر منها ينفع ولا ماينفعش
الاجمل في السعودية انك كل مرة بتتبرع بالدم بتاخد شهادة ولما تكمل 10 مرات بتاخد وسام شرف من الملك
بالمناسبة مستشفى الملك فهد تقريبا موجودة في كل مكان انا في واحدة قريبة من سكني في جيزان

الرخصة شكلها بقت شكل الاقامة بالظبط مع اختلاف البيانات (زي البطاقة في مصر كده)

وربنا يبارك فيك