الموضوع: كلاكيت تاني مره .. سخان غاز (إيديال / أولمبيك / زانوسي)؟؟؟؟

حدش جرب الزانوسي ياولاد الحلال .. السخان عندي هيشلللني :( وخايفين نحمي العيال. الجو برد هنا بعيد عنكو :)

تسلم ياغالي ..

ماهو الأوليمبيك خلاص تقريبا مفيش غبار عليه بالنسبالي، واضح إن سمعته تمام.

أنا بس ميال للزانوسي عشان المكونات إيطالي والمفروض إنه أحدث تكنولوجي، بس المشكلة
عشان جديد مش لاقي تجارب واضحة عنه، مفيش غير تجربة واحده يتيمة لقيتها على منتدي وكانت بتشكر فيه قوي.

هو الزانوسي أغلي من الإيديال والأوليمبيك حاجة بسيطة (ب ٧٠٩ جنيه بالتوصيل من الشركة بالتليفون) وكلهم تبع نفس الضمان (أوليمبيك جروب)، خايف بس أجرب وألبس في الحيط، فقولت يمكن ألاقي حد مجربة يشجعني.

شفتهم الثلاثة جنب بعض عندنا في مول عوض الله .. الزانوسي عجبني شكله جدا ... وهو أغلاهم ... وحضرتك أضفت لي معلومة جديده إنه مكونات إيطالي وإنهم بييجوا يركبوه كمان فكده كويس جدا ... شركة الغاز هتركب عندنا كمان شهرين ثلاثة وكنت ناوي أشتري حاجة مستورده لكن شكلي كده هافكر في الزانوسي بس يا ريت يكون حد جربه عملي يشجعنا.

توكل على الله وهات ايديال
عندى وشغال تمام
خامته نضيفه وقوية
بيشتغل على اقل ضغط مياه
شاشة ديجيتال لدرجة الحرارة
واشعال ذاتى بحجرين تورش
ضمان 5 سنين
مشوفتش حد اشتكى منه

المشاركة الأصلية كتبت بواسطة rapid

توكل على الله وهات ايديال
عندى وشغال تمام
خامته نضيفه وقوية
بيشتغل على اقل ضغط مياه
شاشة ديجيتال لدرجة الحرارة
واشعال ذاتى بحجرين تورش
ضمان 5 سنين
مشوفتش حد اشتكى منه

والله واضح إن الثلاثة سمعتهم تمام، ربنا يقدم إللي فيه الخير. شكرا يا فندم :)

المشاركة الأصلية كتبت بواسطة friendship7897

أنا بشتغل في شركة أوليمبيك جروب
أتصلت دلوقتي بمركز خدمة ما بعد البيع أستفسر لك عن نسب الصيانة للسخان الزانوسي
قالوا : إن نسبة الإعطال تكون معدومة منذ نزوله الأسواق ، ولم يشتكي منه أحد حتى الآن
وضمانه ضمان أوليمبيك جروب يعني زيه زي إيديال وأوليمبيك وأكيد مش هيكون أقل جودة
أكيد هيكون جودة أفضل للتطور وأسم الشركة
وربنا يوفقك

ياباشا مش عارف أشكرك إزاي إنت كده ريحتني كتير وشجعتني. طيب أنا شايف ناس كتير بتشكر في الأوليمبيك عن اليونفررسال في حته ثبات الحراره والعمل على أقل ضغط مياه. بيتهيألي الزانوسي مش هيخير عنه في الحكاية دي، صح؟

المشاركة الأصلية كتبت بواسطة hugan

اليونفيرسال مصر كلها تقريبا شغال
عندي له سنتين وشغال كويس
المنطقه كلها لما الغاز دخل فيها كله مركب يونفيرسال

واله يافندم اليونفرسال سمعت فيه شكر كتير يس سمعت مشاكل برضه خصوصا حته عدم ثبات الحراره أو إنه ما ثمش لو ضغط المساه ضعيف أو متذبذب. وفيه ناس إشتكت من خدمة ما بعد البيع. عشان كده إستبعدته. بس ممكن تكون المشكلة دي في الموجود دلوقت في السوق لأن الناس إللي جايباه من سنتين ثلاثه معدهاش مشكلة. ربنا يبار م لك فيه :)