الموضوع: سعر جديد جدا KIA RIO 2013 Sedan High Line

ما تفكر فى اللينا الجديدة يا باشا عربيه اوروبى و ركوبة احسن من الكيا

بس لو الريو فعلا ب 126 وكيل يبقى كده اوفر اوى يعنى و هاتها خليجى و خلاص

والله يا باشا كراي شايف ان الهتشباك ناجحة بردوا
وانتشار جميل ومطلوبة وحاسس انها قدام هتتميز اكتر
ومش قاعدة عامة ان الهتشباك اقل من السيدان يعني الجوليت مازالت اغلي من اللانوس علي سبيل المثال
والله اعلم ..

هو سعر ممتاز وخصوصا فى ظل ارتفاع اسعار السيارات موخرا وخصوصا ان الاكسنت rb بقت بــ 116 ولكن قارن بين التجهيزات والكماليات وشوف ايه الى يهمك يكون موجود فى العربيه

بس ليا ملحوظه هو حضرتك عارف موضوع استهلاك البنزين الغريب الى فى الريو الجديده ؟؟

اكيد طبعا خد الخليجى انت اولى بالفلوس و اعمل ضمان تربل ايه سنه علشان لو فيها عيب صناعه او اى حاجه تغيرها

المشاركة الأصلية كتبت بواسطة algazar2

ما تفكر فى اللينا الجديدة يا باشا عربيه اوروبى و ركوبة احسن من الكيا

بس لو الريو فعلا ب 126 وكيل يبقى كده اوفر اوى يعنى و هاتها خليجى و خلاص

الفيات اللينا دى مش عارف عنها اى حاجه بس سعرها عالى اوى برضه فى فرق مش اقل من 20 الف انا برضه بقول كده والله فى موضوع الوكيل ده وسالت على موضوع التوكيل اللى اسمه تريبل ايه وسمعت انه بيديك ضمان 3 سنين ب 2100 وهستفاد بالاوبشن الزياده

المشاركة الأصلية كتبت بواسطة hossam_elwani

هو سعر ممتاز وخصوصا فى ظل ارتفاع اسعار السيارات موخرا وخصوصا ان الاكسنت rb بقت بــ 116 ولكن قارن بين التجهيزات والكماليات وشوف ايه الى يهمك يكون موجود فى العربيه
بس ليا ملحوظه هو حضرتك عارف موضوع استهلاك البنزين الغريب الى فى الريو الجديده ؟؟

صراحه انا شايف ان الامكانيات بتاعتها دى
مش موجوده فى اى عربيه تانيه وسعرها هيكون
اغلى من كده بكتير وموضوع البنزين ده انا قريت
عنه كتير قوى والشكوى بدات تقل اوي خصوصا بعد
الابديت الاخير اللى نزل فى العربيات الجديده حاليا والله اعلم
واكيد الموضوع ده مش هيفضل كده على طول يعنى شركه زى كيا
اكيد بتحاول تعالجه خصوصا بعد التاكد من ان الموضوع كله سوفتوير

المشاركة الأصلية كتبت بواسطة s o p h o s

والله يا باشا كراي شايف ان الهتشباك ناجحة بردوا
وانتشار جميل ومطلوبة وحاسس انها قدام هتتميز اكتر
ومش قاعدة عامة ان الهتشباك اقل من السيدان يعني الجوليت مازالت اغلي من اللانوس علي سبيل المثال
والله اعلم ..

انا مش بحب الهاتشباك لان السيدان بتاعه كل الشعب
وهل انت مره شفت راجل كبير راكب عربيه هاتش باك
بس هوه ده اللى انا اقصده وانا ببيع زبونها هيكون كتير
ومن كل الفئات والله اعلم

المشاركة الأصلية كتبت بواسطة abogharib

اكيد طبعا خد الخليجى انت اولى بالفلوس و اعمل ضمان تربل ايه سنه علشان لو فيها عيب صناعه او اى حاجه تغيرها

انا برضه بقول كده بس بالله عليك شوف موضوع الضمان
ده وعايز الاكيد فيه ولو فى موضوع بيتكلم عنه او ناس
بتقول مميزات وعيوب ويكونوا اتعاملوا معاهم فعلا
لانه هيوفرلى كتير جدا

غريبة انا شايف اول امبارح ان سعر السيدان الهاي لاين اول امبارح في التوكيل 129 الف انت لو لقيت توكيل هاي لاين بـ126 الف اشتريها طبعاً